ប៉ូលិសបន្តតាមចាប់មនុស្ស៥នាក់ចោទពីបទធ្វើអបគមន៍
ជនទាំង ៥នាក់នោះ មានដូចជា ទី១ ឈ្មោះ ប៊ុន រដ្ឋា ជាមេខ្លោង អាយុ ៣២ឆ្នាំ ទី២ ឈ្មោះ ប៊ុន ឆន អាយុ ៥៥ឆ្នាំ ទី៣ ឈ្មោះ សុខ តុង អាយុ ៦១ឆ្នាំ ទី៤ ឈ្មោះ ម៉ា ធាង អាយុ ៤៧ឆ្នាំ និងទី៥ ឈ្មោះ ខាត់ សារឿន អាយុ ៤២ឆ្នាំ។
ប្រភពពីអគ្គស្នងការរងនគរបាលជាតិ លោកឧត្ដមសេនីយ៍ សុខ ផល បានមានប្រសាសន៍ថា បក្សពួកចំនួន ៣នាក់ នៅក្នុងចំណោម ៥នាក់នោះ កំពុងតែលាក់ខ្លួននៅក្នុងប្រទេសថៃ និង ២នាក់ទៀតកំពុងតែលាក់ខ្លួននៅក្នុងប្រទេសកម្ពុជា។ លោកបន្តថា សមត្ថកិច្ចកំពុងតែស្វែងរកការធ្វើបត្យាប័ន ឬបញ្ជូនពីប្រទេសថៃ មកកម្ពុជាវិញ ដើម្បីចាប់ខ្លួន។
ទាក់ទងនឹងសំណុំរឿងព្រហ្មទណ្ឌនេះដែរ លោកនាយករដ្ឋមន្ត្រី ហ៊ុន សែន កាលពីថ្ងៃទី១៤ ខែមិថុនា ឆ្នាំ២០១២ បានមានប្រសាសន៍បញ្ជាឲ្យសមត្ថកិច្ចស្វែងរកចាប់ខ្លួនអ្នកទាំង ៥នាក់នោះឲ្យខាងតែបាន ទោះជាអ្នកទាំងនោះកំពុងតែលាក់ខ្លួននៅកន្លែងណា ឬប្រទេសណាក៏ដោយ។
លោក ហ៊ុន សែន៖ «ឥឡូវហ្នឹងមានដីកាតាមចាប់ខ្លួន ៥នាក់ តាមទៀត ដល់ជើងមេឃ។ អំពាវនាវឲ្យអ្នកឯងឲ្យចេញសារភាពមក អាចនឹងបានបន្ធូរបន្ថយ មានការយោគយល់ ប៉ុន្តែត្រង់អ្នកឯងទៅដល់ប្រទេសណា ក៏តាមដែរ។ ត្រូវសុំធ្វើបត្យាប័នមនុស្សហ្នឹងត្រឡប់មកវិញ បើនរណាហ៊ានរារាំង ទោះក្នុងស្ថានទូតក្ដី ទោះក្នុងអង្គការក្រៅរដ្ឋាភិបាល ព្រោះរឿងនេះត្រូវរកឲ្យឃើញសខ្មៅ»។
ប្រធានក្រុមអ្នកស៊ើបអង្កេតនៃអង្គការការពារសិទ្ធិមនុស្សលីកាដូ (Licadho) លោក អំ សំអាត បានមានប្រសាសន៍ថា សង្គមស៊ីវិលមិនបានទទួលព័ត៌មានណាមួយអំពីស្ថានការណ៍លាក់ខ្លួន និងទីកន្លែងលាក់ខ្លួននោះទេ៖ «ប្រជាពលរដ្ឋដែលបានចាកចេញពីភូមិហ្នឹង គឺអត់មានអ្នកវិលទៅវិញទេ មួយចំនួនដែលគាត់ចាកចេញហ្នឹង ហើយមានប្រជាពលរដ្ឋដែលគាត់រស់នៅទីហ្នឹង គឺគាត់រស់នៅទីហ្នឹងដដែលទេ។ ប៉ុន្តែត្រង់ថា ស្ថានភាពដីចំការដីស្អីរបស់គាត់ដែលធ្លាប់ធ្វើ គឺគេផ្អាក អត់ទាន់ឲ្យធ្វើទេ រង់ចាំមានការដោះស្រាយ»។
សេចក្ដីប្រកាសព័ត៌មានរបស់ក្រសួងមហាផ្ទៃ កាលពីថ្ងៃទី១៦ ខែឧសភា ឆ្នាំ២០១២ កន្លងទៅនេះ បានចោទប្រកាន់អ្នកទាំង ៥នាក់នោះចំនួន ៦បទល្មើសដូចតទៅ៖ ទី១ បានតាំងខ្លួនជាអាជ្ញាធររដ្ឋវាស់វែងដីធ្លីបែងចែកដល់ប្រជាពលរដ្ឋ និងបានបោកបញ្ឆោតឲ្យចូលជាសមាជិកនៃសមាគមអ្នកប្រជាធិបតេយ្យ។ ទី២ បានរារាំងសមត្ថកិច្ចនគរបាលមិនឲ្យបំពេញតួនាទីចុះស្រង់ស្ថិតិប្រជាពលរដ្ឋ។ ទី៣ បានចាប់ខ្លួនយោធាចំនួន ២នាក់ បង្ខាំងទុក និងបានដកហូតអាវុធកន្លងមក។
ទី៤ បានដឹកនាំបាតុកម្មបិទផ្លូវជាតិជាច្រើនលើកកន្លងមក។ ទី៥ បានបង្កើតភូមិថ្មីមួយចំនួន និងបានប្រកាសរំសាយភូមិចាស់ចំនួន ៣ នៅឃុំកំពង់ដំរី និងគំរាមកំហែងប្រជាពលរដ្ឋ និងទី៦ បានគាបសង្កត់អ្នកដឹកនាំភូមិមិនឲ្យទាក់ទងជាមួយអាជ្ញាធរមានសមត្ថកិច្ច និងបានបង្ខាំងប្រជាពលរដ្ឋមិនឲ្យចេញពីតំបន់ដែលខ្លួនគ្រប់គ្រងនោះ។
ដោយឡែកប្រជាពលរដ្ឋចំនួន ៨នាក់ ដែលត្រូវបានអាជ្ញាធរចាប់ខ្លួនភ្លាមៗកន្លងមក គឺ ៥នាក់ត្រូវបានដោះលែងឲ្យមានសេរីភាពវិញហើយដោយតុលាការខេត្តក្រចេះ នៅសល់ប្រជាពលរដ្ឋចំនួន ៣នាក់ទៀត បន្តជាប់ឃុំខ្លួន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
bopeakboroskhmer
ពី phnom penhWell, no wonder when CPP want to arrest some one from other parties, it's too easy to find but if CPP staff itself commit any crime always say mistake or can't it. I am not a member of any party or interesting to join but i've seen unusual things going on in this regime, bias,grouping,love other races rather than their own native people, but some govt. staffs accused opposition being a racism on youn immigrant.
Jun 16, 2012 06:06 PM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
