កិច្ចប្រជុំ ដែលធ្វើរសៀលថ្ងៃទី០៥ ខែមេសា បានពិភាក្សាលើចំណុចសំខាន់ ៤។ ទី១ គឺស្តង់ដារសមត្ថភាពនៅប្រទេសជប៉ុន ទី២ លទ្ធផលការងារដែលបានអនុវត្ត និងសម្រេចបានក្នុងឆ្នាំ ២០១១ ទី៣ គ្រឹះស្ថានអប់រំបណ្ដុះបណ្ដាលវិជ្ជាជីវៈសម្រាប់ការងារសមរម្យនៅប្រទេសជប៉ុន និងចំណុចទី៤ ផែនការការងារសម្រាប់អនុវត្តក្នុងឆ្នាំ ២០១៣ និងថ្ងៃអនាគត។
កិច្ចប្រជុំនេះរៀបចំឡើងដោយប្រទេសជប៉ុន ក្នុងគោលបំណងជួយដល់ប្រទេសកម្ពុជា ឡាវ ភូមា និងវៀតណាម ទៅលើការអភិវឌ្ឍន៍ធនធានមនុស្ស។
បច្ចុប្បន្នក្រុមការងារនេះមានសមាជិកភាពចំនួន ៨ ប្រទេស គឺប្រទេសកម្ពុជា ឡាវ ភូមា ហ្វីលីពីន ឥណ្ឌូណេស៊ី ម៉ាឡេស៊ី ថៃឡង់ដ៍ និងវៀតណាម។
នៅក្នុងកិច្ចប្រជុំនេះ មន្ត្រីជាន់ខ្ពស់ នៃក្រសួងការងារ និងបណ្ដុះបណ្ដាលវិជ្ជាជីវៈកម្ពុជា មានប្រសាសន៍ថា ប្រទេសកម្ពុជា គឺប្រទេសមួយដែលនៅមានភាពអន់ខ្សោយខាងផ្នែកអភិវឌ្ឍន៍ធនធានមនុស្សនៅឡើយ បើប្រៀបធៀបទៅនឹងប្រទេសជប៉ុន។ ប៉ុន្តែ ប្រទេសកម្ពុជាសង្ឃឹម និងជឿជាក់ថា ធនធានមនុស្សនៅកម្ពុជាកាន់តែមានសក្ដានុពល តាមរយៈក្រុមការងារអភិវឌ្ឍន៍ធនធានមនុស្សអាស៊ាន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។