ក្រសួងមហាផ្ទៃទទួលលិខិតជូនដំណឹងបើកគណបក្សសង្គ្រោះជាតិ

គណបក្ស សម រង្ស៊ី និង គណបក្សសិទ្ធិមនុស្ស បានចុះបញ្ជីគណបក្សថ្មី គឺគណបក្សសង្គ្រោះជាតិ នៅក្រសួងមហាផ្ទៃហើយ នៅព្រឹកថ្ងៃទី២០ ខែសីហា ឆ្នាំ២០១២។

ដោយ ទីន ហ្សាការីយ៉ា
2012-08-20

zr.mp3

ប្រធានគណបក្ស សម រង្ស៊ី លោក សម រង្ស៊ី (ស្ដាំ) និងប្រធានគណបក្សសិទ្ធិមនុស្ស លោក កឹម សុខា ក្នុងសន្និសីទកាសែតតាមរយៈវីដេអូផ្សាយផ្ទាល់ពីប្រទេសហ្វីលីពីន នៅថ្ងៃទី១៧ ខែកក្កដា ឆ្នាំ២០១២។

RFA/Tin Zakariya

លោក ប៉ុល ហំម អ្នកនាំពាក្យគណបក្សសិទ្ធិមនុស្ស និងអ្នកនាំពាក្យចលនាសង្គ្រោះជាតិ។ លោកមានប្រសាសន៍នៅថ្ងៃទី២០ សីហា ថា ក្រសួងមហាផ្ទៃ បានទទួលយកលិខិតជូនដំណឹងរបស់លោកស្ដីពីការបង្កើតគណបក្សថ្មីហើយ។

លោក ប៉ុល ហំម បញ្ជាក់ថា គណបក្សថ្មីនេះមិនទាន់ដាក់បេក្ខភាពប្រធានគណបក្ស និងអនុប្រធាននៅឡើយ។ លោកអះអាងថា លិខិតជូនដំណឹងទៅក្រសួងមហាផ្ទៃ ជំហានដំបូងនេះ លោក សម រង្ស៊ី ធ្វើជាប្រធានគណៈកម្មាធិការបក្សបណ្ដោះអាសន្ន រីឯរូបលោកធ្វើជាអនុប្រធានគណៈកម្មាធិការបក្សបណ្ដោះអាសន្ននៃគណបក្សសង្គ្រោះជាតិ។

ទាក់ទងទៅនឹងបញ្ហានេះ មន្ត្រីជាន់ខ្ពស់នៃក្រសួងមហាផ្ទៃ បានឲ្យដឹងនៅថ្ងៃទី២០ សីហា ថា ក្រសួងនឹងជូនដំណឹងឲ្យខាងគណបក្សសង្គ្រោះជាតិដឹងវិញ នៅក្នុងរយៈពេល ១៥ថ្ងៃ បន្ទាប់ពីទទួលបានលិខិតជូនដំណឹងនេះ ថាតើក្រសួងនឹងយល់ព្រមចុះបញ្ជីឲ្យបង្កើតគណបក្សថ្មីនេះ ឬយ៉ាងណា?

ទោះជាយ៉ាងណាក៏ដោយ មន្ត្រីជាន់ខ្ពស់ក្រសួងមហាផ្ទៃ ដដែល បានបញ្ជាក់ថា ក្រសួងមហាផ្ទៃ មិនអនុញ្ញាតឲ្យលោក សម រង្ស៊ី ធ្វើជាប្រធានគណបក្សសង្គ្រោះជាតិនេះទេ ពីព្រោះថា លោក សម រង្ស៊ី ជាទណ្ឌិត។ លោកបំភ្លឺថា បើសិនជាលោក សម រង្ស៊ី អាចមកធ្វើនយោបាយវិញបាន លុះត្រាណាលោក សម រង្ស៊ី ចូលមកទទួលទោសសិន។

បន្ទាប់ពីគណបក្ស សម រង្ស៊ី និងគណបក្សសិទ្ធិមនុស្ស បានដាក់លិខិតជូនដំណឹងស្ដីពីការបង្កើតគណបក្សថ្មីនៅថ្ងៃទី២០ សីហា នេះដែរ គណបក្សទាំងពីរបានធ្វើសន្និសីទកាសែតភ្លាមៗ អំពីការបង្កើតគណបក្សសង្គ្រោះជាតិនេះ។

សូមស្ដាប់បទសម្ភាសន៍តាមទូរស័ព្ទរបស់លោក ទីន ហ្សាការីយ៉ា ជាមួយលោក ប៉ុល ហំម អ្នកនាំពាក្យគណបក្សសិទ្ធិមនុស្ស និងលោកបណ្ឌិត ហង្ស ពុទ្ធា ប្រធានគណៈកម្មាធិការអព្យាក្រឹត និងយុត្តិធម៌ ដើម្បីការបោះឆ្នោតដោយសេរីនៅកម្ពុជា៖

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

អត្ថបទដែលទាក់ទង

មតិ (5)

ចុចត្រង់នេះដើម្បីបន្ថែមយោបល់របស់អ្នក

Castro De La Monreo

ពី Paris, France

We will see how Tom and Jerry are singing and dancing within new song.

Aug 21, 2012 08:59 PM

អ្នកអានអនាមិក

Hun Sen Governement save millions cambodians from the Killing Pol Pot regime. What the new party try to save? USA

Aug 21, 2012 12:48 PM

Sencanal

ពី Paris

Good luck to the new party. Democratie will win in the long run. e.g. 30% ---> 51% ---> 70%....

Aug 21, 2012 02:04 AM

Vuth Lee

ពី Lowell, Massachusetts,U.S.A

For the best interests of our Nation-human right improvement, people could live their lives out of intimidates, farm lands' isues could be solved, and murderers(killers) could be revealed and prosecuted; I would like to see the Cambodian Salvation Party is formed as expected to serve and save Cambodia. Hun Sen is acting in the way that is harmful to himself by trying to eliminate forest and land activists, and ADHOC officers(Chanh Soveth). To continue his dictatorship, Hun Sen would find all tactics to achieve his goal- preventing Sam Rainsy to be able to come back to the political stage-2013 election.

Aug 20, 2012 10:21 PM