សង្គមស៊ីវិលបួងសួងសុំឲ្យដោះលែងលោក ម៉ម សូណង់ដូ
cp.mp3
តំណាង និងបុគ្គលិកអង្គការសង្គមស៊ីវិល និងសមាជិកសមាគមអ្នកប្រជាធិបតេយ្យចំនួនប្រមាណ ២០០នាក់ប្រមូលផ្ដុំគ្នានៅថ្ងៃទី១៧ កក្កដា ដើម្បីបួងសួងវត្ថុស័ក្ដិសិទ្ធិទាំងអស់ក្នុងលោកជួយបន្ទន់ចិត្តចៅក្រមឲ្យមានការអាណិតអាសូរដល់លោក ម៉ម សូណង់ដូ ហើយព្រមដោះលែងគាត់ឲ្យរួចពីការឃុំខ្លួន។
សមាជិកសមាគមអ្នកប្រជាធិបតេយ្យមកពីខេត្តកំពង់ចាម លោក ប៉ោ ហន មានប្រសាសន៍ថា លោកមិនជឿថា តុលាការអាចរកយុត្តិធម៌ជូនប្រធានសមាគមអ្នកប្រជាធិបតេយ្យទៀតឡើយ ហេតុនេះអ្វីដែលលោកអាចធ្វើបាននៅពេលនេះ គ្មានអ្វីក្រៅពីការបន់ស្រន់ និងបួងសួងដល់វត្ថុស័ក្ដិសិទ្ធិក្នុងលោកសុំឲ្យជួយបន្ទន់ចិត្តតុលាការឲ្យពិចារណាឡើងវិញ ហើយដោះលែងលោកប្រធានសមាគមអ្នកប្រជាធិបតេយ្យ។
លោក ប៉ោ ហន៖ «យើងខ្ញុំមកបួងសួងវត្ថុស័ក្ដិសិទ្ធិខ្លាំងពូកែ សុំឲ្យលោកជួយធ្វើម៉េចឲ្យបន្ទន់ចិត្តអ្នកដឹកនាំណាមួយដែលឃោរឃៅ សាហាវព្រៃផ្សៃចំពោះលោកប្រធាន សុំឲ្យដោះលែងលោកប្រធាន»។
ម្យ៉ាងទៀតលោកសុំអំពាវនាវដល់សហគមន៍អន្តរជាតិ មេត្តាជួយធ្វើអន្តរាគមន៍ឲ្យមានការដោះលែងលោក មម៉ សូណង់ដូ។
សមាជិកម្នាក់ទៀតមកពីខេត្តកណ្ដាល លោក គ្រោង យ៉ុង លើកឡើងថា ការចូលរួមរបស់លោកក្នុងពិធីបួងសួងឱកាសនេះ ដោយសារលោកឃើញទង្វើល្អៗជាច្រើនរបស់លោក ម៉ម សូណង់ដូ ដូចជាការខំប្រឹងបង្ហាត់បង្ហាញលទ្ធិប្រជាធិបតេយ្យ និងការជួយរំដោះទុក្ខលំបាករបស់ប្រជាពលរដ្ឋដែលមានការខ្វះខាតការតស៊ូដើម្បីស្វែងរកសេរីភាព និងយុត្តិធម៌ជូនប្រជាពលរដ្ឋជាដើម។
លោក គ្រោង យ៉ុង៖ «គាត់មិនធ្វើអបគមន៍អីនោះទេ គាត់ចង់ថា ជួយប្រជាពលរដ្ឋ។ តុលាការគាត់ខុស ព្រោះខ្ញុំឃើញគាត់ល្អបានខ្ញុំហ៊ានមកតទល់ និងបួងសួងនៅព្រៃស ព្រោះថា ស្រលាញ់គាត់កាន់យុត្តិធម៌ ត្រឹមត្រូវ»។
លោក ម៉ម សូណង់ដូ ត្រូវអាជ្ញាធរចាប់ខ្លួនកាលពីថ្ងៃទី១៥ កក្កដា តាមដីកាបង្គាប់ឲ្យចាប់ខ្លួនរបស់ចៅក្រមសាលាដំបូងខេត្តក្រចេះ លោក ចុក ងួន។ បន្ទាប់មកនៅថ្ងៃទី១៦ កក្កដា លោកត្រូវចៅក្រមសាលាដំបូងរាជធានីភ្នំពេញ អ្នកស្រី សែម ស័ក្ដកូឡា សម្រេចឃុំខ្លួនផ្អែកលើដីកាបង្គាប់ឲ្យចាប់ខ្លួនរបស់សាលាដំបូងខេត្តក្រចេះ តាមរយៈការផ្ទេរយុត្តាធិការពីសាលាដំបូងខេត្តក្រចេះ មកតុលាការរាជធានីភ្នំពេញ។
ទាក់ទិននឹងការសម្រេចឃុំខ្លួននេះ អង្គការសង្គមស៊ីវិលជាច្រើនបានចេញសេចក្ដីថ្លែងការណ៍បដិសេធមិនទទួលស្គាល់ចំពោះដីកាសម្រេចឃុំខ្លួននេះ និងបានរិះគន់ថា តុលាការមិនឯករាជ្យ។
ជាមួយគ្នានេះដែរ នៅបន្ទាប់ពីមានការសម្រេចឃុំខ្លួនលោក ម៉ម សូណង់ដូ អង្គការឃ្លាំមើលសិទ្ធិមនុស្សអន្តរជាតិ Human Rights Watch ក៏ចេញសេចក្ដីថ្លែងការណ៍មួយនៅថ្ងៃទី១៧ កក្កដា បង្ហាញថា កម្ពុជាកំពុងតែប្រព្រឹត្តអំពើរំលោភសិទ្ធិមនុស្សធ្ងន់ធ្ងរ។
សេចក្ដីថ្លែងការណ៍នោះសរសេរថា នៅរយៈកាលបីខែកន្លងទៅនេះ មានការរំលោភសិទ្ធិមនុស្សជាច្រើនករណី រួមមាន ការបាញ់សំលាប់សកម្មជនការពារបរិស្ថាន លោក ឈុត វុទ្ធី នៅខេត្តកោះកុង ការបាញ់សំលាប់ក្មេងស្រី ហេង ចន្ថា នាខេត្តក្រចេះ ក្នុងយុទ្ធនាការចុះបង្ក្រាបក្រុម ប៊ុន រដ្ឋា ដែលរដ្ឋាភិបាលអះអាងថា ប៉ុនប៉ងបង្កើតតំបន់អបគមន៍ ការគំរាមចាប់ផ្សឹកព្រះសង្ឃ លួន សាវ៉ាត ក្នុងករណីទាមទារសិទ្ធិជូនប្រជាពលរដ្ឋ ការកាត់ទោសមេដឹកនាំបក្សប្រឆាំង លោក សម រង្ស៊ី ក្នុងករណីដកបង្គោលព្រំដែនកម្ពុជា-វៀតណាម នៅខេត្តស្វាយរៀង និងការចាប់ខ្លួនលោក ម៉ម សូណង់ដូ ប្រធានសមាគមអ្នកប្រជាធិបតេយ្យ ដែលតុលាការចោទថា ជាប់ពាក់ព័ន្ធទៅនឹងករណីប៉ុនប៉ងបង្កើតតំបន់អបគមន៍នាភូមិប្រម៉ា ស្រុកឆ្លូង ខេត្តក្រចេះ។
សេចក្ដីថ្លែងការណ៍នោះសរសេររិះគន់ថា ប្រទេសសមាជិក និងប្រទេសមួយចំនួនមិនមែនសមាជិកអាស៊ាន ដែលបានមកប្រជុំអាស៊ាន មិនយកចិត្តទុកដាក់ និងបានមើលរំលងការរំលោភសិទ្ធិមនុស្សនៅកម្ពុជា។ ជាងនេះទៅទៀត ប្រទេសសមាជិកអាស៊ាន និងប្រទេសមិនមែនជាសមាជិកអាស៊ានទាំងនោះ មិនបានជំរុញឲ្យប្រទេសកម្ពុជា ដាក់បញ្ចូលបញ្ហាសិទ្ធិមនុស្សទៅក្នុងរបៀបវារៈក្នុងវេទិកាប្រជុំអាស៊ាន។
ទាក់ទងនឹងបញ្ហានេះដែរ នៅថ្ងៃអង្គារ ទី១៧ ខែកក្កដា សហព័ន្ធអន្តរជាតិសំរាប់ការពារសិទ្ធិមនុស្ស (FIDH) និងអង្គការពិភពលោកប្រឆាំងនឹងការធ្វើទារុណកម្ម (OMCT) បានចេញសេចក្ដីថ្លែងការណ៍មួយ សំដែងការព្រួយបារម្ភយ៉ាងខ្លាំងចំពោះការចោទប្រកាន់ទោសធ្ងន់ធ្ងរដល់លោក ម៉ម សូណង់ដូ ពីសំណាក់តុលាការក្រុងភ្នំពេញ។
អ្នកស្រី ឌេប៊ី ស្តូហាដ (Debbie Stothard) អគ្គនាយករងនៃសហព័ន្ធអន្តរជាតិសំរាប់ការពារសិទ្ធិមនុស្ស បានបញ្ជាក់ថា ការចោទប្រកាន់លើប្រធានសមាគមអ្នកប្រជាធិបតេយ្យ លោក ម៉ម សូណង់ដូ ពុំមានមូលដ្ឋានច្បាស់លាស់ទេ ហើយទង្វើរបស់រដ្ឋាភិបាលកម្ពុជា បង្ហាញយ៉ាងច្បាស់ថា លោកនាយករដ្ឋមន្ត្រី ហ៊ុន សែន កំពុងគំរាមកំហែងដល់អ្នកដែលហ៊ានរិះគន់លោក ជាពិសេសពាក់ព័ន្ធនឹងការរំលោភសិទ្ធិមនុស្ស ដែលទង្វើទាំងនោះ គឺផ្ទុយនឹងការទទួលខុសត្រូវរបស់កម្ពុជា ប្រឆាំងនឹងច្បាប់ប្រទេសខ្លួន និងច្បាប់អន្តរជាតិ។
អង្គការអន្តរជាតិពីរនេះក៏បានទទូចសុំឲ្យរដ្ឋាភិបាលកម្ពុជា ដោះលែងលោក ម៉ម សូណង់ដូ ជាបន្ទាន់ ដោយពុំមានលក្ខខណ្ឌ និងទម្លាក់រាល់ការចោទប្រកាន់ទាំងឡាយនោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
TA CHEY
ពី Long BeachI pay respectful and a fond homage to the memory of my regratted friend.Isincerily hope that throught the noble activities of association of democrats yours name will continue to be the symbol of Khmer childrend.The government are so stubborn.We can not pin any hope to the judicial process also.Many Cambodian who are living oversea feel that the gov't is unwilling to acknowledge the failure of their staff.I'm terrified to think of what might happen to the fate of future generation if we fail to save our country now.
Jul 19, 2012 06:54 PM
Henderson
ពី Phnom PenhCambodia is showing the attribute of gangster because of the Cambodian Leaders are gangsters. And all ASEAN countries are joining and ignoring it.
Jul 19, 2012 11:43 AM
អ្នកអានអនាមិក
I do not care what they do. It's so so stupid to let kids involve... Kids know nothing about....
Jul 19, 2012 12:35 AM
អ្នកអានអនាមិក
គេគួរតែបន់ស្រន់ឲ្យសម្តេចដែកជោដោះលេងវិញទើបប្រសើរជាង បើគ្មានបញ្ជាពីគាត់ គ្មាននរណាម្នាក់ហ៊ានលែងទេ ពីព្រោះ គាត់ជាអ្នកឲ្យគេចាប់៕
Jul 18, 2012 07:50 AM
botkhmer
ពី FresnoI agree with you 101%. Hen Sen is the starter of this matter, Hun Sen is Magical Man in Srok Khmer for now. He can turn things upside down as he wishes for.
We have to pardon him for survival or againt him for our right, freedom, liberty, but the question is Can we overcome our goal?
Jul 18, 2012 01:48 PM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
