ព្រះអង្គម្ចាស់ស៊ីសុវត្ថិធម្មិកោមានបន្ទូលថារដ្ឋាភិបាលគួរតែលែងអ្នកទោសនយោបាយ

ទីប្រឹក្សាអមព្រះរាជខុទ្ទកាល័យព្រះមហាក្សត្រ និងជាអតីតលេខាផ្ទាល់របស់ព្រះមហាវីរក្សត្រ ព្រះអង្គម្ចាស់ ស៊ីសុវត្ថិ ធម្មិកោ មានបន្ទូលកាលពីរាត្រីថ្ងៃសុក្រ នៅក្នុងនាទីវេទិកាអ្នកស្តាប់វិទ្យុអាស៊ីសេរី ថា លោកនាយករដ្ឋមន្ត្រី ហ៊ុន សែន គួរតែធ្វើការដោះលែងអ្នកទោសនយោបាយ។

ដោយ ម៉ៅ សុធានី
2012-10-20

h101912np-a1.mp3

ព្រះអង្គម្ចាស់ ស៊ីសុវត្ថិ ធម្មិកោ លេខាផ្ទាល់របស់អតីតព្រះមហាក្សត្រ និងជាទីប្រឹក្សាអមព្រះរាជខុទ្ទកាល័យព្រះមហាក្សត្រ ក្នុងវេទិកាអ្នកស្ដាប់វិទ្យុអាស៊ីសេរី កាលពីថ្ងៃសុក្រ ទី១៩ ខែតុលា ឆ្នាំ២០១២។

Photo: RFA

ហើយការដោះលែងនេះ គឺដើម្បីការផ្សះផ្សា និងបង្រួមបង្រួមជាតិ ក្នុងអំឡុងពេលដែលប្រជាជាតិ កំពុងចូលរួមកាន់ទុក្ខចំពោះព្រះបរមសព សម្ដេចព្រះ នរោត្តម សីហនុ។

កាលពីថ្ងៃទី១៧ ខែតុលា លោក សម រង្ស៊ី ប្រធានគណបក្សសង្គ្រោះជាតិ បានផ្ញើលិខិតជូនលោក ហ៊ុន សែន និងថ្វាយដល់ព្រះមហាក្សត្រ សម្ដេចព្រះ នរោត្តម សីហមុនី ដើម្បីអនុញ្ញាតឲ្យរូបលោកអាចវិលត្រឡប់មកកម្ពុជា ចូលរួមមរណទុក្ខ និងឃើញព្រះភ័ក្ត្រព្រះបរមសព សម្ដេចឳ ជាចុងក្រោយ។

ព្រះអង្គម្ចាស់ ស៊ីសុវត្ថិ ធម្មិកោ មានបន្ទូលថា ព្រះអង្គពុំមែនជាអ្នកនយោបាយទេ ប៉ុន្តែអ្វីដែលព្រះអង្គចង់ឃើញ គឺការបង្រួបបង្រួមជាតិនោះ គឺដើម្បីផលប្រយោជន៍ប្រទេសជាតិទាំងមូល។

រហូតមកដល់ពេលនេះ លោក ហ៊ុន សែន នៅមិនទាន់បានឆ្លើយតបទៅនឹងលិខិតរបស់លោក សម រង្ស៊ី នៅឡើយទេ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

អត្ថបទដែលទាក់ទង

មតិ (5)

ចុចត្រង់នេះដើម្បីបន្ថែមយោបល់របស់អ្នក

ប្រទេសជាតិជាធំ

សូមអំពាវនាវឲ្យបក្សនយោបាយទាំងអស់ឈប់យក បក្សខ្លួនជាធំទៅ គួរណាស់យកប្រទេសជាតិជាធំ សព្វថ្ងៃអយុត្តិធមក្នុងសង្គម សម្បត្តិធម្មជាតិហិនហោច បំណុលបរទេស ចំណូលពន្ធដាបាត់បង់ ធនធានមនុស្សខ្វះគុណភាព ប្រជារាស្រ្តរងទុក្ខ កាន់តែមានច្រើនឡើងៗ ពីមួយថ្ងៃៗ ដោយសារតែយកបក្សជាធំនេះឯង បើធ្វើបែបនេះតទៅទៀត ទាំងបក្សនិងប្រទេសជាតិនឹងរលាយ ក្រោមស្នាដៃរបស់លោក លោកមានមោទនភាពដោយសារតែ ក្រុម និងបក្សពួករបស់លោកមួយចំនួនតូចរស់នៅក្នុងភាពស្តុកស្តម្ភ ស៊ីវិល័យ មិនបានឃើញពី ការរងទុក្ខរបស់រាស្រ្ត និងភាពហិនហោចនាពេលអនាគត់ នោះទេ។

Oct 23, 2012 11:56 PM

អ្នកអានអនាមិក

ព្រហ្មវិហារធម៌គឺ មេត្តា ករុណា មុទិតា និង ឧបេក្ខា ការសណ្ដោសប្រោសប្រណីមេត្តា ជាគុណធម៌ដែលខ្មែរគ្រប់រូបគួរលើកតំកើង ។ ទោសខឹងក្រោធ គំនំគុំគួន ហិង្សា បៀនបៀនគ្នា ច្រណែនឈ្នានីសគ្នា ជាអំពើគួរជៀសវាង។

Oct 21, 2012 11:22 AM

អ្នកអានអនាមិក

ពី ភ្មំពេញ

មនោសញ្ចេតនាមិនអាចលាយឡំនឹងច្បាប់បានទេ ប៉ុន្តែនៅក្នុងការលៈទេសៈនេះការដោះលែងអ្នកទោសនយោបាយគឺជារឿងមួយដែលគួតែធ្វើ ព្រោះវាជាសារដែលបង្ហាញថាខ្មែរចេះសាមគ្គីគ្នា ម្យ៉ាងទៀតការដែលរដ្ឋាភិបាលនៅតែបន្តធ្វើទុកបុកម្នេញអ្នកប្រឆាំងមិនបានផ្តល់ប្រយោជន៍អ្វីដល់ប្រទេសជាតិឡើយ។សំនួរសួរថាតើរដ្ឋាភិបាលបានគិតពីប្រយោជន៍ជាតិជាធំទេ? តើមានប្រយោជន៍អ្វីដល់ប្រទេសជាតិដែលរដ្ឋាភិបាលនៅតែបន្តដាក់គំនាបដល់អ្នកប្រឆាំង?

Oct 21, 2012 11:07 AM