កសិករខ្មែរទាំងនោះមកពី ៣ឃុំ រួមមានពីឃុំអន្លង់រមៀត ឃុំស្វាយមីង និងឃុំបាគូ នៃស្រុកកណ្តាលស្ទឹង ខេត្តកណ្តាល នៅថ្ងៃព្រហស្បតិ៍ ទី៤ ខែកុម្ភៈនេះ បាននាំគ្នាធ្វើដំណើរទៅខុទ្ទកាល័យរបស់លោកនាយករដ្ឋមន្ត្រី ហ៊ុន សែន នៅទីក្រុងភ្នំពេញ ដើម្បីជូនញត្តិស្នាមផ្តិតមេដៃស្នើសុំឲ្យប្រមុខរដ្ឋាភិបាលជួយធ្វើអន្តរាគមន៍បញ្ចុះតម្លៃភ្លើងអគ្គិសនីដែលក្រុមហ៊ុនឯកជនលក់បន្តពីរដ្ឋក្នុងតម្លៃខ្ពស់ហួសសមត្ថភាពរបស់ពលរដ្ឋ ឡើងថ្លៃពី ១.១០០រៀល ទៅ ១.៧០០រៀលក្នុងមួយគីឡូវ៉ាត់។
ប៉ុន្តែបាតុករត្អូញត្អែរប្រាប់វិទ្យុអាស៊ីសេរីឲ្យដឹងថា ប៉ូលិស ប៉េអឹម និងអាជ្ញាធរខេត្ត បានរារាំងមិនឲ្យពួកគាត់ធ្វើដំណើរទៅទេ៕