សម រង្ស៊ី និយាយពីអត្ថន័យនៃថ្ងៃ២៣ ខែតុលា
ដោយ សុខ សេរី
2009-10-23
មេដឹកនាំគណបក្សប្រឆាំង លោក សម រង្ស៊ី នៅថៃ្ងសុក្រ ទី២៣ ខែតុលានេះ បានប្រកាសថា ថៃ្ងទី២៣ ខែតុលា គឺជាថ្ងៃដែលប្រទេសកម្ពុជាទទួលបាននូវសិទ្ធិសេរីភាពនិងលទ្ធិប្រជាធិបតេយ្យពិតប្រាកដ ហើយជាថៃ្ងដែលប្រទេសកម្ពុជានិងពលរដ្ឋខែ្មរទទួលបាននូវឯករាជ្យនិងអធិបតេយ្យភាពពេញលេញ ដែលបានទទួលស្គាល់និងដឹងឮដោយប្រទេសហត្ថលេខីចំនួន១៨។
មេដឹកនាំគណបក្សសមរង្ស៊ី លោក សម រង្ស៊ី ក្នុងអំឡុងពេលប្រារព្ធខួបទី១៨នៃកិច្ចព្រមព្រៀងសន្តិភាពក្រុងប៉ារីស នៅឯទីស្នាក់ការក្នុងរាជធានីភ្នំពេញ នាថៃ្ង២៣ តុលា ២០០៩។
លោក សម រង្ស៊ី ដែលគេទទួលស្គាល់ថាជាមេដឹកនាំគណបក្សប្រឆាំងធំជាងគេនៅក្នុងប្រទេសកម្ពុជា បានមានប្រសាសន៍នៅថ្ងៃសុក្រនេះថា ៖ «បើគ្មានថ្ងៃ២៣ តុលា គឺគ្មានអ្វីៗដែលយើងមានសព្វថ្ងៃទាំងអស់។ បើគ្មានថ្ងៃ២៣ តុលា ឆ្នាំ១៩៩១ហ្នឹង ប្រទេសកម្ពុជារលាយបាត់ហើយ សាបសូន្យ ក្លាយជាអាណានិគមនិយមប្រទេសជិតខាងមួយដែលមានកងទ័ពបរទេសនៅគ្រប់គ្រងប្រទេសកម្ពុជា មានរបបមួយដែលបន្តុបឡើងដោយកងទ័ពបរទេស។ បើគ្មានថ្ងៃ២៣ តុលា ក៏គ្មានសិទ្ធិសេរីភាព មានដំណើរការប្រជាធិបតេយ្យ»។
ជាមួយការចាត់ទុកថា ថ្ងៃ២៣ ខែតុលា ឆ្នាំ១៩៩១ជាថ្ងៃសំខាន់ លោក សម រង្ស៊ី ក៏បានមានប្រសាសន៍បញ្ជាក់ថា ថៃ្ងទី៩ ខែវិច្ចិកា ជាថៃ្ងបុណ្យឯករាជ្យដែលប្រទេសកម្ពុជារួចផុតពីអាណានិគមនិយមបារាំងកាលពីឆ្នាំ១៩៥៣នោះ គឺជាថៃ្ងឯករាជ្យពិតប្រាកដ។
លោកបានរិះគន់ថា ថៃ្ងទី១៨ ខែមីនា ឆ្នាំ១៩៧០ ជាថ្ងៃដែលមានការធ្វើរដ្ឋប្រហារទម្លាក់អតីតព្រះមហាក្សត្រខែ្មរ ព្រះបាទ នរោត្តម សីហនុ ចេញពីតំណែង ដែលនាំឲ្យមានភ្លើងសង្រ្គាមរវាងខែ្មរនិងខែ្មរ និងរបបវាលពិឃាតរបស់ខែ្មរក្រហម។
លោកបានបន្តទៀតថា រីឯថៃ្ងទី៧ ខែមករា គឺជាថៃ្ងដែលកងទ័ពបរទេសបានចូលមកឈ្លានពាននៅក្នុងប្រទេសកម្ពុជា ដែលបាននាំឲ្យមានខែ្មរចំនួន៤ភាគីបន្តជម្លោះសង្រ្គាមស៊ីវិលនៅក្នុងស្រុក។
គេសង្កេតឃើញមានព្រះសង្ឃចំនួន១៨អង្គ សមាជិកគាំទ្រគណបក្សសមរង្ស៊ីចំនួនប្រមាណជិត១០០នាក់ និងតំណាងនៃស្ថានទូតសហរដ្ឋអាមេរិកប្រចាំក្នុងប្រទេសកម្ពុជា បានចូលរួមនៅក្នុងពិធីសូត្រមន្តដើម្បីកត់សម្គាល់ខួបលើកទី១៨នៃកិច្ចព្រមព្រៀងសន្តិភាព ថៃ្ងទី២៣ ខែតុលា ឆាំ្ន១៩៩១នោះ។
ការថែ្លងរបស់លោក សម រង្ស៊ី ខាងលើនេះ មិនត្រូវបានស្វាគមន៍ទ្បើយពីសំណាក់មន្រ្តីជាន់ខ្ពស់របស់រដ្ឋាភិបាលកម្ពុជា។
លោក ខៀវ កាញារីទ្ធ ជាមន្រ្តីអ្នកនាំពាក្យរបស់រដ្ឋាភិបាលកម្ពុជានិងជាមន្រ្តីអ្នកនាំពាក្យរបស់គណបក្សប្រជាជនកម្ពុជាផងដែរនោះ បានមានប្រសាសន៍ប្រតិកម្មដោយប្រសាសន៍ធ្ងន់ៗថា ថៃ្ងទី២៣ ខែតុលា ជាថៃ្ងរំឭកអំពីអ្វីដែលលោក សម រង្ស៊ី ជាផែ្នកមួយរបស់ខែ្មរក្រហម ហើយបាននាំខែ្មរក្រហមចូលក្នុងរដ្ឋាភិបាលនៅពេលនោះ។ លោកបានបន្តថា បើគ្មានថៃ្ងទី២៣ ខែតុលា ក៏គ្មានការកាត់ទោសក្រុមអតីតមេដឹកនាំខែ្មរក្រហមផងដែរ។
សូមរំឭកថា ភាគីជម្លោះទាំង៤របស់កម្ពុជាមានដូចជា ចលនារបស់គណបក្សហ៊្វុនស៊ិនប៉ិច, ចលនាតស៊ូរបស់លោកតា សឺន សាន, ចលនារបស់កម្ពុជាប្រជាធិតេយ្យឬខែ្មរក្រហម និងភាគីរដ្ឋកម្ពុជា បានចុះហត្ថលេខាលើកិច្ចព្រមព្រៀងសន្តិភាពនៅក្នុងទីក្រុងប៉ារីស កាលពីថ្ងៃទី២៣ ខែតុលា ឆ្នាំ១៩៩១ ដែលមានប្រទេសចំនួន១៨ ក្នុងនោះមានសហរដ្ឋអាមេរិកផងដែរដែលជាប្រទេសហត្ថលេខី៕
អត្ថបទដែលទាក់ទង
កម្ពុជាបកស្រាយរឿងចាប់ខ្លួននិងហាមថៃមិនឲ្យបញ្ជាចរាចរណ៍ជើងអាកាស
តំណាងបក្សសមរង្ស៊ីនៅអាមេរិកចេញសេចក្ដីថ្លែងការណ៍ថ្កោលទោសសភាខ្មែរ
គណៈកម្មការខ្មែរម្ចាស់ស្រុកនឹងរៀបចំកិច្ចប្រជុំស្ដីពីបញ្ហានៅកម្ពុជា
មន្ត្រីការបរទេសថៃឲ្យកម្ពុជាគោរពតាមកិច្ចព្រមព្រៀងពាណិជ្ជកម្ម
កម្ពុជាហាមបុគ្គលិកថៃមិនឲ្យចូលធ្វើការក្នុងក្រុមហ៊ុនត្រួតពិនិត្យជើងយន្តហោះ
កម្ពុជាមិនទាន់ទទួលលិខិតផ្លូវការស្នើសុំដោះលែងចារកម្មថៃនៅឡើយ
មន្រ្តីរដ្ឋាភិបាលបំភ្លឺពីបញ្ហាព្រំដែននិងការលើកអភ័យឯកសិទ្ធិសមរង្ស៊ី
ទស្សនៈនានាជុំវិញការលើកអភ័យឯកសិទ្ធិសមរង្ស៊ី
មន្ត្រីការទូតថៃត្រូវគេអនុញ្ញាតឲ្យចូលជួបជនជាប់ចោទពីបទចារកម្ម
សមាជិកអាស៊ានប្រជុំគ្នារកវិធានការប្រឆាំងឧក្រិដ្ឋកម្មឆ្លងដែន
មតិ
អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។
I agree that 7 January is the day of invasion but it´s also the day that give second life to me and other Cambodian in the country. No other super power countries or UN were willing to help us during that time.
2009-10-31 13:22
dear Sam Rainsy, it is time to reconsider twice your oppenion about the 07 january. You were in paris that day. you don't know that this is a secon birth for other cambodian people who still remain is cambodia because they do not have the same pevilege as you and your family. do you think that the US or UN or any other free democratic country are willing to come and help khmer people? <br>Please, i appreciate your courage as an opposition leader, i appreciate your actions for the democracy in cambodia, i agree with you on anti coruption actions (i know that Hunsen administration is wery corrupted, but please don't always say that 07 january is the day of invasion (but please add that at least they save millions of cambodian lives; please remember.
2009-10-25 13:43
According to the vicious circle,the egg comes from the hen and the hen comes from the egg.So everyone ( the hen and the edgg ) are right . But if U.S.S.R. still existed there would be neither October the 23rd nor January the 7th as liberation of cambodian people from Khmers rouges' Genocide but as other thing, e.g. "the Gloriuos Day of No Border Conflict between Cambodia and Vietnam ".
2009-10-24 13:35
ខ្ញុំបាទជាខ្មែរមួយរូបដែលគ្មានជាប់ទាក់ទងក្នុងគណបក្សណាទេ ។ ខ្ញុំសង្កេតឃើញថា ប្រសាសន៍របស់លោកសមរង្សីសមហេតុ ត្រឹមត្រូវ ព្រោះអី សភាពការណ៍អស់ទាំងនោះធ្វើឡើងដើម្បីខ្មែរយើងទាំងអស់គ្នា។
2009-10-24 12:56
I am sad that the government pays less attention to the hostorically important date of 23 October 1991. Although the 7-January event marks the victory over the Khmer Rouge, the country was divided into many factions. In addition, foreign soldiers controlled many aspects of country's administration. Without the 23 October 1991, we would be in at this stage now. I don't deny the fact that the government has been working hard. But deplomatically the current government should be grateful for the tangible commitment of international community,especially the member countries signatories to the Peace Accord. The government has not been in good terms with international community except Vietnam. The government has repeated slamed the UN and its various organs including the ECCC, UNTAC, UNHCR.... Deplomatically the government should not be too vocal against such a global organization.
2009-10-24 10:16
មើលមតិទាំងអស់.