សង្គមស៊ីវិលប្រតិកម្មនឹងពាក្យវប្បធម៌គាំទ្រអ្នកទោស
h100912sv.mp3
ករណីដំបូង ជាការតវ៉ាឲ្យដោះលែងសកម្មជនដីធ្លីនៅតំបន់បឹងកក់ និងករណីទី២ ជាការតវ៉ាឲ្យដោះលែងលោក ម៉ម សូណង់ដូ។ មន្ត្រីរដ្ឋាភិបាល បានប្រកាសចំហហៅអ្នកដែលចូលរួមធ្វើការតវ៉ានៅមុខតុលាការថា ជាក្រុមមនុស្សប្រកាន់វប្បធម៌គាំទ្រអ្នកទោស។ ប៉ុន្តែ តំណាងអ្នកតវ៉ា និងសង្គមស៊ីវិលដែលឃ្លាំមើលការតវ៉ា បានច្រានចោលការលើកឡើងទាំងនេះ។
មន្ត្រីជាន់ខ្ពស់រដ្ឋាភិបាល កាលពីសប្ដាហ៍មុន បានដាក់ងារឲ្យអ្នកដែលតវ៉ានៅមុខតុលាការ ដើម្បីឲ្យតុលាការដោះលែងជនជាប់ចោទថា ជាក្រុមមនុស្សដែលប្រើប្រាស់វប្បធម៌គាំទ្រអ្នកទោស និងព្យាយាមប្រឆាំងនឹងរដ្ឋាភិបាលស្របច្បាប់។ ប៉ុន្តែ អ្នកតវ៉ា និងសង្គមស៊ីវិល បានហៅការចោទប្រកាន់របស់មន្ត្រីរដ្ឋាភិបាលថា ក្រុមមន្ត្រីកំពុងព្យាយាមលាបពណ៌ពលរដ្ឋ។
តំណាងពលរដ្ឋតំបន់បឹងកក់ដែលទើបតែចេញពីគុកព្រៃស មិនដល់ ៣ខែផងនោះ អ្នកស្រី ទេព វន្នី នៅថ្ងៃទី៩ តុលា មានប្រសាសន៍ថា ពលរដ្ឋបឹងកក់បានធ្វើសកម្មភាពតវ៉ាជាច្រើនដងច្រើនសារ ទាមទារឲ្យតុលាការដោះលែងតំណាងអ្នកភូមិបឹងកក់ បន្ទាប់ពីតុលាការសម្រេចចោទប្រកាន់អ្នកបឹងកក់ ដោយអយុត្តិធម៌។ អ្នកស្រីបន្តថា អ្នកបឹកកក់ មិនគាំទ្ររាល់ទង្វើទាំងឡាយណាដែលបំផ្លាញសង្គមនោះឡើយ។
អ្នកស្រី ទេព វន្នី បញ្ជាក់ថា កន្លងទៅមានអ្នកទោសជាច្រើនដែលតុលាការកាត់ទោស ដូចជាមន្ត្រីពុករលួយ ឈ្មួញគ្រឿងញៀន ចោរប្លន់ ប៉ុន្តែ អ្នកបឹកកក់ មិនដែលទៅតវ៉ាសុំឲ្យដោះលែងពួកគេនោះឡើយ៖ «គាត់ចេះតែបង្វែរសាច់រឿង ដូចជាគាត់ចេះតែចោទពួកខ្ញុំថា ធ្វើតាមគណបក្សប្រឆាំងញុះញង់ធ្វើតាមជនបរទេស អីចឹងទៅ។ ឥឡូវហ្នឹងសួរថា ពួកខ្ញុំតវ៉ាចង់បានអី? ពួកខ្ញុំចង់បានដំណោះស្រាយ»។
អ្នកស្រី ទេព វន្នី បន្តថា បើអាជ្ញាធរអនុវត្តតួនាទីរបស់ខ្លួនឲ្យបានត្រឹមត្រូវតាមច្បាប់ ពួកគាត់នឹងមិនតវ៉ាទៀតទេ។
ក្រុមសង្គមស៊ីវិល ឲ្យដឹងថា ការចូលរួមតវ៉ារបស់ពលរដ្ឋ ធ្វើឲ្យពួកគេខាតបង់ប្រាក់ចំណូល ជីវភាពធ្លាក់ចុះ និងជាញឹកញយត្រូវរងរបួសដោយសារការប៉ះទង្គិចជាមួយកម្លាំងសមត្ថកិច្ចទៀតផង។
ប្រធានផ្នែកបច្ចេកទេសអង្កេតរបស់អង្គការការពារសិទ្ធិមនុស្សលីកាដូ (LICADHO) លោក អំ សំអាត កត់សម្គាល់ថា រាល់ការតវ៉ា ទាំងករណីទាមទារដោះលែងអ្នកបឹងកក់ និងលោក ម៉ម សូណង់ដូ សុទ្ធតែធ្វើឡើងដោយស្ម័គ្រចិត្ត ហើយពួកគាត់យល់ថា សំណុំរឿងទាំងនេះមិនយុត្តិធម៌។ លោកបន្តថា ភាគច្រើនអ្នកតវ៉ាជាជនរងគ្រោះដោយសារទំនាស់ដីធ្លី ហើយតំណាងពលរដ្ឋមួយចំនួន ត្រូវបានឈ្មួញអ្នកមានអំណាច ប្តឹងតុលាការចាប់អ្នកភូមិដាក់គុកជាដើម។
លោក អំ សំអាត បញ្ជាក់ថា បើសិនជាអាជ្ញាធរដោះស្រាយបញ្ហាទំនាស់ដីធ្លីចប់សព្វគ្រប់នោះ ក៏មិនមានហេតុផលណាមួយដែលនាំឲ្យពលរដ្ឋតវ៉ាទេ៖ «គាត់តវ៉ារឿងដីធ្លី រឿងផ្ទះសម្បែងរបស់គាត់ បើដោះស្រាយចប់ហើយ គាត់តវ៉ាទៀត បានអាចថាបានគាត់ធ្វើការតវ៉ាដើម្បីគាំទ្រផ្នែកណាមួយ ឬគាំទ្រគណបក្សនយោបាយជាដើម។ តែបើបញ្ហាអត់ដោះស្រាយឲ្យគាត់ ហើយចោទថាគាត់តវ៉ាដើម្បីគណបក្សណា គណបក្សណា វាខុស បានន័យថា អាហ្នឹងគ្រាន់តែជាការគេចវេសពីកាតព្វកិច្ចរបស់ខ្លួនក្នុងការដោះស្រាយបញ្ហាដីធ្លីប៉ុណ្ណោះ»។
ការថ្លែងបែបនេះ បន្ទាប់ពីអនុប្រធានអង្គភាពព័ត៌មាន និងប្រតិកម្មរហ័សនៃទីស្ដីការគណៈរដ្ឋមន្ត្រី លោក កែវ រ៉េមី កាលពីពេលកន្លងទៅ បានធ្វើសន្និសីទកាសែត ដោយលោកបានហៅក្រុមអ្នកតវ៉ាថា ជាក្រុមមនុស្សប្រកាន់វប្បធម៌គាំទ្រអ្នកទោស។ លោកបន្តថា រដ្ឋាភិបាលកម្ពុជាខិតខំគោរពសិទ្ធិមនុស្សយ៉ាងប្រសើរ ប៉ុន្តែអ្នករិះគន់បែរជានិយាយថារដ្ឋាភិបាលរំលោភសិទ្ធិមនុស្សទៅវិញ៖ «បង្កើតមួយចំនួនតូចវឹកវរ ខណៈពេលដែលរដ្ឋាភិបាលបាននឹងកំពុងពង្រឹងច្បាប់ គាត់ទៅគាំទ្រអ្នកហ្នឹងទៅវិញ ឥឡូវហ្នឹង វាទៅជាគាំទ្រអ្នកទោស អ្នកប្រព្រឹត្តិល្មើសច្បាប់ទៅវិញ។ ហ្នឹងជាវប្បធម៌គាំទ្រអ្នកទោសហើយ»។
ទោះយ៉ាងណាក្តី អ្នកតវ៉ាទាមទារឲ្យដោះលែងលោក ម៉ម សូណង់ដូ លោក ថោង ថុន មានប្រសាសន៍ថា លោកធ្វើការតវ៉ាដើម្បីទារយុត្តិធម៌ឲ្យលោក ម៉ម សូណង់ដូ។ លោកបន្តថា មន្ត្រីរដ្ឋាភិបាលមួយចំនួន ធ្វើបាបពលរដ្ឋតែត្រូវរួចទោស ផ្ទុយពីលោក ម៉ម សូណង់ដូ ដែលខិតខំជួយពលរដ្ឋបែរត្រូវជាប់ឃុំ។ លោកបញ្ជាក់ថា ពលរដ្ឋធ្វើការតវ៉ាដើម្បីយុត្តិធម៌សង្គមប៉ុណ្ណោះ មិនមានបំណងប្រឆាំងរដ្ឋាភិបាលនោះឡើយ។
សង្គមស៊ីវិលកត់សម្គាល់ឃើញថា មានមនុស្សជាច្រើនដែលធ្លាប់មានអំណាច និងឥទ្ធិពលនៅក្នុងសង្គម ហើយត្រូវជាប់ទោស ព្រោះប្រព្រឹត្តបទឧក្រិដ្ឋ ដូចជា លោក ម៉ឹក តារា និងលោក ហេង ពៅ ជាដើម។ អ្នកទាំងនោះជាប់ទោសម្នាក់ៗរាប់សិបឆ្នាំ ប៉ុន្តែមិនមាននរណាម្នាក់ចេញមុខតវ៉ាឲ្យដោះលែងនោះទេ ហើយពលរដ្ឋថែមទាំងស្វាគមន៍ និងលើកសរសើរស្នាដៃបង្ក្រាបបទឧក្រិដ្ឋរបស់រដ្ឋាភិបាលថែមទៀត។
ក្រុមអ្នកតាមដានបញ្ហាសង្គម យល់ឃើញថា អ្នកនៅតវ៉ាមុខតុលាការទាំងអស់ពិតជាគាំទ្រអ្នកទោសដូចការលើកឡើងរបស់មន្ត្រីរដ្ឋាភិបាលប្រាកដមែន។ ប៉ុន្តែអ្នកទោសដែលពួកគេគាំទ្រជាក្រុមមនុស្សធ្វើការងារផ្នែកសង្គម អ្នកនយោបាយ អ្នកការពារសិទ្ធិមនុស្ស និងជាពិសេស អ្នកដែលរងនូវអយុត្តិធម៌ក្នុងជម្លោះដីធ្លី មិនមែនជាអ្នកដែលលួចប្លន់សម្លាប់មនុស្ស ឈ្មួញគ្រឿងញៀន ឬពុករលួយនោះឡើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អ្នកអានអនាមិក
You Youn !We know you have always supported KAO RAMY,because he has done a lot for your Vietnam !!! I'm I right???
You Youns,you think you can get away with this,but watch your days will come!!!
Oct 12, 2012 11:49 AM
អ្នកអានអនាមិក
តើកែវរ៉ាមីធ្វើជាខ្វាក់ជាថ្លង់ឬ?បានជាមើលមិនដែលឃើញស្ដាប់មិនបាន នូវអំពើពុករលួយនៃរបបហ៊ុនសែននេះ!
ឬមួយលុយនិងអំណាចដ៏មហិមា កំពុងកប់ក្បាលយ៉ាងជ្រៅ រហូតដល់មិនស្គាល់ថាអ្វីជាយុត្តិធម៌ឬជាអយុត្តិម៌???
Oct 11, 2012 01:02 PM
BIG GROOP PEOPLE
ពី USAWe support Mr KAO RAMY Speaking. Continue to do your Great Speak!!!
Oct 10, 2012 11:57 AM
ណែត
ពី ភ្នំពេញប្រាប់កែវរ៉េមីផងថា៖ អ្នកទោសរបស់ពួកក្រហមផ្តាច់ការច្រើនតែជាអ្មកធ្វើល្អទេ ដូចកាលវាសម្លាប់អស់៣លាននាក់មិនមែនបានន័យថាខ្មែរ៣លាននាក់នោះជាមនុស្សខូចទេ ប្រហែលជាមានតាយាយមាមីងរបស់កែវរ៉េមីងាប់កាលសម័យក្រហមប៉ុលពតផងដែរ។
Oct 10, 2012 08:53 AM
Vuth Lee
ពី Lowell, Massachusetts,U.S.AAfter Hun Sen is over-thrown(not very long, I hope), Roads, buildings, schools, and others government's properties that is wrongly honored under Hun Sen' name, must be replaced by Mam Sonando's name and others(Chhut Wuthy, Chea Vichea, Sam Rainsy, Kem Sokha, Teap Mony or Borei Keilas', Boeung Kok's victims' names......). Hun Sen and his accomplices must be handcuffed, tortured along Mam Sonando Road or Street to remind the next Khmer generations never ever commit crime against our own people as this bad leader(Hun Sen). Sorry, it's sound a little bit cruel, but Hun Sen will be deserved this kind of sever punishment for what he had done to our NATION!!!!!
Oct 10, 2012 06:44 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
