សរុបតួលេខនៃអំពើចោរកម្មនិងគ្រោះថ្នាក់ផ្សេងៗក្នុងពេលបុណ្យអុំទូក
ដោយ សុខ សេរី
2009-11-04
មន្រ្តីជាន់ខ្ពស់នៃអគ្គស្នងការដ្ឋាននគរបាលជាតិកម្ពុជា បានបញ្ជាក់នៅថៃ្ង៤ វិច្ឆិកានេះថា នៅក្នុងរយៈពេល៣ថៃ្ង នៃពិធីបុណ្យអុំទូកនៅក្នុងទីក្រុងភ្នំពេញ ដែលទើបបានបញ្ចប់ទៅថ្មីៗនេះ គឺអាជ្ញាធរបានបង្រ្កាប និងចាប់ខ្លួនបានក្រុមចោរកាត់ខ្សែកនិងចោរលួចឆក់ចំនួន៣៣ករណី។
០១-វិច្ឆិកា-០៩: សមត្ថកិច្ចប៉ូលិសនិងប៉េអឹមឈរការពារសន្តិសុខដល់ក្រុមឥស្សរជនជាន់ខ្ពស់ខ្មែរដែលចូលរួមក្នុងពិធីបុណ្យអុំទូកនៅរាជធានីភ្នំពេញ។
ស្របពេលគ្នានោះដែរ មានឧប្បត្តិហេតុលិចទូចចំនួន១៨ទូក និងមានមនុស្សមា្នក់បានស្លាប់បាត់បង់ជីវិតដោយសារការលង់ទឹក។
លោកឧត្តមសេនីយ៍ឯក គៀត ច័ន្ទថារិទ្ធ ជាមន្រ្តីអ្នកនាំពាក្យនៃអគ្គស្នងការដ្ឋាននគរបាលជាតិប្រទេសកម្ពុជា បានមានប្រសាសន៍ប្រាប់វិទ្យុអាស៊ីសេរី នៅថៃ្ងទី៤ ខែវិច្ឆិកានេះ។
សុខ សេរី ៖ ករណីបង្រ្កាបចោរលួចចោរឆក់បានប៉ុន្មានករណី? គៀត ច័ន្ទថារិទ្ធ ៖ ៣៣នៅក្នុងពិធីបុណ្យយើង ដូចជាស្រីច្រើនដែរ។ ទូកលិច១៨គ្រឿង ស្លាប់ម្នាក់។ សុខ សេរី ៖ ស្លាប់ម្នាក់ហ្នឹងមកពីខេត្តណា? គៀត ច័ន្ទថារិទ្ធ ៖ មកពីកំពង់ចាម។ សុខ សេរី ៖ ទូកលិច១៨គ្រឿង គឺបូកសរុបទាំងបីថៃ្ងទេ? គៀត ច័ន្ទថារិទ្ធ ៖ បីថៃ្ង។ ថៃ្ងទី១ ៥គ្រឿង ថៃ្ងទី២ ១២គ្រឿង និងថៃ្ងទី៣ មួយគ្រឿង។ សុខ សេរី ៖ ចុះលោកវាយតម្លៃជាទូទៅ? គៀត ច័ន្ធថារិទ្ធ ៖ ល្អច្រើនជាងឆ្នាំមុន សណ្តាប់ធ្នាប់ក៏ល្អ របៀបរៀបរយក៏ល្អ ការចូលរួម ជាពិសេសប្រជាជន ចូលរួមមានការយល់ដឹងខ្ពស់ជាងឆ្នាំទៅ។
ប្រភពដដែលបាន បញ្ជក់ថា មនុស្សមា្នក់ដែលបានស្លាប់បាត់បង់ជីវិតនោះ គឺបណ្តាលមកពីការលក់ទឹកនៅពេលដែលទូកលិច។ គាត់មានអាយុជាង៤០ឆ្នាំ មកពីខេត្តកំពង់ចាម។ សាកសពត្រូវបានគេប្រទះឃើញអណ្តែតនៅក្នុងទឹកទន្លេខាងក្រោយសណ្ឋាគារកាំបូឌីយ៉ាណា ក្រោយពីបានបាត់ខ្លួនចំនួន២ថៃ្ងមកហើយ។
លោក គៀត ច័ន្ធថារិទ្ធ បានមានប្រសាសន៍ថា មានគ្រោះថ្នាក់ចរាចរណ៍ចំនួន៦៨ករណីបានកើតមានទ្បើង ក្នុងនោះមានស្លាប់ចំនួន១៨ករណី របួសធ្ងន់៨៦ករណី របួសស្រាល៥៧ករណី។ ភាគច្រើននៃការគ្រោះថ្នាក់នោះ គឺបណ្តាលមកពីការបើកបរលឿន។ បញ្ហាគ្រោះថ្នាក់ចរាចរណ៍នោះ បានកើតមានឡើងនៅក្នុងខេត្តកណ្ដាលច្រើនជាងគេ និងខេត្តកំពត។
ប្រជាពលរដ្ឋម្នាក់រស់នៅក្នុងរាជធានីភ្នំពេញ បានថែ្លងថា លោកមានការពេញចិត្តអំពីសន្តិសុខនិងការរៀបចំថ្មីៗនេះ ៖ «ប្រជាពលរដ្ឋខ្ញុំពេញចិត្តណាស់ហើយ ព្រោះវាល្អជាងសព្វដង រៀបចំសន្តិសុខបានល្អច្រើន ទាំងពីចោរឆក់អីកំប៉ិកកំប៉ុក ចាប់បាន។ ធ្វើការបានល្អ។ លម្អរតុបតែង ប្រជាពលរដ្ឋយើង បរិស្ថាន គាត់យល់ច្រើន អ៊ីចឹងពេញចិត្តណាស់ហើយ»។
អាជ្ញាធរសាលាក្រុងភ្នំពេញ បានប្រើប្រាស់កម្លាំងចម្រុះចំនួនជាង៦.០០០នាក់ និងក្រុមអ្នកប្រមូលសំរាមចំនួនជាង៥០០នាក់។ ក្រុមអ្នកអន្តរាគមន៍សង្រ្គោះបន្ទាន់ចំនួន២០០នាក់ និងអូប័រចំនួន១៦គ្រឿងនៅក្នុងអំឡុងពេល៣ថៃ្ងនៃបុណ្យអុំទូកថ្មីៗនេះ ដែលមានទូកជិត៤០០គូបានមកចូលប្រណាំង និងមានប្រជាពលរដ្ឋជាច្រើនលាននាក់បានមកចូលរួមទស្សនា ដែលមកពីបណ្ដាខេត្តនានានិងក្នុងរាជធានីភ្នំពេញ៕
អត្ថបទដែលទាក់ទង
អតីតប្រធានាធិបតីអាមេរិកសម្ពោធផ្ទះសម្រាប់ជនក្រីក្រនៅខែត្រកណ្ដាល
ទីតាំងផលិតប្រេងម្រះព្រៅភ្នំ២កន្លែងនៅពោធិ៍សាត់ត្រូវបានកម្ទេច
គណៈកម្មការខ្មែរម្ចាស់ស្រុកនឹងរៀបចំកិច្ចប្រជុំស្ដីពីបញ្ហានៅកម្ពុជា
អាជ្ញាធរខេត្តឧត្ដរមានជ័យរារាំងរថយន្តដឹកព្រះពុទ្ធបដិមារបស់ម៉មសូណង់ដូ
ប្រជានេសាទប្រតិកម្មចំពោះការកំណត់ប្រភេទឧបករណ៍នេសាទ
បញ្ហាធូលីហុយនៅតាមផ្លូវជាតិលេខ៣ប៉ះពាល់ដល់សុខភាពអ្នកស្រុក
ពលរដ្ឋនៅព្រៃវែងត្អូញពីបញ្ហាសមត្ថកិច្ចស្ទាក់ទារប្រាក់តាមផ្លូវ
ក្រសួងសុខាភិបាលបារម្ភចំពោះការចរាចរឱសថក្លែងក្លាយ
អ្នកភូមិនៅខេត្តកណ្ដាលនិងកំពង់ស្ពឺបារម្ភពីបញ្ហាសុខភាព
សមាជិកអាស៊ានប្រជុំគ្នារកវិធានការប្រឆាំងឧក្រិដ្ឋកម្មឆ្លងដែន
មតិ
អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។
There are only 200 workers or sfaffs on the emergencies team compared to 500 cleaners or garbage collectors. It would be better to have more rescuers and trafic controllers for next year event in order to avoid accidents and death during this cultural event. People's lives are more important than cleanliness.
2009-11-05 15:18
safety rish: The ministry of transportation should requires to have lifequard for people who are in the boats to protect bathers from drowning or accidents happen.
2009-11-05 10:46
សន្តិសុខពិតជាល្អប្រសើរមែន
2009-11-05 05:11
everyone had bene done a great jobs. but don't forget add one more subject to safety list for 2010 year. it is the life safty vest to each rower that's all i have to say right now.
2009-11-05 02:24
everyone had bene done a great jobs. but don't forget add one more subject to safety list for 2010 year. it is the life safty vest to each rower that's all i have to say right now.
2009-11-05 02:23
មើលមតិទាំងអស់.