ស្ថានទូតកូរ៉េខាងត្បូងនឹងពិនិត្យបញ្ហាទំនាស់ដីធ្លីនៅខែត្រមណ្ឌលគិរី
ដោយ ឱ ភារិទ្ធ
2009-10-25
មន្ត្រីស៊ើបអង្កេតនៃសមាគមសិទ្ធិមនុស្សអាដហុក គឺលោក ឆាយ ធី បានឲ្យដឹងនៅថ្ងៃ២៥ តុលា ថាស្ថានទូតកូរ៉េខាងត្បូងនឹងពិនិត្យបញ្ហាទំនាស់ដីធ្លីសហគមន៍ជនជាតិភាគតិចនៅឃុំដាក់ដាំ ក្រោយពីមានបណ្តឹងរបស់ក្រុមសហគមន៍ជាផ្លូវការ។
លោក ឆាយ ធី អះអាងថា គេនឹងបន្តដាក់លិខិតអន្តរាគមន៍ដដែលនេះទៅស្ថាប័នថ្នាក់ជាតិបន្ថែមទៀតដើម្បីទប់ស្កាត់ការប៉ុនប៉ងយកទីសក្ការៈរបស់ជនជាតិទៅអភិវឌ្ឍ។
លោក ឆាយ ធី បានបញ្ជាក់ថា ៖ «យើងនឹងអន្តរាគមន៍បន្ថែមទៀតទៅប្រមុខរដ្ឋាភិបាលដើម្បីឲ្យគាត់ការពារដីសាធារណៈរបស់រដ្ឋដែលយើងមិនអាចចាត់ចែងលក់ដូរ ឬក៏លុបបំបាត់ចោលនូវអ្វីដែលជាការគោរព ជាប្រពៃណីរបស់ពួកគាត់បានទេ ហើយយើងឃើញថា មានការចាប់អារម្មណ៍យ៉ាងខ្លាំងពីស្ថានទូតកូរ៉េសាកសួរព័ត៌មានហ្នឹង ហើយស្ថានទូតគេនឹងចុះស្រាវជ្រាវស៊ើបអង្កេតអំពីរឿងនេះដើម្បីជួយដល់ប្រជាពលរដ្ឋជនជាតិដើមភាគតិចនៅខេត្តមណ្ឌលគិរីនេះ»។
ការអន្តរាគមន៍នេះបានកើតមានឡើងបន្ទាប់ពីតំណាងសហគមន៍៣ ក្នុងភូមិពូឆប ភូមិពន់រែង និងភូមិពូលេស ធ្លាប់ទៅឃាឃាំងក្រុមហ៊ុននោះជាច្រើនដងតាំងពីឆ្នាំ២០០៥ ឲ្យបញ្ឈប់ការឈូសឆាយលើព្រៃប្រវត្តិសាស្ត្រជាទីសក្ការៈទាំងនោះ តែក្រុមហ៊ុននោះមិនព្រមបញ្ឈប់ដោយមានៈ បញ្ចុះបញ្ចូលចង់យកដីនោះដោយប្តូរជាប្រាក់ទៀតផង ដែលលោក តឺល ធិះ តំណាងសហគមន៍ពន់រែងបញ្ជាក់ពីរឿងនេះថា ៖ «ភាគខាងលិចគាត់យកកម្រិតដែលកូរ៉េគេនិយាយហ្នឹង ពាំនាំមកឲ្យខ្ញុំ៦នាក់ គេសុំថា ១ហិកតារឲ្យលុយ២០០ដុល្លារ។ អ្នកចាស់ទុំទាំង៣ភូមិមកចូលរួមប្រជុំ គេមិនព្រមទេ ព្រោះកន្លែងប្រវត្តិសាស្ត្រ ជនជាតិដើមភាគតិចដាច់ខាតគឺមិនឲ្យក្រុមហ៊ុនធ្វើ»។
ការសម្របសម្រួលមិនត្រូវគ្នានេះទើបពួកគេដាក់លិខិតនេះទៅសមាគមអាដហុកដើម្បីឲ្យជួយអន្តរាគមន៍បន្តទៀត។
អភិបាលស្រុកអូររាំង គឺលោក ស៊ីញ សុន បានអះអាងថា រឿងនេះធ្លាប់បានដោះស្រាយនៅមន្ទីរខេត្តម្តងរួចមកហើយកាលពីឆ្នាំកន្លងទៅ ប៉ុន្តែលោកថា ក្រុមហ៊ុនកូរ៉េនោះហាក់ដូចជាមិនគោរពការសន្យារបស់ខ្លួនក្នុងការសម្របសម្រួល ដោយហាក់ដូចជាផ្តាច់ការទាក់ទងជាមួយសហគមន៍ប្រជាពលរដ្ឋតែម្តង តែលោកថា នឹងមានគម្រោងឲ្យជួបជុំគ្នាម្តងទៀតនៅមន្ទីរស្រុក។
លោក ស៊ីញ សុន បានមានប្រសាសន៍ថា ៖ «នៅកន្លែងចំណុចនោះមានបញ្ហាទំនាស់របស់ប្រជាពលរដ្ឋយើង។ បើគាត់មិនរំកិលទៅមុខ ឬក៏មិនកាត់ មិនជម្រះចេញទេ អាហ្នឹងគឺក្រុមហ៊ុនហ្នឹងត្រូវផ្អាកដកជាបន្ទាន់តែម្ដង។ ឥឡូវខ្ញុំគិតថា ខ្ញុំរើឯកសារហ្នឹងឡើងវិញ ហើយខ្ញុំនឹងអញ្ជើញក្រុមហ៊ុនជាមួយនឹងសហគមន៍យើង។ សហការជាមួយខាងអង្គការភូមិខ្ញុំ ចាំខ្ញុំពិភាក្សាគ្នាខាងក្រោមសិន»។
មន្ត្រីស្ថានទូតមិនអាចទាក់ទងសុំការបំភ្លឺបានឡើយនៅថ្ងៃអាទិត្យនេះ ដោយទូរស័ព្ទរោទ៍ តែពុំមានអ្នកលើកទទួល។
ក្រុមហ៊ុន VISION ISLAND ត្រូវបានអភិបាលស្រុកឲ្យដឹងថា មិនទាន់ទទួលបានអាជ្ញាប័ណ្ណអភិវឌ្ឍន៍នៅឡើយទេ គឺកំពុងសិក្សា៕
អត្ថបទដែលទាក់ទង
អាជ្ញាធរខែត្រកំពង់ធំចាប់ខ្លួនពលរដ្ឋ៤នាក់បន្ថែមទៀតក្នុងរឿងជម្លោះដី
ជនជាតិភាគតិចនៅមណ្ឌលគិរីបារម្ភថាក្រុមហ៊ុនធ្វើឲ្យបាត់ដីចម្ការវិលជុំ
ពលរដ្ឋមានជម្លោះដីនៅឧត្ដរមានជ័យបន្តតវ៉ានៅទីស្ដីការគណៈរដ្ឋមន្រ្តី
ស្ថានភាពបញ្ហាជម្លោះដីនៅស្រុកសន្ទុកខេត្តកំពង់ធំ
សង្គមស៊ីវិលស៊ើបអង្កេតករណីក្រុមហ៊ុនរំលោភបំពានលើជនជាតិភាគតិច
សមត្ថកិច្ចខែត្រកំពង់ធំចាប់ខ្លួនពលរដ្ឋ៣នាក់ក្នុងរឿងជម្លោះដី
សមត្ថកិច្ចខែត្រកំពង់ធំបាញ់បង្រ្កាបការតវ៉ារបស់ពលរដ្ឋក្នុងរឿងជម្លោះដី
អាជ្ញាធរវៀតណាមហាមឃាត់ខ្មែរក្រោមមិនឲ្យធ្វើស្រែលើដីដូនតា
ក្រឡាបញ្ជីតុលាការខេត្តកំពង់ធំរងការចោទថាគំរាមពលរដ្ឋក្នុងរឿងទំនាស់ដី
អាជ្ញាធរខេត្តមណ្ឌលគិរីគ្រោងកោះប្រជុំក្រុមហ៊ុនដែលមិនវិនិយោគចំគោលដៅ
មតិ
អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។
Land concession for development is a very good point but if this development become destroying environment, it will bring more natural disaster to society. The forest have been growing up for many years and destroyed by human being just one or two years.
2009-10-27 03:51
មើលមតិទាំងអស់.