ប្រធានាធិបតីកូរ៉េខាងត្បូងមកទស្សនកិច្ចប្រទេសកម្ពុជា

ដោយ អយុធ្យា

2009-10-22

លោកប្រធានាធិបតីកូរ៉េខាងត្បូង លី ម្យុងបាក់ (Lee Myung-bak) បានអញ្ជើញមកទស្សនកិច្ចជាមិត្តភាពនិងផ្លូវការប្រទេសកម្ពុជា នៅថ្ងៃទី២២ តុលា ដោយបានចូលគាល់ព្រះមហាក្សត្រកម្ពុជា ព្រះបាទ នរោត្តម សីហមុនី និងបានចូលរួមក្នុងពិធីចុះហត្ថលេខាលើឯកសារសហប្រតិបត្តិការរវាងកូរ៉េនិងកម្ពុជាមួយចំនួនផង។

RFA/Mondulkeo

លោកប្រធានាធិបតីកូរ៉េខាងត្បូង លី ម្យុងបាក់ (Lee Myung-bak) [ឆ្វេង] និងលោកនាយករដ្ឋមន្ត្រីខ្មែរ ហ៊ុន សែន ថតរូបអនុស្សាវរីយ៍នៅឯសណ្ឋាគារអ៊ិនធ័រកុងទីណង់តាល់ ក្នុងរាជធានីភ្នំពេញ កាលពីថ្ងៃ២២ តុលា ២០០៩។

តាមទីភ្នាក់ងារសារព័ត៌មានបារាំង អេអេហ្វភី (AFP) បានឲ្យដឹងថា កិច្ចព្រមព្រៀងនោះទាក់ទងជាមួយការឲ្យកម្ពុជាខ្ចីប្រាក់និងកិច្ចព្រមព្រៀងបត្យាប័ន។

មន្ត្រីជាន់ខ្ពស់កម្ពុជាបានឲ្យដឹងថា ការមកទស្សនកិច្ចនេះនឹងជួយពង្រឹងទំនាក់ទំនងសេដ្ឋកិច្ចរវាងប្រទេសទាំងពីរ ហើយមានរយៈពេល២ថ្ងៃ។

ទីភ្នាក់ងារសារព័ត៌មានកូរ៉េ យុនហាប់ បានឲ្យដឹងថា ការវិនិយោគរបស់កូរ៉េខាងត្បូងមកកម្ពុជាបានកើនពី៣០លានដុល្លារនៅឆ្នាំ១៩៩៧មកបច្ចុប្បន្នបានដល់២៥០០លានដុល្លារ។

លោកប្រធានាធិបតីកូរ៉េខាងត្បូង លី ម្យុងបាក់ មានគម្រោងទៅទស្សនាប្រាសាទអង្គរវត្តមុនពេលចាកចេញពីប្រទេសកម្ពុជាទៅកាន់ប្រទេសថៃ៕

បោះពុម្ព អ៊ីម៉េល

មតិ

អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។