នៅក្នុងលិខិតដែលវិទ្យុអាស៊ីសេរីទទួលបាននៅថ្ងៃសុក្រនេះ លោក ឆាំង យុ សរសេរថា ភាពមិនប្រក្រតីនៅក្នុងការចំណាយថវិកានៅក្នុងអង្គជំនុំជម្រះវិសាមញ្ញក្នុងតុលាការកម្ពុជាឬសាលាក្តីខ្មែរក្រហមដែលប្រព្រឹត្តឡើងដោយមន្ត្រីកម្ពុជា គឺជាការក្បត់នឹងសម្បជញ្ញៈចំពោះខ្លួនឯង និងជនរងគ្រោះរាប់លាននាក់ ហើយក៏ជារឿងគួរខ្មាសអតីតមេខ្មែរក្រហមផងដែរ។
លោក ឆាំង យុ បញ្ជាក់ជូន លោក ហ៊ុន សែន ថា រហូតមកដល់ឆ្នាំ២០០៨នេះ គឺទាន់មិនមានការវិនិច្ឆ័យអតីតមេដឹកនាំខ្មែរក្រហមណាម្នាក់នៅឡើយទេ ដែលការអូសបន្លាយពេលនោះគឺដោយសារតែភាពមិនប្រក្រតីនៃការចំណាយថវិការបស់ភាគីកម្ពុជានេះឯង។
ថ្ងៃនេះគេនៅមិនទាន់ឃើញមានប្រតិកម្មតបពីលោក ស៊ាន វិសុទ្ធ ប្រធានរដ្ឋបាលនៃសាលាក្តីខ្មែរក្រហមចំពោះការចោទប្រកាន់នេះនៅឡើយទេ៕