បទចម្រៀងព្រះរាជនិពន្ធដោយព្រះមហាវីរក្សត្រ
zr.mp3
អ្វីដែលជាសិល្បៈនយោបាយ និងឆ្លុះបញ្ចាំងអំពីភាពមនុស្សធម៌ និងគុណធម៌របស់ព្រះអង្គ ដែលធ្វើឲ្យប្រជាពលរដ្ឋមានមនោសញ្ចេតនា និងចាប់អារម្មណ៍ព្រះអង្គថែមទៀតនោះ គឺតាមរយៈបទចម្រៀងដែលព្រះរាជនិពន្ធដោយព្រះអង្គផ្ទាល់។
បទចម្រៀងមានចំណងជើងថា "រាត្រីជួបភក្ត្រ" ជាស្នាព្រះហស្តព្រះរាជនិពន្ធដោយអតីតព្រះមហាក្សត្រ នរោត្តម សីហនុ គឺជាបទចម្រៀងដែលល្បីជាងគេក្នុងចំណោមបទចម្រៀងដទៃទៀត ដែលព្រះអង្គបានព្រះរាជនិពន្ធប្រហែលជាង ៣០បទ។
បទចម្រៀង "រាត្រីជួបភក្ដ្រ" ជាបទចម្រៀងមួយដែលប្រជាពលរដ្ឋខ្មែរពេញនិយមតាំងពីទស្សវត្សរ៍១៩៧០ មកដល់បច្ចុប្បន្ន។ បទចម្រៀងនេះ ប្រជាពលរដ្ឋតែងតែចាក់ស្ដាប់កម្សាន្តនៅក្នុងពិធីបុណ្យនានា។
អតីតលេខាផ្ទាល់ព្រះមហាវីរក្សត្រ ព្រះអង្គម្ចាស់ ស៊ីសុវត្ថិ ធម្មិកោ មានព្រះរាជបន្ទូលថា ព្រះរាជនិពន្ធបទចម្រៀងរបស់ព្រះករុណា ព្រះបាទសម្ដេចព្រះ នរោត្តម សីហនុ មានប្រមាណជាង ៣០បទ ក្នុងនោះបទចម្រៀងដែលព្រះមហាវីរក្សត្រព្រះរាជនិពន្ធចុងក្រោយគេនៅចន្លោះឆ្នាំ១៩៥៥ និងឆ្នាំ១៩៧០ គឺមានបទ "រាត្រីបានជួបភក្ត្រ" "ម៉ូនីកា" និងបទ "កុលាបភ្នំពេញ"។
ព្រះមហាវីរក្សត្រ នរោត្តម សីហនុ ព្រះអង្គបានចាប់ផ្ដើមព្រះរាជនិពន្ធបទចម្រៀងតាំងពីទសវត្សរ៍១៩៤០ ដល់ទសវត្សរ៍១៩៥០។ ដោយឡែកចាប់ពីទសវត្សរ៍១៩៥៥ ដល់ទសវត្សរ៍១៩៧០ ព្រះអង្គព្រះរាជនិពន្ធបទចម្រៀងតែបីបទនេះទេ។
ទាក់ទងនឹងបញ្ហានេះ ព្រះអង្គម្ចាស់ ស៊ីសុវត្ថិ ធម្មិកោ មានបន្ទូលថា ក្នុងចំណោមបទចម្រៀងទាំងបីបទនេះ គឺបទ "រាត្រីជួបភក្ត្រ" ជាបទចម្រៀងព្រះអង្គយល់ថា ជាបទល្បី និងពេញនិយមជាងគេ។
ព្រះរាជនិពន្ធបទចម្រៀងរបស់ព្រះមហាវីរក្សត្រ នរោត្តម សីហនុ ក្នុងនោះទាក់ទងនឹងរឿងនយោបាយ ពិសេសទាក់ទងទៅនឹងរឿងស្នេហា។ រីឯបទចម្រៀងចុងក្រោយចំនួនបីបទនេះ ព្រះអង្គចាប់ផ្ដើមព្រះរាជនិពន្ធនៅពេលព្រះអង្គបានចាប់ផ្ដើមសព្វព្រះរាជហរទ័យទៅលើមហាក្សត្រី នរោត្តម មុនីនាថ សីហនុ។
ទាក់ទងទៅនឹងបញ្ហានេះ អ្នកឃ្លាំមើលអំពីបញ្ហាសង្គមបានលើកឡើងថា ព្រះរាជនិពន្ធបទចម្រៀងរបស់ព្រះករុណា ព្រះបាទ នរោត្តម សីហនុ ជារឿងមួយដែលព្រះអង្គបានបង្កប់អត្ថន័យនយោបាយជ្រាលជ្រៅ ដើម្បីធ្វើឲ្យទាក់ទាញ និងចំណាប់អារម្មណ៍ពីប្រជាពលរដ្ឋ ដែលមេដឹកនាំខ្មែរដទៃទៀតមិនអាចធ្វើបាន។
អ្នកស្រាវជ្រាវផ្នែកអភិវឌ្ឍន៍សង្គម លោក កែម ឡី មានប្រសាសន៍ថា ព្រះករុណា ព្រះបាទសម្ដេចព្រះ នរោត្តម សីហនុ ព្រះអង្គបានព្រះរាជនិពន្ធបទចម្រៀងជាសិល្បៈនយោបាយ ដែលព្រះអង្គបានប្រើវិធីសាស្ត្រនយោបាយជាច្រើននៅឱកាសដែលព្រះអង្គបានដឹកនាំប្រទេស។
ក្រៅពីព្រះរាជនិពន្ធបទចម្រៀងពីរោះៗ ដែលរៀបរាប់អំពីសេចក្ដីស្នេហានោះ គឺមានបទចម្រៀងជាច្រើនទៀតដែលព្រះរាជនិពន្ធដោយអតីតព្រះមហាក្សត្រ បានរៀបរាប់អំពីតថភាពជាក់ស្ដែងនៅក្នុងសង្គម និងឆ្លុះបញ្ចាំងអំពីបញ្ហាកិច្ចការសង្គមកិច្ចជាដើម។
លោក កែម ឡី បានពន្យល់ទៀតថា រាល់បទចម្រៀងដែលព្រះរាជនិពន្ធដោយព្រះមហាវីរក្សត្រ ទោះបីជាបទចម្រៀងនោះរៀបរាប់ពីរឿងស្នេហាក្ដី ប៉ុន្តែគ្រប់បទចម្រៀងទាំងនោះមានគោលបំណងច្បាស់លាស់សម្រាប់អប់រំមនុស្ស បញ្ជាក់អំពីភូមិសាស្ត្រទីកន្លែងច្បាស់លាស់ បញ្ជាក់អំពីខ្លឹមសារ និងមូលហេតុនៃបទចម្រៀងនីមួយៗច្បាស់លាស់។
ទាក់ទងទៅបទចម្រៀងដែលព្រះរាជនិពន្ធដោយអតីតព្រះមហាវីរក្សត្រនេះ ប្រជាពលរដ្ឋជាច្រើនបានចាប់អារម្មណ៍ទៅនឹងបទចម្រៀងរបស់ព្រះអង្គ។
ប្រជាពលរដ្ឋមួយចំនួនមានចំណាប់អារម្មណ៍ទៅលើបទចម្រៀងទាំងនោះ ប្រហាក់ប្រហែលគ្នា គឺបទ "កុលាបភ្នំពេញ" បទ "រាត្រីជួបភក្ត្រ" និងបទ "លាហើយកម្ពុជា" ជាដើម។
បទចម្រៀងលាហើយកម្ពុជា ដែលជាបទព្រះរាជនិពន្ធ និងច្រៀងដោយអតីតព្រះមហាក្សត្រដែរនោះ ជាបទមួយដែលធ្វើឲ្យប្រជាពលរដ្ឋអាឡោះអាល័យព្រះអង្គកាន់តែខ្លាំង និងចងចាំព្រះអង្គជានិច្ច ពីព្រោះថា អត្ថន័យនៅក្នុងបទនេះ ព្រះករុណា ព្រះបាទសម្ដេចព្រះ នរោត្តម សីហនុ ហាក់បីដូចជាព្រះអង្គបានដឹងព្រះទ័យជាមុនថា ព្រះអង្គនឹងលាទៅសែនឆ្ងាយពីប្រជាពលរដ្ឋរបស់ព្រះអង្គ តែព្រះទ័យរបស់ព្រះអង្គនៅដក់ជាប់ និងបម្រើការពារប្រជាពលរដ្ឋជានិច្ច។
អត្ថន័យបទចម្រៀងដែលមានចំណងជើងថា លាហើយកម្ពុជា នៅក្នុងវគ្គដំបូងគេ មានន័យថា៖ លាហើយ កម្ពុជាអើយ សុំលាដោយអាឡោះអាល័យ ចិត្តខ្ញុំជារៀងរាល់ថ្ងៃ សុំភ្ជាប់និស្ស័យនឹងអ្នកនេះហើយ។
ដោយឡែកនៅវគ្គបញ្ចប់នៃបទចម្រៀងនេះវិញ មានន័យថា៖ ទោះជាខ្ញុំក្ស័យជីវា សុំបម្រើការពារអ្នក បំរើដោយសែនស្មោះស្ម័គ្រ រួមរក្សនឹងអ្នកលុះអវសាន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
NA
ពី CambodiaMy mom used to tell me not to say something not good if you don't have anything good to say about people. But for me I only feel bad that he did not tell us about our helps to Vietnam and the Vietnamese as well as to the Khmer Rouge court. He always said he was not afraid to testify, but he never did. If we dig a bit deeper back to his time, the election is not different from the present election in Cambodia.
Oct 23, 2012 09:49 AM
ខ្ញុំជានិសិ្សតក្រីក្រី
ទឹកភ្នែកខ្ញុំហូរព្រោះបទចំរៀងរបស់ព្រះអង្គ។លាហើយកម្ពុជា! ព្រះវីរៈក្សត្រខ្ញុំអើយ....
Oct 22, 2012 12:27 PM
Kormar RT
ពី Phnom PenhI am as a frog in a pond knew a little bit about his Majesty King Norodom Shihanouk previously.
Seeing, historical movies broadcasted in TVs, I realized that our kings did a lot of effort and things to up-leave our Cambodia and Cambodian nationality over the world. As evidences, Cambodia since his full ruling power era could produce varieties of productions by its own: agricultural commodities, productive industries, handicrafts, businesses, health, education and etc.
So, I really proud of him to be our king.
Wishing current Khmer leader in current positions just follow what have been reached so far.
Thanks
From Kormar RT
Oct 22, 2012 06:57 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
