តុលាការខែត្រសៀមរាបគ្រោងបើកសវនាការជម្រះក្ដីលើពលរដ្ឋ៩នាក់
ដោយ សាវយុត
2009-10-20
មន្ត្រីតុលាការខេត្តសៀមរាបបានឲ្យដឹងថា គេមានគម្រោងបើកសវនាការជំនុំជម្រះទៅលើប្រជាពលរដ្ឋនៅឃុំជីក្រែង ស្រុកជីក្រែង ចំនួន៩នាក់ នៅថ្ងៃអង្គារ ទី២០ ខែតុលា បន្ទាប់ពីសមត្ថកិច្ចបានចាប់ឃុំខ្លួនជាច្រើនខែមកហើយក្នុងរឿងទំនាស់ដីធ្លី។
ពលរដ្ឋរងរបួសដោយសារការបាញ់រះរបស់សមត្ថកិច្ចក្នុងទំនាស់ដីធ្លីនៅឃុំជីក្រែង ខេត្តសៀមរាប នាថ្ងៃទី២២ មីនា ២០០៩។
លោក សួស ឡា ដែលជាចៅក្រមនិងជំនុំជម្រះ បានមានប្រសាសន៍កាលពីព្រឹកថ្ងៃច័ន្ទ ទី១៩ ខែតុលា ថា អ្នកភូមិទាំង៩នាក់នោះត្រូវបានតុលាការចោទប្រកាន់ចំនួន២ករណី ហើយពេលបើកសវនាការដេញដោលនៅថ្ងៃស្អែក ប្រសិនបើរកឃើញកំហុសនឹងត្រូវផ្តន្ទាទោស។
លោក សួស ឡា បានបញ្ជាក់ថា ៖ «នេះអង្គសវនាការអង្គសេចក្ដី ជម្រះថ្ងៃស្អែកនេះគឺចោទពីរបទ ទី១បង្ករបួសស្នាម និងមួយទៀតគឺបទប្លន់។ អាហ្នឹងចាំមើលដល់ពេលសវនាការសួរដេញដោល បើមានទោស គឺផ្ដន្ទាទោសហើយ»។
ក្រុមអង្គការការពារសិទ្ធិមនុស្សក្រៅរដ្ឋាភិបាលបានរកមេធាវីដើម្បីជួយការពារក្តីដល់ក្រុមអ្នកភូមិទាំងនោះ ហើយបានបញ្ជូនក្រុមមេធាវីក្រៅរដ្ឋាភិបាលដើម្បីឲ្យត្រៀមខ្លួនការពារកូនក្តី ក៏ប៉ុន្តែទោះយ៉ាងណាគេមិនអាចធ្វើការអធិប្បាយបញ្ហានោះបានទេ។
ប្រធានផ្នែកឃ្លាំមើលនិងការពារសិទ្ធិមនុស្សរបស់អង្គការ លីកាដូ លោក ហម សុណារិទ្ធ បានមានប្រសាសន៍ថា ដោយសារបញ្ហានេះវាកំពុងស្ថិតនៅក្នុងការសម្ងាត់នៃរឿងក្តីក្រុមមេធាវីរបស់លោកសុំសិទ្ធិមិនធ្វើការអធិប្បាយទេ។
លោក ហម សុណារិទ្ធ បានមានប្រសាសន៍ថា ៖ «បញ្ហានេះវាទាក់ទងទៅនឹងភាពសម្ងាត់នៃរឿងក្ដី ហើយទី២ វាស្ថិតនៅក្នុងដំណាក់កាលនៃការស៊ើបអង្កេតនៅឡើយ ដូច្នេះមេធាវីគាត់មិនទាន់អាចនិយាយាជាមួយបាន បានប៉ុណ្ណឹងសិន»។
សមាគមការពារសិទ្ធិមនុស្ស អាដហុក ខេត្តសៀមរាប បាននិយាយថា តាមដឹងអាចនឹងមានក្រុមប្រជាពលរដ្ឋមកពីឃុំជីក្រែងមានគម្រោងនាំគ្នាមកមុខសាលាដំបូងខេត្តសៀមរាបដើម្បីមកស្តាប់ការ បើកសវនាការជំនុំជម្រះទោសតំណាងពួកគេចំនួន៩នាក់នោះ។
អ្នកស៊ើបអង្កេតរបស់សមាគមការពារសិទ្ធិមនុស្ស អាដហុក ខេត្តសៀមរាប លោក សួស ណារិន បានមានប្រសាសន៍ថា លោកមានការព្រួយបារម្ភអំពីការលើកគ្នាមករបស់ក្រុមអ្នកភូមិនោះ ខ្លាចក្រែងមានការរារាំងពីក្រុមសមត្ថកិច្ចហើយអាចកើតនូវអំពើហិង្សា។
លោក សួស ណារិន បានអះអាងថា ៖ «យើងព្រួយបារម្ភខ្លាចលោមានការចូលរួមស្ដាប់ពីប្រជាពលរដ្ឋភាគច្រើនទៅ មានការរារាំងពីសមត្ថកិច្ច ព្រោះគ្រាន់តែលើកមុនយើងហៅគាត់មករៀនហើយ វាមានការរារាំងអីអ៊ីចឹង។ បើតាមមើលទៅពួកគាត់ធ្លាប់ដុតកង់ឡានមុខតុលាការផង យើងបារម្ភខ្លាចមានការប្រើហិង្សាអីអ៊ីចឹង ប៉ុន្តែពួកគាត់ប្រាប់ថា គាត់មកធម្មតាទេ»។
កាលពីថ្ងៃទី២២ ខែមីនា ឆ្នាំ២០០៩កន្លងមក ក្រុមប្រជាពលរដ្ឋឃុំជីក្រែងរាប់រាយនាក់បានលើកគ្នាតវ៉ាបញ្ហាដីស្រែប្រាំងនៅទំនប់៧៨សួងចំនួនជាង៩០ហិកតារ ដែលមានទំនាស់ជាមួយប្រជាពលរដ្ឋនៅឃុំអន្លង់សំណរជាប់គ្នានោះ។ បន្ទាប់មកសមត្ថកិច្ចចម្រុះបានបើកការបង្រ្កាបដោយបាញ់រះបណ្តាលឲ្យរងរបួសអ្នកភូមិចំនួន៤នាក់និងចាប់ខ្លួនជាង៣០នាក់ ប៉ុន្តែក្រោយមកអ្នកភូមិជាច្រើនត្រូវដោះលែង ហើយ៩នាក់ក្នុងចំណោមនោះត្រូវបញ្ជូនទៅឃុំខ្លួននៅពន្ធនាគារ ដោយចោទប្រកាន់ពីបទប្លន់និងបង្ករបួសស្នាមដល់អ្នកដទៃ៕
អត្ថបទដែលទាក់ទង
អាជ្ញាធរខែត្រកំពង់ធំចាប់ខ្លួនពលរដ្ឋ៤នាក់បន្ថែមទៀតក្នុងរឿងជម្លោះដី
ជនជាតិភាគតិចនៅមណ្ឌលគិរីបារម្ភថាក្រុមហ៊ុនធ្វើឲ្យបាត់ដីចម្ការវិលជុំ
ពលរដ្ឋមានជម្លោះដីនៅឧត្ដរមានជ័យបន្តតវ៉ានៅទីស្ដីការគណៈរដ្ឋមន្រ្តី
ស្ថានភាពបញ្ហាជម្លោះដីនៅស្រុកសន្ទុកខេត្តកំពង់ធំ
សង្គមស៊ីវិលស៊ើបអង្កេតករណីក្រុមហ៊ុនរំលោភបំពានលើជនជាតិភាគតិច
សមត្ថកិច្ចខែត្រកំពង់ធំចាប់ខ្លួនពលរដ្ឋ៣នាក់ក្នុងរឿងជម្លោះដី
សមត្ថកិច្ចខែត្រកំពង់ធំបាញ់បង្រ្កាបការតវ៉ារបស់ពលរដ្ឋក្នុងរឿងជម្លោះដី
អាជ្ញាធរវៀតណាមហាមឃាត់ខ្មែរក្រោមមិនឲ្យធ្វើស្រែលើដីដូនតា
ក្រឡាបញ្ជីតុលាការខេត្តកំពង់ធំរងការចោទថាគំរាមពលរដ្ឋក្នុងរឿងទំនាស់ដី
អាជ្ញាធរខេត្តមណ្ឌលគិរីគ្រោងកោះប្រជុំក្រុមហ៊ុនដែលមិនវិនិយោគចំគោលដៅ
មតិ
អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។
This case shows how badly the local authority, local police and the court find solution for the poor people in land conflict case. It is very bad solution and abuse on human right. Until now, we can see only villagers were detained and charged but no local authority or police who shot villagers are responsible for what they did. This is what so-called justice for the poor and the weak in this country. Think again.
2009-10-21 04:16
it is unbelieveable that the Siem Reap has never prosecuted the shoorters against villagers though, they identified them.
2009-10-20 23:56
ខ្ញុំនៅមានចំងល់មួយចំនួនដែលទាក់ទងនឹងបញ្ហានេះ <br>1. សមត្ថកិច្ចដែលបានបាញ់មកលើប្រជាជនតើច្បាប់គិតយ៉ាងណាហើយ? <br>2.តើអាចចាត់ទុកជាការប៉ុនធ្វើឃាតបានទេ?
2009-10-20 22:42
មើលមតិទាំងអស់.