ជាមួយគ្នានេះ តាមដំណឹងក្នុងកាសែតភ្នំពេញប៉ុស្តិ៍ ចុងសប្តាហ៍មុន គណៈកម្មាធិការជាតិរៀបចំការបោះឆ្នោត (គ.ជ.ប.) បានទាមទារឲ្យសហភាពអឺរ៉ុប ដែលបានបញ្ជូនក្រុមបេសកកម្មឃ្លាំមើលការបោះឆ្នោតនោះ បញ្ជាក់អំពីរបាយការណ៍របស់ខ្លួន ដែលថា ការបោះឆ្នោតប្រព្រឹត្តទៅ មិនតាមក្បួនខ្នាតអន្តរជាតិ ហើយថា មិនសេរី មិនយុត្តិធម៌នោះ។
គ.ជ.ប. និយាយថា បក្សប្រឆាំងទាំងអស់បានផ្សព្វផ្សាយមនោគមវិជ្ជានិងការរិះគន់របស់គេប្រកបដោយសេរី តាមរយៈវិទ្យុសំឡេងសហរដ្ឋអាមេរិកនិងវិទ្យុអាស៊ីសេរី។
កាលពីថ្ងៃ២៩ កក្កដា ក្រុមឃ្លាំមើលការបោះឆ្នោតពីសហភាពអឺរ៉ុប ចេញសេចក្តីថ្លែងការណ៍មាន ៩ទំព័រ ដែលនិយាយថា ការបោះឆ្នោតនោះ មិនមានលក្ខណៈប្រជាធិបតេយ្យពិតប្រាកដ៕