លោក សម រង្ស៊ី និងលោក កឹម សុខា ព្រមព្រៀងបង្កើតបក្សថ្មី
h071712zr.mp3
ការព្រមព្រៀងគ្នាបង្កើតចលនាប្រជាធិបតេយ្យសង្គ្រោះជាតិ នឹងឈានទៅបង្កើតគណបក្សថ្មីមួយនៅពេលខាងមុខ ដោយរំលាយឈ្មោះគណបក្សទាំងពីរវិញនោះ បន្ទាប់ពីគណបក្សទាំងពីរបានជាប់គាំងក្នុងការបង្រួបបង្រួមគ្នាអស់រយៈពេលជាង ៣ឆ្នាំកន្លងមក។
មេដឹកនាំគណបក្សទាំងពីរ លោក កឹម សុខា និងលោក សម រង្ស៊ី បានឲ្យដឹងថា គណបក្សទាំងពីរមានគម្រោងបង្កើតគណបក្សថ្មីមួយនៅក្នុងពេលឆាប់ៗ ខាងមុខនេះ បន្ទាប់ពីគណបក្សទាំងពីរបានចុះហត្ថលេខាបង្កើតចលនាប្រជាធិបតេយ្យសង្រ្គោះជាតិនៅថ្ងៃទី១៧ កក្កដា។
ការថ្លែងដូច្នេះ នៅក្នុងសន្និសីទកាសែតនៅទីស្ដីការគណបក្ស សម រង្ស៊ី តាមរយៈវីដេអូ ខនហ្វឺរិន (Video Conference) ពីទីក្រុងម៉ានីល ប្រទេសហ្វីលីពីន នៅរសៀលថ្ងៃទី១៧ ខែកក្កដា ជាទីកន្លែងដែលមេដឹកនាំទាំងពីរបានទៅជួបគ្នាដើម្បីចរចាគ្នា។
លោក សម រង្ស៊ី មានប្រសាសន៍ថា គណបក្សទាំងពីរបានរួបរួមគ្នា និងកំពុងរៀបចំបង្កើតគណបក្សថ្មីនៅពេលខាងមុខនោះ គណបក្ស សម រង្ស៊ី និងគណបក្សសិទ្ធិមនុស្សបានសម្រេចបង្កើតចលនាប្រជាធិបតេយ្យសង្គ្រោះជាតិ។
ចលនាប្រជាធិបតេយ្យសង្គ្រោះជាតិ និងការបង្កើតគណបក្សថ្មីនោះ ស្ថាប័នទាំងពីរនេះ គឺលោក សម រង្ស៊ី ធ្វើជាប្រធាន និងលោក កឹម សុខា ជាអនុប្រធាន។
ទោះបីជាយ៉ាងនេះក្ដី ទាំងលោក កឹម សុខា និងលោក សម រង្ស៊ី មិនទាន់បញ្ជាក់ច្បាស់លាស់នៅឡើយទេថា តើគណបក្សបង្កើតថ្មីនោះមានឈ្មោះអ្វី និងបង្កើតនៅក្នុងខែណានោះទេ?
ប៉ុន្តែលោក កឹម សុខា បានបញ្ជាក់ថា គណបក្សថ្មីគឺនឹងបង្កើតក្នុងពេលឆាប់ៗនេះ ដែលកើតចេញពីគណបក្ស សម រង្ស៊ី និងគណបក្សសិទ្ធិមនុស្សបច្ចុប្បន្ននេះ មានយន្តការច្បាស់លាស់ គឺខុសពីសម្ពន្ធភាពអ្នកប្រជាធិបតេយ្យ រវាងគណបក្ស សម រង្ស៊ី និងគណបក្សហ៊្វុនស៊ិនប៉ិច ពីមុន។
គណបក្ស សម រង្ស៊ី និងគណបក្សសិទ្ធិមនុស្សបានជាប់គាំងអំពីការបង្រួបបង្រួមគ្នាអស់រយៈពេលជាង ៣ឆ្នាំមកហើយ បន្ទាប់ពីគណបក្សទាំងពីរបានចុះហត្ថលេខាព្រមព្រៀងគ្នាកាលពីឆ្នាំ២០០៩ មក។
ទាក់ទងទៅនឹងបញ្ហានេះ មន្ត្រីនាំពាក្យនៃទីស្ដីការគណៈរដ្ឋមន្ត្រី លោក ផៃ ស៊ីផាន បានស្វាគមន៍ចំពោះការបង្រួបបង្រួមគ្នារវាងគណបក្ស សម រង្ស៊ី និងគណបក្សសិទ្ធិមនុស្ស។ លោក ផៃ ស៊ីផាន អះអាងថា ទោះបីជាគណបក្សទាំងពីរបង្កើតចលនាសង្គ្រោះជាតិ ហើយគ្រោងនឹងបង្កើតគណបក្សមួយថ្មីទៀតក៏ដោយ ប៉ុន្តែមិនអាចប្រកួតប្រជែងឈ្នះគណបក្សប្រជាជនកម្ពុជាទេនៅអាណត្តិបោះឆ្នោតជាតិឆ្នាំ២០១៣ ខាងមុខ។
ទោះបីជាយ៉ាងណាក៏ដោយ ប្រធានគណៈកម្មាធិការអព្យាក្រឹត និងយុត្តិធម៌ ដើម្បីការបោះឆ្នោតដោយសេរីនៅកម្ពុជា លោកបណ្ឌិត ហង្ស ពុទ្ធា បានពន្យល់ថា នេះជាជំហានប្រវត្តិសាស្ត្រថ្មីមួយដែលគណបក្សទាំងពីរបានបង្រួបបង្រួមគ្នា។ លោក ហង្ស ពុទ្ធា បញ្ជាក់ថា ការបង្រួបបង្រួមគ្នារវាងគណបក្សទាំងពីរនេះ សំឡេងឆ្នោតនឹងកើនឡើង។
ភ្ជាប់ទៅនឹងបញ្ហានេះ គេមិនទាន់ដឹងនៅឡើយទេថា ក្រសួងមហាផ្ទៃ និងគណៈកម្មាធិការជាតិរៀបចំបោះឆ្នោតនឹងទទួលស្គាល់គណបក្សថ្មី ដែលគណបក្ស សម រង្ស៊ី និងគណបក្សសិទ្ធិមនុស្សបញ្ចូលគ្នាគ្រោងបង្កើតនោះ ឬយ៉ាងណាទេ? ពីព្រោះថា គ.ជ.ប. កាលពីពេលថ្មីៗនេះ បានប្រកាសថា ខ្លួននឹងបង្កើតច្បាប់មិនអនុញ្ញាតឲ្យទណ្ឌិតមានសិទ្ធិឃោសនាបោះឆ្នោត គឺសំដៅទៅលើលោក សម រង្ស៊ី មិនឲ្យមានសិទ្ធិក្នុងការដឹកនាំគណបក្សរបស់លោកនៅពេលបោះឆ្នោតខាងមុខ។
ឆ្លើយតបនឹងបញ្ហានេះ លោក សម រង្ស៊ី អះអាងថា លោកមិនព្រួយបារម្ភចំពោះបញ្ហានេះទេ ពីព្រោះថា ស្ថានភាពប្រទេសកម្ពុជា នឹងមានការផ្លាស់ប្ដូរនៅពេលខាងមុខ។
មន្ត្រីឃ្លាំមើលការបោះឆ្នោតបានលើកឡើងថា គណបក្សទាំងពីរត្រូវប្រយ័ត្នប្រយែងចំពោះគម្រោងបង្កើតគណបក្សថ្មី ពីព្រោះថា នៅពេលគណបក្សទាំងពីររំលាយបញ្ចូលគ្នាទៅជាគណបក្សតែមួយ ដោយបង្កើតគណបក្សថ្មីនោះ អាសនៈសភាដែលគណបក្សទាំងពីរមាននាពេលបច្ចុប្បន្នក៏នឹងរលាយដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
(
សូមអបអរសាទរនូវការបូកបញ្ចូលគ្នានៃអ្នកប្រជាធិបតេយ្យ ជយោអ្នកប្រជាធិបតេយ្យ
Jul 21, 2012 06:28 AM
អ្នកអានអនាមិក
As long as the two leaders avoid escaping the country when they face problem, then the newly born party will get tremendous support. These leaders should behave like Director of Beehive Radio station. I think they are successful. Many Khmer people long to change the current leader, but we have no choice, as we depend on Rannariddh, he always goes out of country when having a trouble with Hun Sen, and Sam Raingsy does the same. The two leaders should stay in the country to face the charge and difficulty with their supporters. This, i think they get many support from our dear countrymen.
Jul 19, 2012 11:31 AM
ខ្ញុំគឺជា ខ្មែរ
ពី ភ្នំពេញគណៈបក្សប្រជាធិបតេយ្យរួមបញ្ចូលគ្នា គួតែមានពាក្យ សាមគ្គីប្រជាធិបតេយ្យ
Jul 18, 2012 10:20 PM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
