តុលាការខេត្តព្រៃវែងផ្ដន្ទាទោសគ្រូបង្រៀនម្នាក់ពីបទបរិហារកេរ្ដិ៍
ដោយ អយុធ្យា
2009-11-12
គ្រូបង្រៀនម្នាក់នៅខេត្តព្រៃវែង ត្រូវបានតុលាការខេត្តនេះប្រកាសសាលក្រមសម្រេចផ្តន្ទាទោសពិន័យជាប្រាក់១០លានរៀលពីបទបរិហារកេរ្តិ៍ ដោយគ្រាន់តែគ្រូបង្រៀនរូបនេះការពារមិនឲ្យបាត់បង់ដីទីធ្លាសាលានៅអនុវិទ្យាល័យអ្នកលឿង។
តុលាការខេត្តព្រៃវែងនៅថ្ងៃទី១១ ខែវិច្ឆិកា បានបើកសវនាការសម្រេចធ្វើការផ្តន្ទាទោសគ្រូបង្រៀនម្នាក់ឈ្មោះ ជិន ឫទ្ធី ជាគ្រូបង្រៀននៅអនុវិទ្យាល័យអ្នកលឿង និងជាប្រធានសមាគមគ្រូបង្រៀនកម្ពុជាឯករាជ្យប្រចាំខេត្តព្រៃវែង ដោយពិន័យជាប្រាក់ចំនួន១០លានរៀល ដែលប្ដឹងដោយលោក យិន សុវុទ្ធី ជានាយកសាលារបស់ខ្លួន។
លោក ជិន ឫទ្ធី បញ្ជាក់ថា វាអយុត្តិធម៌សម្រាប់ខ្លួនលោកដែលខំការពារដីទីធ្លាសាលា ដែលជាសម្បត្តិរបស់រដ្ឋ ប៉ុន្តែបែរជាមានទោសទៅវិញ។
លោក ជិន ឫទ្ធី បានមានប្រសាសន៍ដូច្នេះ ៖ «ខ្ញុំមិនចាត់ទុកថា សវនាការព្រឹកមិញនេះ (១១ វិច្ឆិកា) មានយុត្តិធម៌សម្រាប់ខ្ញុំទេ ហ្នឹងវាដូចជាអយុត្តិធម៌ណាស់ចំពោះខ្ញុំដែលខំការពារដីសាលាបែរជាមានទោសទៅវិញ។ គេពិន័យសរុបទៅ១០លានរៀល»។
លោក យិន សុវុទ្ធី ជានាយកសាលាអនុវិទ្យាល័យអ្នកលឿង ដែលឈ្នះក្តីក្នុងបណ្តឹងបរិហារកេរ្តិ៍មានប្រសាសន៍ថា ៖ «ខាងណោះអត់មានស្អីផង ចោទគេតែមាត់ទទេ។ ខ្ញុំអត់ដែលដឹងអីផង ខ្ញុំទៅនៅក្រោយគេឆ្ងាយណាស់។ ចំណុចកន្លែងកើតហេតុហ្នឹងប្រជាជននៅមុនខ្ញុំ១០ឆ្នាំ ខ្ញុំទើបនៅឆ្នាំ២០០០ ហើយគេនៅតាំងពី១៩៨៩ ខុសគ្នាឆ្ងាយពេក។ ដីហ្នឹងគេកាន់កាប់នៅមុន មុននឹងខ្ញុំទៅកាន់កាប់ជានាយក»។
លោក ជិន លីដា ជាមេធាវីលោកគ្រូ ជិន ឫទ្ធី ដែលចាញ់ក្តីមានប្រសាសន៍ថា ៖ «ខ្ញុំជាមេធាវីការពារគាត់ គិតថា គាត់អត់មានកំហុសក្នុងរឿងហ្នឹងទេ ហើយគាត់ធ្វើហ្នឹងដើម្បីការពារក្ដីរបស់សាលា ដើម្បីប្រយោជន៍រួម។ ខ្ញុំយល់ថា កូនក្ដីខ្ញុំគាត់មានឆន្ទៈមួយក្នុងការការពារដីសាលាដើម្បីផលប្រយោជន៍រួម»។
វិទ្យុអាស៊ីសេរីមិនអាចសុំការធ្វើអត្ថាធិប្បាយជាមួយមន្ត្រីតុលាការខេត្តព្រៃវែងបានទេ ជុំវិញសវនាការបរិហារកេរ្តិ៍មួយនេះ។
លោក រ៉ុង ឈុន ប្រធានសមាគមគ្រូបង្រៀនកម្ពុជាឯករាជ្យ បានចាត់ទុកការប្រកាសសាលក្រមរបស់តុលាការខេត្តព្រៃវែង ទៅលើគ្រូបង្រៀននៅអនុវិទ្យាល័យអ្នកលឿងថា មានភាពអយុត្តិធម៌បំផុត។
លោក រ៉ុង ឈុន មានប្រសាសន៍ដូច្នេះ ៖ «ការដែលសម្រេចរបស់តុលាការនេះ វាជាការសម្រេចដោយអយុត្តិធម៌ចំពោះលោក ជិន ឫទ្ធី ដែលគាត់មិនបានប្រព្រឹត្តកំហុសទៅតាមពាក្យបណ្ដឹងរបស់លោកនាយកសាលា ហើយយើងឃើញថា តុលាការធ្វើការសម្រេចដោយគ្មានមូលដ្ឋាន»។
លោក ជិន ឫទ្ធី ជាគ្រូបង្រៀននៅអនុវិទ្យាល័យអ្នកលឿង ដែលតុលាការខេត្តព្រៃវែងប្រកាសសាលក្រមពិន័យជាប្រាក់ចំនួន១០លានរៀលនាពេលនេះ កន្លងមកលោកធ្លាប់បានដាក់លិខិតជូនទៅមន្ត្រីនៃមន្ទីរអប់រំខេត្តព្រៃវែង ទៅក្រសួងអប់រំ និងទៅសមាគមគ្រូបង្រៀនកម្ពុជាឯករាជ្យ ដោយបានលើកឡើងថា លោក យិន សុវុទ្ធី ដែលជានាយកសាលាអនុវិទ្យាល័យអ្នកលឿងនេះ បានធ្វើឲ្យបាត់បង់ដីទីធ្លាសាលាដែលជាសម្បត្តិរបស់រដ្ឋ ដោយស្នើសុំឲ្យមានការស៊ើបអង្កេតជាបន្ទាន់មួយចំពោះករណីនេះ។ ប៉ុន្តែការសំណើនេះត្រូវបានលោកនាយកសាលាឈ្មោះ យិន សុវុទ្ធី ដែលជានាយករបស់ខ្លួនបានដាក់ពាក្យបណ្តឹងប្ដឹងទៅកាន់តុលាការខេត្តព្រៃវែងពីបទបរិហារកេរ្តិ៍ ហើយដែលត្រូវបានតុលាការលើកយកមកជំនុំជម្រះក្តីនៅថ្ងៃទី១១ ខែវិច្ឆិកា៕
អត្ថបទដែលទាក់ទង
អ្នករត់តាក់ស៊ីនៅបន្ទាយមានជ័យប្ដឹងក្រុមហ៊ុនពីបទធ្វើឲ្យខូចខាតរថយន្ត
ពលរដ្ឋនៅកំពង់ឆ្នាំងត្រេកអរចំពោះការបង្រ្កាបវង់ល្បែង
បដិមាព្រះវិស្ណុនិងព្រះនាងលក្សី្មត្រូវគេប្រទះឃើញនៅកំពង់ចាម
កម្មការិនីម្នាក់ត្រូវគេសង្ស័យថាស្លាប់ដោយសារខំធ្វើការខ្លាំងពេក
អំពើហិង្សានិងការរំលោភផ្លូវភេទកើនឡើងក្នុងឆ្នាំ២០០៩
អ្នកភូមិនៅស្រុកកណ្ដាលស្ទឹងរង់ចាំលទ្ធផលពីការចរចាតម្លៃអគ្គិសនី
តុលាការខែត្របន្ទាយមានជ័យរងការចោទថាឃុំមនុស្ស៣នាក់លើសនីតិវិធី
អាជ្ញាធរខែត្រកណ្ដាលរារាំងការតវ៉ាពីបញ្ហាភ្លើងឡើងថ្លៃ
ប៉ូលិសប៉ុស្តិ៍នៅអន្លង់វែងរងការចោទថាអនុវត្តច្បាប់មិនសមរម្យ
អ្នកភូមិស្នើសុំធ្វើស្រែលើដីដែលអាជ្ញាធរហាមឃាត់ឡើងវិញ
មតិ
បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួលនិងអាចចុះផ្សាយបានយោងតាមលក្ខខណ្ឌនៃការប្រើប្រាស់របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរីមិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។
Law was belong people who are rich or power,that for khmer rules only.
2009-11-16 19:25
At fiest i want to report to the gavermant to want to know about police traffic in Prang Vang povince specail in Kompong Leave and Prey Vang district that they always stop the transporter that the they transport pass Prey Vang province to take alot of money from them in day and night. so i want RFA report about this problem and want to request Right Grop come to Prey Vang province to ask about this problem. If the Right Grop can come to ask about this problem u can communivate to my telephone 017801100 or sophak27@yahoo.com. Thanks
2009-11-14 06:06
In the mountain, monkey always ate leaf or root, when he or her got in the city, they learne how to eat banana.
2009-11-13 00:34
Cambodia should reorganize the justice system. They are just a tool for rich and powerful people to play the game. Shamed on them that allows the rich and powerful politicians to use them. Cambodia could never get out of the poverty if this justice system is still broken. First consideration is to punish those corrupted judges, and then the school director must revaluate for his acts. The rich and powerful politics are always exploited the broken justice system to threat on the normal citizens. Shamed on them!!! From MBA and CPA Student, U.S.A.
2009-11-12 22:16
Who ever stand up to protect land for best interest of Cambodian people always have been sued from the corrupt and stealer one.
2009-11-12 19:19
មើលមតិទាំងអស់.