ថៃស្វែងរកការលុបចោលកិច្ចព្រមព្រៀងស្ដីពីតំបន់ដែនសមុទ្រជាមួយកម្ពុជា
ដោយ មុំ សុផុន
2009-11-06
ប្រទេសថៃកំពុងតែធ្វើការសម្រេចចិត្តថា នឹងលុបចោលកិច្ចព្រមព្រៀងទ្វេភាគី ស្តីអំពីតំបន់ដែនសមុទ្រដែលត្រួតស៊ីគ្នាជាមួយប្រទេសកម្ពុជានិងប្រទេសថៃនោះ។
លោករដ្ឋមន្ត្រីក្រសួងការបរទេសនៃប្រទេសថៃ បានថ្លែងថា លោកកំពុងតែស្វែងរកការលុបចោលអនុស្សរណៈយោគយល់គ្នាមួយជាមួយកម្ពុជា ដែលភាគីទាំងពីរបានចុះហត្ថលេខាកាលពីខែមិថុនា ឆ្នាំ២០០១ គឺតាំងពីពេលដែលលោក ថាក់ស៊ីន ឈីនណាវ៉ាត្រ (Thaksin Shinawatra) នៅជានាយករដ្ឋមន្ត្រីប្រទេសថៃនៅឡើយនោះ។
យោងតាមកាសែត The Nation របស់ប្រទេសថៃ បានឲ្យដឹងថា កិច្ចព្រមព្រៀងទ្វេភាគីនោះ មានគោលដៅដោះស្រាយតំបន់ដែនសមុទ្រទំហំ២៦.០០០គីឡូម៉ែត្រការ៉េ ដែលជាតំបន់សំបូរទៅដោយរ៉ែប្រេងកាត។
លោករដ្ឋមន្ត្រីថៃ កាស៊ីត ភីរមយ៉ា (Kasit Piromya) បានថ្លែងថា លោកនឹងលើកយកសំណើលុយចោលកិច្ចព្រមព្រៀងនេះ នៅក្នុងសម័យប្រជុំគណៈរដ្ឋមន្ត្រីរបស់ប្រទេសថៃ នៅថ្ងៃអង្គារ សប្តាហ៍ក្រោយ រួចនឹងជម្រាបមកភាគីប្រទេសកម្ពុជា ឲ្យបានដឹងអំពីបញ្ហានេះ។
លោក កាស៊ីត ភីរមយ៉ា បានឲ្យដឹងដូច្នេះ ៖ "ឥឡូវនេះលោក ថាក់ស៊ីន ត្រូវបានតែងតាំងជាទីប្រឹក្សាសេដ្ឋកិច្ចនៃរដ្ឋាភិបាលកម្ពុជា ដូច្នេះក្រសួងការបរទេសថៃ ត្រូវតែធ្វើឲ្យមានការលុបចោលអនុស្សរណៈ យោគយល់គ្នានេះចេញ"។
លោក កាស៊ីត ភីរមយ៉ា ត្រូវបានកាសែត The Nation របស់ប្រទេសថៃ ដកស្រង់សម្តីថា តាំងពីចុះកិច្ចព្រមព្រៀងនោះមក មិនមានឃើញមានការអភិវឌ្ឍអ្វីសោះទេ ដូច្នេះរដ្ឋាភិបាលថៃ នឹងលុបកិច្ចព្រមព្រៀងនេះចោល ហើយនឹងរកកិច្ចចរចាជាថ្មីដើម្បីដោះស្រាយជាមួយភាគីកម្ពុជា។
ចំណែកឯលោក កុយ គួង អនុរដ្ឋលេខាធិការនិងជាអ្នកនាំពាក្យក្រសួងការបរទេសប្រទេសកម្ពុជា បានមានប្រសាសន៍ថា ប្រសិនបើប្រទេសថៃ មានគំនិតលុបចោលអនុស្សរណៈយោគយល់គ្នាឆ្នាំ២០០១នោះ នឹងធ្វើឲ្យដំណើរការរកដំណោះស្រាយព្រំដែននោះកាន់តែអូសបន្លាយបន្ថែមទៀត។
លោក កុយ គួង មានប្រសាសន៍ដូច្នេះ ៖ «ការសម្រេចចិត្តបែបណានោះ គឺអាស្រ័យទៅលើខាងភាគីថៃទេ។ កាលណាតែប្រកាសការលុបចោលបែបនេះ មានន័យថា ធ្វើឲ្យដំណើរការនៃការដោះស្រាយរឿងតំបន់ដែនសមុទ្រត្រួតស៊ីគ្នាហ្នឹង ឲ្យមានលក្ខណៈកាន់តែស្មុគស្មាញ និងយឺតយ៉ាវបន្ថែមទៀត ព្រោះកន្លងមក ផ្អែកទៅលើ MOU ឆ្នាំ២០០១នេះហើយ ក៏ដំណើរការហ្នឹងវាយឺតយ៉ាវរួចទៅហើយ ដោយសារតែនីតិវិធីស្មុគស្មាញផ្ទៃក្នុងរបស់ប្រទេសថៃ»។
ទោះបីជាយ៉ាងណា លោក កុយ គួង បានថ្លែងទៀតថា រដ្ឋាភិបាលប្រទេសកម្ពុជា នៅតែរក្សាជំហរទំនាក់ទំនងជាមួយប្រទេសថៃ លើគ្រប់វិស័យដដែល៕
ឧបករណ៍រឿង
|
អ៊ីម៉េល |
|
ព្រឹត្តិបត្រព័ត៌មាន |
|
បោះពុម្ព |
|
ចែករំលែករឿងនេះ |
អត្ថបទដែលទាក់ទង
កម្ពុជាបកស្រាយរឿងចាប់ខ្លួននិងហាមថៃមិនឲ្យបញ្ជាចរាចរណ៍ជើងអាកាស
តំណាងបក្សសមរង្ស៊ីនៅអាមេរិកចេញសេចក្ដីថ្លែងការណ៍ថ្កោលទោសសភាខ្មែរ
គណៈកម្មការខ្មែរម្ចាស់ស្រុកនឹងរៀបចំកិច្ចប្រជុំស្ដីពីបញ្ហានៅកម្ពុជា
មន្ត្រីការបរទេសថៃឲ្យកម្ពុជាគោរពតាមកិច្ចព្រមព្រៀងពាណិជ្ជកម្ម
កម្ពុជាហាមបុគ្គលិកថៃមិនឲ្យចូលធ្វើការក្នុងក្រុមហ៊ុនត្រួតពិនិត្យជើងយន្តហោះ
កម្ពុជាមិនទាន់ទទួលលិខិតផ្លូវការស្នើសុំដោះលែងចារកម្មថៃនៅឡើយ
មន្រ្តីរដ្ឋាភិបាលបំភ្លឺពីបញ្ហាព្រំដែននិងការលើកអភ័យឯកសិទ្ធិសមរង្ស៊ី
ទស្សនៈនានាជុំវិញការលើកអភ័យឯកសិទ្ធិសមរង្ស៊ី
មន្ត្រីការទូតថៃត្រូវគេអនុញ្ញាតឲ្យចូលជួបជនជាប់ចោទពីបទចារកម្ម
អាជ្ញាធរថៃគ្រោងដោះលែងខ្មែរ៨នាក់ដែលបានឆ្លងដែនខុសច្បាប់
មតិ
អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។
I am very doubt about the reason that the government has not brought this issue to the international level. I never heard clear clarification from the government on this issue.
2009-11-07 07:33
just let Thai shows off his card first, we'll then win the game hopefully.... <br>and we must be cool enough to play this game....
2009-11-06 19:52
I supported all idea of governor that make Cambodia progressed
2009-11-06 19:49
Look what Thai Kasit Piromya said about the broken agreement against Cambodia? <br>We Cambodian already know that Thai Abhisit Vejjajiva,Kasit Piromya,government and yellow shirt(Siam) always disturb and bother us(Cambodian)all the time. <br>I think Thailand never wanted Cambodia to improve and have peace.
2009-11-06 17:02
What is the benefit of having Thaksin to be an advisor to The Prim. Of Cambodia? Why we have to choose to do like this? I think that because of this,it will cause the problem to the economic growth in Cambodia.
2009-11-06 09:00
មើលមតិទាំងអស់.