ទាហានថៃរងការចោទថាប្រើអំពើហិង្សាលើស្រ្ដីខ្មែរម្នាក់ឲ្យរងរបួស
ដោយ សុផល មុន្នី
2009-10-28
កងតម្រួតថៃពីរនាក់រងការចោទប្រកាន់ថា បានប្រើអំពើហិង្សាទាត់ធាក់ទៅលើស្ត្រីខ្មែរម្នាក់ បណ្តាលឲ្យរងគ្រោះបាក់កដៃឆ្វេង ខណៈដែលស្ត្រីរូបនោះនិងកូនស្រីអាយុ៨ឆ្នាំម្នាក់ បានឆ្លងដែនចូលទៅក្នុងទឹកដីថៃ រាវរកខ្ចៅយកមកលក់ដើម្បីផ្គត់ផ្គង់ជីវភាពគ្រួសារប្រចាំថ្ងៃ។
ទាហានថៃឈរយាមកាមនៅច្រកទ្វារភ្នំព្រះវិហារក្នុងទឹកដីថៃ កាលពីថ្ងៃ១៩ តុលា ២០០៨។
លោកស្រី ហួន ហាន អាយុ៤៨ឆ្នាំ រស់នៅភូមិសាមគ្គី ឃុំគោករមៀត ស្រុកថ្មពួក ខេត្តបន្ទាយមានជ័យ បានមានប្រសាសន៍នៅល្ងាចថ្ងៃច័ន្ទ ទី២៦ ខែតុលា ថា កាលពីព្រឹកថ្ងៃទី២៥ លោកស្រីនិងកូនស្រីអាយុ៨ឆ្នាំ បានឆ្លងដែនទៅរាវខ្ចៅក្នុងទឹកអូរមួយជាប់ប៉ុស្តិ៍យាមលេខ១៧ថៃ កៀកបង្គោលឡាក់៣៨ ក្នុងស្រុកតាប់ព្រះយ៉ា ខេត្តស្រះកែវ។ លោកស្រីបន្តថា ស្រាប់តែនៅម៉ោង១១និង៣០នាទីថ្ងៃដដែល តម្រួតថៃពីរនាក់ទៅដល់ហៅលោកស្រីនិងកូនស្រីឡើងលើ ហើយទាត់បីជើងបណ្តាលឲ្យលោកស្រីបាក់កដៃឆ្វេង។
លោកស្រី ហួន ហាន បានឲ្យដឹងដូច្នេះ ៖ «ខ្ញុំទៅខ្វារខ្ចៅ ដល់នេះទៅគ្នាវាពីរនាក់ វាហៅឡើងលើថ្នល់ ក៏មិនបានសួរអីទេទាត់យកតែម្តង ចំបោះដៃផុត ចង្កេះមួយជើង ចុងក្រោយបាក់កដៃ។ តម្រួតដេញឲ្យខ្ញុំមក វាបាញ់មួយគ្រាប់ទៀត»។
លោកស្រីបន្តថា កូនស្រីអាយុ៨ឆ្នាំរបស់លោកស្រី នៅគ្រានោះមានការភ័យខ្លាច ហើយបានរត់គេចចេញពីក្រុមតម្រួតថៃ ពុំបានទទួលរងការវាយដំទេ។
វិទ្យុអាស៊ីសេរីមិនទាន់អាចសុំការបញ្ជាក់ពីភាគីតម្រួតថៃបានទេ។
នេះជាអំពើហិង្សាថ្មីមួយទៀតដែលបង្កឡើងដោយតម្រួតថៃ បន្ទាប់ពីបុរសម្នាក់នៅសង្កាត់និមិត្ត ស្រុកអូរជ្រៅ ខេត្តបន្ទាយមានជ័យ ត្រូវបានជនជាតិថៃ ព្រួតគ្នាវាយរហូតដល់ស្លាប់នៅស្រុកអារ៉ាញ់ប្រាថេត កាលពីថ្ងៃទី២១ ខែតុលា ឆ្នាំ២០០៩។
ទាក់ទងករណីខាងលើនេះ លោក ពាន់ សាវ៉ន មេបញ្ជាការរងយោធាស្រុកថ្មពួក បានមានប្រសាសន៍ថា លោកបានទៅជួបលោក ចាក់ សុខនខាន់ឆៃយ៉ាភូមិ មេបញ្ជាកងរយលេខ១២៧ប្រចាំការនៅទីនោះ ប៉ុន្តែមេបញ្ជាការនោះបានបដិសេធថា មិនដឹងរឿង។
លោក ពាន់ សាវ៉ន មានប្រសាសន៍ដូច្នេះ ៖ «ម៉េចក៏បានជាវ៉ៃគាត់ ម៉េចបានជាទាត់គាត់រហូតដល់បាក់ដៃ រឿងអីគ្រាន់តែរករាវខ្ចៅហូប?»។
លោក ឈាន តារា មេប៉ុស្តិ៍នគរបាលឃុំគោករមៀត បានមានប្រសាសន៍ថា អាជ្ញាធរមូលដ្ឋានកំពុងរៀបចំសំណុំឯងសារករណីខាងលើនេះដាក់ទៅភាគីថៃ។
មេភូមិសាមគ្គី លោក ម៉ៃ ពៅ បានមានប្រសាសន៍ថា នេះជាករណីថ្មីមួយទៀត ដែលអាជ្ញាធរថៃបានប្រើអំពើឃោរឃៅមកលើប្រជាពលរដ្ឋខ្មែរ ៖ «កន្លងមកវាមានបាញ់ដល់ស្លាប់ ហើយវាចោទយើងជួញម៉ាអីអ៊ីចឹងទៅ»។
មន្ត្រីនាំពាក្យសាលាខេត្តបន្ទាយមានជ័យ លោក អ៊ុក កែវរតនៈ បានអំពាវនាវកុំឲ្យប្រជាពលរដ្ឋខ្មែរឆ្លងដែនខុសច្បាប់ចូលទឹកថៃ។
លោក ស៊ុម ចន្ទគា មន្ត្រីសិទ្ធិមនុស្សនៃសមាគមអាដហុក បានចាត់ទុកករណីនេះថា ជាអំពើអមនុស្សធម៌អាក្រក់បំផុត។ លោកជំរុញឲ្យអាជ្ញាធរខ្មែរដាក់ពាក្យប្តឹងភាគីថៃ តាមរយៈស្ថានអគ្គកុងស៊ុលខ្មែរនៅប្រទេសថៃ ឬស្ថានទូតថៃនៅកម្ពុជា។
លោក កុយ គួង មន្ត្រីនាំពាក្យក្រសួងការបរទេសខ្មែរបានមានប្រសាសន៍កាលពីថ្ងៃច័ន្ទ ទី២៦ ខែតុលា ថា កម្ពុជាស្នើឲ្យរដ្ឋាភិបាលថៃ ជាពិសេសអាជ្ញាធរពាក់ព័ន្ធចាត់វិធានការទប់ស្កាត់កុំឲ្យអំពើឃោរឃៅអមនុស្សធម៌កើតឡើងជាថ្មីទៀត ហើយសុំឲ្យស្រាវជ្រាវដើម្បីយកជនដៃដល់ទៅកាត់ទោស៕
អត្ថបទដែលទាក់ទង
បុគ្គលិកអង្គការមិត្តគ្មានព្រំដែនអំពាវនាវឲ្យពន្លឿនការស៊ើបអង្កេតករណីឃាតកម្ម
ទាហានម្នាក់រងរបួសធ្ងន់ដោយសារមេបញ្ជាការវាយដំ
ប៉ូលិសម្នាក់នៅមណ្ឌលគិរីរងការចោទថាប៉ុនប៉ងធ្វើឃាតអ្នកភូមិ
ពលរដ្ឋម្នាក់នៅកំពង់ឆ្នាំងត្រូវអ្នកយាមឡូត៍នេសាទបាញ់ឲ្យស្លាប់
អតីតអ្នកកាសែតម្នាក់ត្រូវផ្តន្ទាទោសឲ្យជាប់គុក២ឆ្នាំពីបទផ្សាយព័ត៌មានមិនពិត
បុរសតៃវ៉ាន់ម្នាក់ជាប់គុក៣៧ឆ្នាំពីបទរត់ពន្ធគ្រឿងញៀន
ជនដាណាម៉ាកម្នាក់រងការចោទថាចាប់បង្ខំរួមភេទជាមួយកុមារីខ្មែរ
ក្មេងស្រី១៧នាក់ត្រូវឃាត់ខ្លួនពីបទសង្ស័យថាប្រកបរបរផ្លូវភេទ
យុវជនម្នាក់នៅព្រៃវែងរងរបួសធ្ងន់ដោយសារក្រុមក្មេងទំនើងលួចកាប់
ប្រធានមជ្ឈមណ្ឌលកុមារកំព្រានៅខេត្តកណ្តាលត្រូវចាប់ខ្លួនពីបទវាយដំកុមារ
មតិ
អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។
Thai alway do bed thing from the past until now. So I don't need Thai help. We should improve our technology better than Siam.
2009-11-10 23:57
Tell to thai government becareful we will treat to your people in the same way your people did we can not stand with what you did to us from now on we will treat you all in the same way.
2009-11-09 20:18
Please help khmer. coz we are khmer. <br>
2009-10-29 23:33
After I heard This incident,It's remind me and make me thing back of ten and hundred years of Thai did this to us, and steel do the same, never quit,I wish the world can see this.
2009-10-29 10:37
Its very very sad.I think we are to nice. May be we started to do the same to the siem cross in to our border. I am resdy to join the border patrol and take care of that.
2009-10-28 23:05
មើលមតិទាំងអស់.