សមត្ថកិច្ចស្រាវជ្រាវរកអ្នកបំផ្ទុះគ្រាប់បែកនៅស្ពានក្បែរពេជ្រនិល

សមត្ថកិច្ចខេត្តកំពង់ស្ពឺ និងខេត្តព្រះសីហនុ កំពុងធ្វើការស្រាវជ្រាវរកជនមិនស្គាល់មុខដែលបានបំផ្ទុះគ្រាប់បែកច្នៃ ក្នុងបំណងផ្ដាច់ស្ពានអូរគគីរ ក្បែរស្ពានពេជ្រនិល លើកំណាត់ផ្លូវជាតិលេខ៤ នៅចន្លោះគីឡូម៉ែត្រលេខ១០៦-១០៧ ហួសអាសនៈយាយម៉ៅ ជាង ៥គីឡូម៉ែត្រ ស្ថិតនៅជាប់ព្រំប្រទល់រវាងខេត្តទាំងពីរ។

ដោយ ខែ សុណង
2012-08-30

ប្រធានប៉ុស្តិ៍នគរបាលរដ្ឋបាលឃុំត្រែងត្រយឹង លោក ប្រាក់ ប៊ុនឡៃ មានប្រសាសន៍នៅថ្ងៃទី៣០ សីហា ថា ស្ពានអូរគគីរដែលជនមិនស្គាល់មុខបានបំផ្ទុះគ្រាប់បែកនោះ នៅត្រង់ចំណុចភូមិទី៦ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។ លោកថា សមត្ថកិច្ចបានសន្និដ្ឋានថា ជាប្រភេទគ្រាប់បែកច្នៃ ដែលមានធាតុផ្សំម្សៅផ្ទុះ តេអ៊ិនតេ (TNT) និងជីអ៊ុយរ៉េ ដាក់ក្នុងប៊ីដុងចំណុះ ៣០លីត្រ យកទៅបង្កប់នៅក្រោមស្ពាន។

លោកថា នៅជុំវិញស្ពាននេះ ជាតំបន់កងអនុសេនាធំបញ្ជូនសាររបស់កងពលតូចលេខ៣១ នៃក្រសួងការពារជាតិ៖ «កំពុងសាកសួរជិតខាងព្រោះនៅកន្លែងហ្នឹងមានទាហានឈរជើងច្រើន ទាហាននៅជុំវិញហ្នឹង។ បើយើងសន្និដ្ឋានជនមើលមានបំណងចង់កម្ទេចផ្ដាច់ស្ពានហ្នឹងហ្មង។ ដំណើរវាឃ្លាតគ្នាឆ្ងាយពេក ដល់អ៊ីចឹងវាផ្ទុះបានមួយបន្តិចទៅ បើសិនវាដាក់ឲ្យជាប់ហ្មងវាប្រហែលជាអាចត្រូវដាច់»។

ស្នងការខេត្តព្រះសីហនុ លោក តាក វណ្ណថា បានអះអាងថា ស្ពានដែលបានរងការខូចខាតដោយការបំផ្ទុះគ្រាប់បែកនោះ ត្រូវក្រុមហ៊ុនអេហ្សិត (AZ) ជួសជុលវិញហើយ។

ហេតុការណ៍នេះបានកើតឡើងនៅយប់ថ្ងៃទី២៩ ខែសីហា ឆ្នាំ២០១២ ដែលបានបណ្ដាលខូចខាតស្ពានបន្តិចបន្តួចប៉ុណ្ណោះ ដែលអាចឲ្យប្រជាពលរដ្ឋធ្វើដំណើរឆ្លងកាត់ស្ពាននោះបានដដែល។ ករណីនេះមិនបណ្ដាលឱ្យមានមនុស្សរបួស ឬស្លាប់ដោយសារការនោះទេ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

អត្ថបទដែលទាក់ទង

មតិ (5)

ចុចត្រង់នេះដើម្បីបន្ថែមយោបល់របស់អ្នក

CheyVorman007

ពី AngKor Wat

ខ្មុំសូមអំពាវនាវដល់ជនដែលមានគំនិតបញ្ចេញមតិនៅទីនេះ
១ កុំល្មោភឈ្លក់នឹងទ្រឹស្តីខ្លួនពេក ក្នុងមួយសាច់រឿង
របស់អាស៊ីរីសសេរស្តីតែ១ដងបានហើយ ពីរយ៉ាងច្រើន
កុំអោយគេជ្រិញនឹងអាន បើកមកឃើញតែឈ្មោះដដែលៗ
ជាប់គ្នារដឹក ចង់អានគំនិតអ្នកផ្សេងត្រូវទាញcursorយ៉ាង
វែងចុះមកក្រោម Laptopផងលឿនតិចអី?២ត្រូវចេះអោយតម្លៃ
ជនដែលមានបញ្ញា ច្បាប់ជាអ្នកសំរេចមិនមែនលោកសេកឯងទេ

Sep 01, 2012 07:47 AM

អ្នកអានអនាមិក

ពី PP

ជនណាហ៊ានម្លេះ ម៉េចបានជាធ្វើចំពេលដែលសេ្តចយាងចេញមកតំបន់នេះចុះ ឬចង់ផ្តាច់ស្ពាន ដើម្បីឲ្យគណបក្សcppធ្វើថី្ម ព្រោះថាជិតដល់បោះឆ្នោតហើយ ឬគួរដល់ពេលដើរលាបឈ្មោះខ្លួន ដើម្បីចំនេញនយោបាយ។

Aug 31, 2012 05:50 AM