តំណាងរាស្ត្រស.រ.អា.ថ្កោលទោសការរីករាលដាលនៃអំពើពុករលួយនៅកម្ពុជា

ដោយ ម៉ៅ សុធានី

2009-10-11

តំណាងរាស្ត្រសហរដ្ឋអាមេរិក (ស.រ.អា.) ទាំងគណបក្សប្រជាធិបតេយ្យនិងសាធារណរដ្ឋបានចេញសេចក្តីសម្រេចលេខ៨២០ ថ្កោលទោសចំពោះការរីករាលដាលនៃអំពើពុករលួយនៅក្នុងប្រទេសកម្ពុជា។

សេចក្តីសម្រេចលេខ៨២០នេះបានត្រូវផ្តួចផ្តើមស្នើឡើងនិងដាក់ជូនទៅរដ្ឋសភាស.រ.អា.កាលពីថ្ងៃទី៨ ខែតុលា ឆ្នាំ២០០៩កន្លងមកនេះ ដោយលោកតំណាងរាស្ត្រ អេដ រ៉ត (Ed Royce) នៃគណបក្សសាធារណរដ្ឋពីរដ្ឋកាលីហ្វ័រញ៉ា, លោកតំណាងរាស្ត្រ ចូសេហ្វ ចាវ (Joseph Cao) នៃគណបក្សសាធារណរដ្ឋពីរដ្ឋ Luisiana, លោកតំណាងរាស្ត្រ ហ្វ្រេង វ៉ូលហ្វ (Frank Wolf) ពីគណបក្សសាធារណរដ្ឋ និងលោកតំណាងរាស្ត្រ ជេមស៍ ម៉ូរ៉ាន (James Moran) នៃគណបក្សប្រជាធិបតេយ្យពីរដ្ឋ Virginia។

ក្នុងសេចក្តីសម្រេចលេខ៨២០នោះបានធ្វើការអត្ថាធិប្បាយនូវចំណុចសំខាន់ៗជាច្រើន ដោយសំអាងហេតុដូចខាងក្រោមនេះ ៖

រាជរដ្ឋាភិបាលកម្ពុជាបានប្រើប្រាស់យុត្តិវិធីគំរាមកំហែង ដូចជាសម្លាប់អ្នកប្រឆាំងនិងបង្ក្រាបក្រុមនយោបាយអ្នកប្រឆាំង។

របាយការណ៍របស់អង្គការឃ្លាំមើលសិទ្ធិមនុស្ស (Human Rights Watch) បានឲ្យដឹងថា លោក ឃឹម សម្បូរណ៍ អ្នកសារព័ត៌មាននៃកាសែតមនសិការខ្មែរ ដែលគាំទ្រគណបក្សសមរង្ស៊ីនិងកូនប្រុសរបស់គាត់បានត្រូវគេបាញ់សម្លាប់នៅចំកណ្តាលក្រុងភ្នំពេញ នៅថ្ងៃទី១១ ខែកក្កដា ឆ្នាំ២០០៨។ ការបាញ់ប្រហារនេះគឺក្នុងគោលបំណងចង់ផ្ញើសារថា កុំឲ្យមានអ្នកកាសែតទាក់ទងឬចូលរួមជាមួយគណបក្សប្រឆាំង។

ប្រព័ន្ធតុលាការនៅកម្ពុជាមានការឃុបឃិតប្រព្រឹត្តអំពើពុករលួយ ហើយត្រូវបានប្រើប្រាស់ជាឧបករណ៍ដោយគណបក្សកាន់អំណាចដើម្បីបំបិទមាត់គណបក្សប្រឆាំង។

អង្គការ Freedom House បានចាត់ទុកប្រទេសកម្ពុជាក្នុងចំណាត់លេខពុំមានសេរីភាពឡើយ។

របាយការណ៍របស់អង្គការ Global Witness បានឲ្យដឹងថា ប្រទេសកម្ពុជាបានត្រូវដឹកនាំដោយក្រុមខ្សែស្រឡាយអ្នកលួចជាតិ។ ពួកគេមានទ្រព្យសម្បត្តិស្តុកស្តម្ភ ដោយសារការដណ្តើមរឹបអូសយកទ្រព្យសម្បត្តិរដ្ឋ ជាពិសេសគឺកេងយកផលប្រយោជន៍ពីសម្បត្តិធម្មជាតិ។

របាយការណ៍របស់លោក យ៉ាស្ហ ហ្កាយ (Yash Ghai) អតីតតំណាងពិសេសនៃអគ្គលេខាធិការអង្គការសហប្រជាជាតិ (អ.ស.ប.) ទទួលបន្ទុកផ្នែកសិទ្ធិមនុស្សនៅកម្ពុជា ដាក់ជូនក្រុមប្រឹក្សាសិទ្ធិមនុស្សនៃអ.ស.ប. ដោយបានលើកឡើងថា មិនចាំបាច់ជាអ្នកជំនាញយល់ដឹងជ្រៅជ្រះខាងសិទ្ធិមនុស្សដើម្បីទទួលស្គាល់ថា មានការរំលោភសិទ្ធិមនុស្សនៅក្នុងប្រទេសកម្ពុជានោះ។ គឺគេអាចមើលឃើញដោយងាយនូវគោលនយោបាយទាំងឡាយរបស់រដ្ឋាភិបាលដែលមានចរិតវិទ្ធង្សនាឬបន្ទុចបង្អាក់ការរីកចម្រើន ចំណុចសំខាន់ៗនូវដំណើរការឆ្ពោះទៅលទ្ធិប្រជាធិបតេយ្យនិងនីតិរដ្ឋ។ គោលនយោបាយដែលប៉ះពាល់ដល់ធនធានផ្នែកសេដ្ឋកិច្ច ក៏ដូចជាជីវភាពរស់នៅរបស់ប្រជាពលរដ្ឋ និងគោលនយោបាយទាំងឡាយដែលនាំឲ្យប្រជាពលរដ្ឋបាត់បង់សេចក្តីថ្លៃថ្នូរ។

ករណីលោកស្រី មូរ សុខហួរ តំណាងរាស្ត្រនៃគណបក្សសមរង្សី បានត្រូវសភាដកអភ័យឯកសិទ្ធិនិងដាក់ទោសពិន័យ ដោយសារតែហ៊ានរិះគន់លោកនាយករដ្ឋមន្ត្រី ហ៊ុន សែន ដោយចំហ។

ដូចដែលលោកស្រី មូរ សុខហួរ បានថ្លែងប្រាប់នៅចំពោះមុខគណៈកម្មការសិទ្ធិមនុស្ស ថម លេនថូស (Tom Lantos) កាលពីថ្ងៃទី១០ ខែកញ្ញា ឆ្នាំ២០០៩ ដែលថា លោកស្រីគឺជាបុគ្គលមួយរូបក្នុងចំណោមមនុស្សស្លូតត្រង់រាប់ពាន់នាក់ មានអ្នកកាសែត អ្នកដឹកនាំសហជីព គ្រូបង្រៀននិងអ្នកស្រុក ដែលបានត្រូវកាត់ទោសដោយតុលាការខ្មែរ ដែលគេគ្រប់គ្នាបានដឹងឮថា ប្រព្រឹត្តអំពើពុករលួយ ពុំមានសមត្ថភាព និងធ្វើតាមតែបញ្ជារបស់រដ្ឋាភិបាលនិងអ្នកមានអំណាច មានប្រាក់កាសតែប៉ុណ្ណោះ។

មន្ត្រីរាជរដ្ឋាភិបាលខ្មែរជាញឹកញយតែងតែលូកដៃក្នុងរបររកស៊ីជួញដូរផ្លូវភេទ ហើយបញ្ហាពុករលួយបានធ្វើឲ្យអំពើជួញដូរមនុស្សកាន់តែមានសភាពធ្ងន់ធ្ងរ។

របាយការណ៍ប្រចាំឆ្នាំរបស់ក្រសួងការបរទេសស.រ.អា.សម្រាប់ឆ្នាំ២០០៩ បានឲ្យដឹងថា អំពើពុករលួយដែលរីកសាយភាយខ្លាំងនៅក្នុងប្រទេសកម្ពុជា ហើយក្នុងរឿងការជួញដូរផ្លូវភេទនេះ ត្រូវបានគេជឿថា មានការជាប់ពាក់ព័ន្ធនឹងប៉ូលិស មន្ត្រីតុលាការ ដោយផ្ទាល់ឬដោយប្រយោល។

អាជ្ញាធរមូលដ្ឋាននិងមន្ត្រីរដ្ឋាភិបាលតែងតែទទួលយកប្រាក់សំណូកនិងជំរិតទារប្រាក់ពីម្ចាស់បនពេស្យាដើម្បីអាចនៅតែបន្តបើកកន្លែងផ្ទះបនបាន។

សេចក្តីសម្រេចលេខ៨២០បានបញ្ចប់សេចក្តីដោយសរសេរថា អាស្រ័យដូចបានរៀបរាប់ខាងលើនេះ សភាជាតិស.រ.អា.សូមធ្វើការថ្កោលទោសចំពោះការគាបសង្កត់ទៅលើក្រុមអ្នកប្រឆាំងដោយគណបក្សប្រជាជនកម្ពុជាដែលកំពុងកាន់អំណាច ហើយសូមអំពាវនាវសុំឲ្យរាជរដ្ឋាភិបាលខ្មែរនិងគ្រប់អង្គការអន្តរជាតិដោះស្រាយនិងរកវិធានការជាក់ស្តែងដើម្បីប្រឆាំងនិងទប់ស្កាត់ចំពោះស្ថានភាពធ្ងន់ធ្ងរស្តីពីការជួញដូរមនុស្សនៅកម្ពុជានេះ៕

បោះពុម្ព អ៊ីម៉េល

មតិ

អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។

Kok Sar ពី USA :

I totally agree with the resolution of the US congress condemning the pandemci corruption in Cambodia. I strongly beleive that if the trend continues, guess what, these corrupted clique will wreck the whole country, theraten the national security and political stability in Cambodia and the region; revolution might be sparked. And these corrupted officials and their families will defintely go down in history as the traitors, nation destroyers; and will be cursed for generations to come. Their grandchildren might not even want to bear their ancestors' last names like Hitler's family members who have decided not to get married to just want to end the Hitler's infamous last name. I am sure these corrupted officals do not want to see their next generations to be cursed with ill-health and premature death ( like Hok Lundy) because of their traitors acts. Samdech, keep your eyes on the issue of corruption!This is the real threat to our nation NOT the Khmer Rouge Trial!

2009-10-14 10:20

អ្នកអានអនាមិក :

I agree

2009-10-13 19:37

អ្នកអានអនាមិក :

I agree this case

2009-10-13 04:02

Overseas student ពី Sydney :

I totally agreed with all the points that have been raised. I am wondering why many Khmer poeple are too blind to see Hun Sen and his government have been cheating Khmer peeople. Eg. Hun Sen has often distributed donations, money whereever he goes for a propaganda campaign. The question was where does he get the money and donations from? If the money belongs to the Khmer people and the country, Hun Sen should have not encouraged people to put his name as a donor. I hope most Khmer peole will see his dirty ass one day.

2009-10-13 03:54

អ្នកអានអនាមិក :

Present government is really incharge of a corruption in Cambodia.

2009-10-13 01:50

មើលមតិទាំងអស់.