សហរដ្ឋអាមេរិក ជួបប្រជុំជាមួយរដ្ឋមន្ត្រីពាណិជ្ជកម្មអាស៊ាន
h083012hs.mp3
ដំណើរទស្សនកិច្ចរបស់តំណាងពាណិជ្ជកម្មសហរដ្ឋអាមេរិក នេះ ធ្វើឡើងនៅស្របពេលដែលក្រុមរដ្ឋមន្ត្រីពាណិជ្ជកម្មអាស៊ាន កំពុងជួបប្រជុំរដ្ឋមន្ត្រីសេដ្ឋកិច្ចអាស៊ានលើកទី៤៤ ដើម្បីបង្ហាញឱ្យក្រុមបណ្ដាប្រទេសអាស៊ាន បានឃើញពីការគាំទ្ររបស់សហរដ្ឋអាមេរិក ទៅលើសមាហរណកម្ម និងការទាក់ទងផ្នែកសេដ្ឋកិច្ចដ៏ជ្រាលជ្រៅ។
សហរដ្ឋអាមេរិក ដែលជាប្រទេសមហាអំណាចខាងសេដ្ឋកិច្ចមួយ នៅក្នុងពិភពលោក បានបង្ហាញឱ្យដឹងថា គេចង់បានទំនាក់ទំនងផ្នែកសេដ្ឋកិច្ចដ៏ជ្រាលជ្រៅជាមួយប្រទេសនៃប្រជាជាតិអាស៊ីអាគ្នេយ៍ (ASEAN=អាស៊ាន) ដើម្បីជាគោលដៅរួមរបស់សហរដ្ឋអាមេរិក ស្ដីពីទំនាក់ទំនងសេដ្ឋកិច្ចនៅក្នុងតំបន់អាស៊ីប៉ាស៊ីហ្វិក ផងដែរ។
កាលពីព្រឹកថ្ងៃព្រហស្បតិ៍ ទី៣០ ខែសីហា ប្រតិភូរបស់សហរដ្ឋអាមេរិក បានជួបប្រជុំជាមួយបណ្ដាក្រុមរដ្ឋមន្ត្រីពាណិជ្ជកម្មនៃប្រទេសសមាជិកអាស៊ាន ចំនួន១០ នៅឯខេត្តសៀមរាប នៃប្រទេសកម្ពុជា។
លោក ដេវីដ អិល ខាដិន (David L. Carden) ជាបេសកជនសហរដ្ឋអាមេរិក ប្រចាំតំបន់អាស៊ាន លោកបានមានប្រសាសន៍ថា សហរដ្ឋអាមេរិក បានសម្លឹងឃើញប្រទេសអាស៊ានទាំង១០ គឺជាយុទ្ធសាស្ត្រ និងជាដៃគូសេដ្ឋកិច្ចយ៉ាងសំខាន់៖ «ប្រទេសអាស៊ានទាំង១០ គឺជាកូនសោសេដ្ឋកិច្ចដ៏សំខាន់ ហើយក៏ជាដៃគូសេដ្ឋកិច្ចដ៏សំខាន់ដែរ សម្រាប់សហរដ្ឋអាមេរិក។ ពេលនេះ យើងកំពុងប្រឹងប្រែងធ្វើកិច្ចសហការជាមួយគ្នា ដើម្បីជួយពង្រឹងផ្នែកខ្លះដល់បណ្ដាប្រទេសអាស៊ាន ដូចជាបញ្ហាសន្តិសុខស្បៀង ឲ្យមាននិរន្តរភាពជាដើម»។
លោក ដេវីដ អិល ខាដិន បានមើលឃើញថា ការយល់ដឹងផ្នែកបច្ចេកវិទ្យាថ្មីៗ នឹងធ្វើឱ្យបណ្ដាប្រទេសអាស៊ានទាំង១០ អាចជួយជំរុញសេដ្ឋកិច្ចនៅក្នុងតំបន់ឱ្យលូតលាស់បាន រួមទាំងការបម្រើសេវាផ្នែកពាណិជ្ជកម្ម ដោយស្របទៅតាមការរីកចម្រើនរបស់ពិភពលោកផង។
ក្រុមបណ្ដាប្រទេសនៅក្នុងតំបន់អាស៊ាន បានបង្ហាញឱ្យឃើញថា គេត្រូវការអ្នកវិនិយោគរបស់សហរដ្ឋអាមេរិក ចូលមកបោះទុនធ្វើជំនួញនៅក្នុងតំបន់របស់គេ។
លោក សុរិន ពិតសុវណ្ណ ជាអគ្គលេខាធិការរបស់សមាគមអាស៊ាន បានមានប្រសាសន៍ថា ជាការពិតណាស់សម្រាប់ផលិតផលថ្មីៗ និងធនធានជាច្រើនទៀត គឺបណ្ដាប្រទេសអាស៊ាន ត្រូវការបច្ចេកវិទ្យាថ្មីៗ។ លោកមានប្រសាសន៍ទៀតថា អាស៊ានត្រូវការអ្នកវិនិយោគទុនរបស់សហរដ្ឋអាមេរិក៖ «ភាពជឿនលឿនខាងសេដ្ឋកិច្ចនៅក្នុងតំបន់ពេលនេះ បានបើកចំហឱកាស និងសក្ដានុពលសម្រាប់ការវិនិយោគរបស់សហរដ្ឋអាមេរិក ដោយឆ្លងកាត់នូវបរិបទរបស់អាស៊ាន»។
សហរដ្ឋអាមេរិក ដែលបញ្ជូនតំណាងពាណិជ្ជកម្មរបស់ខ្លួន គឺលោក រ៉ន ខឺក មកកាន់កម្ពុជាពេលនេះ ដើម្បីចូលរួមប្រជុំធុរកិច្ចកំពូលជាលើកដំបូង រវាងសហរដ្ឋអាមេរិក និងអាស៊ាន។ កិច្ចប្រជុំដែលបានចាប់ផ្ដើមតាំងពីថ្ងៃទី៣០ រហូតដល់ថ្ងៃទី៣១ ខែសីហា នឹងផ្ដល់ឱកាសឱ្យតំណាងពាណិជ្ជកម្មសហរដ្ឋអាមេរិក និងអាស៊ាន អាចធ្វើការផ្លាស់ប្ដូរលើទស្សនៈ ជំរុញនូវកំណើនសេដ្ឋកិច្ច និងការបញ្ចូលនូវបច្ចេកទេសថ្មីៗ ក្នុងការប្រកួតប្រជែងក្នុងធុរកិច្ចពាណិជ្ជកម្ម និងកំណើនសេដ្ឋកិច្ចសម្រាប់ពេលអនាគត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
Vuth Lee
ពី Lowell, Massachusetts,U.S.AOn July 4, 1776 America claimed its independence from Britain and Democracy was born. Each year on July 4, Americans celebrate that freedom and independence with barbecues, picnics, and family gatherings. Cambodia must follow the United States of America's system to be a prosperous country as U.S.A. To do this, Cambodians can't afford to have Hun Sen as their priminister.
Aug 31, 2012 09:27 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
