សហរដ្ឋអាមេរិកនឹងផ្តល់ថវិកាជាង៥លានដុល្លារសម្រាប់សាលាក្ដីខ្មែរក្រហម
h091312ts.mp3
លោក ស្ទីហ្វិន រ៉េប បានមកទស្សនកិច្ចនៅកម្ពុជា ជាលើកទី៨ហើយ ទាក់ទងនឹងដំណើរការសាលាក្ដីកាត់ទោស អតីតមេដឹកនាំខ្មែរក្រហមជាន់ខ្ពស់។ មុននឹងចាកចេញពីប្រទេសកម្ពុជា លោកបានធ្វើសន្និសីទកាសែតមួយ នៅថ្ងៃទី១៣ ខែកញ្ញា ដើម្បីបញ្ជាក់ប្រាប់អំពីជំហររបស់សហរដ្ឋអាមេរិក ស្ដីពីការគាំទ្រសាលាក្ដីខ្មែរក្រហមនោះ។
ឯកអគ្គរដ្ឋទូតគោចរសហរដ្ឋអាមេរិក សម្រាប់ឧក្រិដ្ឋកម្មសង្គ្រាម លោក ស្ទីហ្វិន រ៉េប បានបញ្ជាក់ថា សហរដ្ឋអាមេរិកបានសម្រេចផ្តល់ជំនួយថវិកាជាង៥លានដុល្លារអាមេរិក ដើម្បីគាំទ្រដំណើរសាលាក្ដីខ្មែរក្រហមខាងភាគីអន្តរជាតិ សម្រាប់ឆ្នាំ២០១២ នេះ។ ថវិកានេះ នឹងត្រូវផ្តល់ឲ្យនៅខែវិច្ឆិកា ខាងមុខនេះ បើគ្មានការជំទាស់ពីសភាសហរដ្ឋអាមេរិក។
បន្ថែមលើនេះទៀត សហរដ្ឋអាមេរិកកំពុងតែត្រៀមផ្តល់ថវិកាមួយចំនួនទៀត ឲ្យសាលាក្ដីខ្មែរក្រហមសម្រាប់ឆ្នាំ២០១៣។
ក្រៅពីនេះ សហរដ្ឋអាមេរិកបានសន្យាថា នឹងបន្តគាំទ្រសាលាក្ដីខ្មែរក្រហម ដើម្បីកាត់ទោសមេដឹកនាំខ្មែរក្រហមជាន់ខ្ពស់មួយចំនួនទៀត នៅក្នុងសំណុំរឿង ០០៣ និង ០០៤ នាពេលខាងមុខនេះ។ សហរដ្ឋអាមេរិក ចាត់ទុកសំណុំរឿង០០២ ០០៣ និងសំណុំរឿង០០៤ គឺមានសារសំខាន់ណាស់ ក្នុងការស្វែងរកយុត្តិធម៌ជូនជនរងគ្រោះក្នុងរបបខ្មែរក្រហម។
ឯកអគ្គរដ្ឋទូតគោចរសហរដ្ឋអាមេរិក លោក ស្ទីហ្វិន រ៉េប បានមានប្រសាសន៍នៅក្នុងសន្និសីទកាសែតថា រហូតមកដល់ពេលនេះ សហរដ្ឋអាមេរិកបានផ្តល់ជំនួយចំនួន១២លានដុល្លារអាមេរិករួចមកហើយ ឲ្យសាលាក្ដីខ្មែរក្រហមនោះ៖ «នៅក្នុងការគាំទ្ររបស់សហរដ្ឋអាមេរិក សម្រាប់សាលាក្ដីខ្មែរក្រហមនោះ សាលាក្ដីខ្មែរក្រហមត្រូវតែបង្ហាញថា មានការវិវឌ្ឍរីកចម្រើនទៅមុខ មិនឲ្យមានអំពើពុករលួយ និងការចាត់ចែងមិនល្អជាដើម ដូចដែលមានការចោទប្រកាន់កន្លងមក។ យើងបន្តតាមដានរឿងនេះ ដោយយកចិត្តទុកដាក់»។
លោកបន្តថា សហចៅក្រមស៊ើបអង្កេតថ្មីម្នាក់ ជនជាតិអង់គ្លេសឈ្មោះ ម៉ាក ហាមុន (Mark Hamon) និងចូលកាន់តំណែងនៅសាលាក្ដីខ្មែរក្រហម នៅចុងខែកញ្ញា ខាងមុខនេះ ដើម្បីស៊ើបអង្កេតសំណុំរឿង០០៣ និង០០៤។
ទាក់ទងនឹងការប្រកាសនេះ អ្នកនាំពាក្យសាលាក្ដីខ្មែរក្រហម លោក នេត្រ ភ័ត្រា បានមានប្រសាសន៍ថា លោកសាទរចំពោះជំនួយរបស់សហរដ្ឋអាមេរិកនោះ៖ «ជំនួយថវិកាថ្មីបន្ថែមទៀតសម្រាប់ឲ្យមន្ត្រី បុគ្គលិក តុលាការទាំងមូលបំពេញការងាររបស់ខ្លួនឲ្យចប់ចុងចប់ដើមនូវបេសកកម្មរបស់ខ្លួន។ ដោយឡែក ចំពោះសំណុំរឿង០០៣ និង០០៤ មិនអាចមាននរណាម្នាក់នៅក្នុងការបង្ខំ ឬមួយដាក់សម្ពាធមកលើចៅក្រម ដែលមានឆន្ទានុសិទ្ធិនៅក្នុងការបំពេញការងារទេ។ ហើយសូមជម្រាបថា នៅសាលាក្ដីខ្មែរក្រហម សំណុំរឿង០០៣ ០០៤ គឺកំពុងតែស្ថិតនៅក្នុងដៃរបស់សហចៅក្រមស៊ើបអង្កេត។ អ៊ីចឹង សហចៅក្រមស៊ើបអង្កេត លោកនឹងបំពេញការងាររបស់ខ្លួនទៅតាមនីតិវិធី ដែលបានកំណត់ដែលមានចែងនៅក្នុងច្បាប់ ក៏ដូចជាវិធានផ្ទៃក្នុង»។
ភាគីអន្តរជាតិនៅសាលាក្ដីខ្មែរក្រហម កំពុងតែខ្វះថវិកាជាង៤លានដុល្លារអាមេរិកទៀត សម្រាប់ឆ្នាំ២០១២ នេះ ចំណែកឯភាគីកម្ពុជា កំពុងតែខ្វះខាតថវិកាជាង១លានដុល្លារទៀត សម្រាប់ឆ្នាំ២០១២ នេះដែរ។
សាលាក្ដីខ្មែរក្រហម ត្រូវចំណាយថវិកាប្រចាំឆ្នាំជាង៣០លានដុល្លារអាមេរិកខាងភាគីអន្តរជាតិ ប្រៀបធៀបនឹងភាគីកម្ពុជា ត្រូវចំណាយចំនួន១០លានដុល្លារអាមេរិក។ សាលាក្ដីខ្មែរក្រហម បានចំណាយថវិកាសរុបជាង១៤១លានដុល្លារអាមេរិកហើយតាំងពីឆ្នាំ២០០៦ មក៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អ្នកអានអនាមិក
បើអាមេរិកសំបូរលុយគួរធ្វើអំណោយជាទានដល់ជនក្រីក្រមិនគួរមក
បោះចោលលើឆាកល្វោនស្វាស៊ីបាយលាបមាត់ពពែទែ!!!!
Sep 13, 2012 08:37 PM
Concern Citizen
ពី PPPM Hun Sen is really up set with this aid
from the US because he is one of the
criminals.
Sep 13, 2012 04:01 PM
Kone Khmer
ពី California U.S.A.Dragging so long is not an option. All the witnesses and the victim relatives can wait that long to see the justice. Some of them already died. To prolong this trial is the govenment plan. They want all those people die before the trial is over.
Sep 13, 2012 01:43 PM
Sencanal
ពី ParisAttention to the ages of those KR leaders, they will die before the result of judgment. Do the job more quickly. Time is money too.
Sep 13, 2012 12:22 PM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
