លោក វ៉ា គឹមហុង បដិសេធការចោទថារដ្ឋាភិបាលកាត់ដីឲ្យវៀតណាម
h061812ek.mp3
លោក វ៉ា គឹមហុង ប្រធានគណៈកម្មាធិការកិច្ចការព្រំដែនកម្ពុជា បានច្រានចោលពាក្យចោទប្រកាន់ថា រដ្ឋាភិបាលបានកាត់ដីអោយប្រទេសវៀតណាម ដោយលោកពន្យល់ថា ការដោះដូរភូមិនៅតាមបណ្តោយព្រំដែនរវាងប្រទេសកម្ពុជា និងវៀតណាមនោះ ជាការអនុវត្តទៅតាមកិច្ចព្រមព្រៀងព្រំដែន ដែលកម្ពុជា និងវៀតណាមបានចុះហត្ថលេខាជាមួយគ្នា។
លោក វ៉ា គឹមហុង ប្រធានគណៈកម្មាធិការកិច្ចការព្រំដែននៅកម្ពុជាមានប្រសាសន៍ថា កិច្ចចរចាដោះដូរភូមិនៅតាមបណ្តោយព្រំដែនរវាងប្រទេសកម្ពុជា និងវៀតណាម នោះ ជិតចប់ទៅហើយ ហើយនឹងអនុវត្ត គឺភូមិលោក ហេង សំរិន គឺភូមិថ្លុកត្រាច និងភូមិអន្លុងជ្រៃ៩ ក្នុងស្រុកពញាក្រែក ខេត្តកំពង់ចាម មុនគេ។ លោកបន្តទៀតថា នៅពេលជំនាន់បារាំង ក៏គេបានគូសដីតំបន់នោះដាក់ក្នុងផែនទីបារាំង មានមួយខ្នាតលើមួយរយពាន់ របស់ក្រុមប្រឹក្សាភូមិសាស្ត្រឥណ្ឌូចិនទៅហើយ។ លោកថា បានដាក់បញ្ចូលនៅក្នុងដីប្រទេសវៀតណាម រួចរាល់ទៅហើយ គឺគ្រាន់តែពេលនោះ ដោយសារមានសង្គ្រាមនៅប្រទេសវៀតណាម ទើបធ្វើអោយប្រទេសបារាំងមិនមានការរវីរវល់អ្វីទេ ចំពោះការកំណត់ភូមិឲ្យបានជាក់លាក់ និងតាមរកភូមិនៅតាមជាយព្រំដែនសម្រាប់ដោះដូរ។
លោក វ៉ា គឹមហុង បានបន្ថែមទៀតថា ការចរចាឲ្យភូមិទាំងពីរ ដែលជាទីកន្លែងភូមិកំណើតរបស់លោក ហេង សំរិន ទៅឲ្យវៀតណាម និងរកភូមិចំនួនពីរខាងវៀតណាម មកវិញ ដោយគណនាផ្ទៃក្រឡាដីឲ្យស្នើគ្នាមកនោះ។ លោកថា ភាគីកម្ពុជា និងប្រទេសវៀតណាម បានចុះកិច្ចព្រមព្រៀងដោះដូរភូមិមួយចំនួន នៅតាមបណ្តោយព្រំដែនប្រទេសទាំងពីរ គឺដូរគ្នាទៅវិញទៅមក ដែលក្នុងនោះ មានភូមិនៅតាមព្រំដែននៃប្រទេសទាំងពីរ។ ដូច្នេះ ខេត្តខ្លះនៅជាប់ព្រំដែនគោកជាមួយវៀតណាម រួមមានដូចជា រតនគិរី មណ្ឌលគិរី ស្វាយរៀង កំពង់ចាម ព្រៃវែង កណ្ដាល តាកែវ កំពត និងក្រចេះ។
ចំពោះបញ្ហានេះដែរ លោក រ៉ុង ឈុន តំណាងក្រុមប្រឹក្សាឃ្លាំមើលកម្ពុជានាពេលថ្មីៗនេះ បានដាក់លិខិតមួយ ស្វែងរកអន្តរាគមន៍ពីសំណាក់សមាជិកសភាកម្ពុជាទាំង ១២៣រូប នៃនីតិកាលទី៤ នេះ ឲ្យជួយកោះហៅលោក វ៉ា គឹមហុង ប្រធានគណៈកម្មាធិការទទួលបន្ទុកកិច្ចការព្រំដែន នៃរាជរដ្ឋាភិបាលឲ្យចូលមកធ្វើការឆ្លើយបំភ្លឺចំពោះសភា អំពីបញ្ហានៃការចុះកិច្ចព្រមព្រៀងជាមួយប្រទេសវៀតណាម ស្តីពីការដោះដូរភូមិនៃខេត្តតាមបណ្តោយព្រំដែនប្រទេសទាំងពីរនោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
ស្រមោល
ពី បវិត*ខ្ញុំសូមអភ័យទោសទុកជាមុន ។ បញ្ហាព្រំដែននៅកម្ពុជាសព្វថ្ងៃ ហាក់ដូចជាមិនមានភាពច្បាស់លាស់ទាល់តែសោះ តើមកពីមូលហេតុអ្វី? ឬមួយក៏ ប្រមុខរាជរដ្ឋាភិបាល លោកមានមេត្តាធម៌សណ្តោសប្រោសប្រណីដល់ជាតិដ៏ទៃ? ទេខ្ញុំដូចជាមិនយល់សោះហើយនេះ!! ការដោះដូរដី តើការដោះដូរដីហ្នឹង ស្របតាមសាកលភាវូបនីយកម្មបែបថ្មីអី? ល្មមៗៗបានហើយអស់លោក !! ខ្ញុំដេក ដើរ ឈរ អង្គុយ គ្រប់សព្វបែបយ៉ាង សូម្បីពេលចូលបន្ទប់ទឹក ក៏នៅតែឆ្ងល់មិនទាន់បាត់សោះ!!សូមចូលរួមរីរាយជាមួយប្រមុខរដ្ឋាភិបាលទាំងអស់នោះផងណាលោក ណាស៍!! សោកស្តាយណាស់លោក!!!!
Jun 26, 2012 11:09 AM
អ្នកអានអនាមិក
Is Samdach Heng Samrin Vietnamese if he is born in Vietnam territory? Exchange of country land??????
Government, what are you doing about?
Jun 23, 2012 10:44 AM
អ្នកអានអនាមិក
ពី KAMPOTMr.Vakim Hong he is khmer but his brain is youn (Vietnamese) and have other leader are youn also along back khmer losing land total bigger than khmer now
duration year 1984 -87 is land koh trorl ak and koh Trol is belong to cambodia but now that koh belong to youn (vietname) why?
Jun 22, 2012 10:46 PM
ty
សួរដូចឆោត! ចុះបើខ្មែរដូរឲ្យវៀតណាម វៀតណាមដូរឲ្យខ្មែរ ទុកវាដដែរទៅ ដូរធ្វើអី ទំនេរពេកឬយ៉ាងណា? ប្រហែលជាដីទាំងនោះមានអ្វីពិសេសឬយ៉ាងម៉េច?
Jun 21, 2012 11:11 PM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
