នៅពេលនេះប្រជាជនទាំងនោះបានទទួលជំនួយពីអាជ្ញាធរ និងកាកបាទក្រហមកម្ពុជាខ្លះៗរួចហើយ ដែលមានដូចជាអង្ករ ត្រីខ និងមី ជាដើម។
អាជ្ញាធរមូលដ្ឋានបានឲ្យដឹងថា ភ្លើងឆេះផ្ទះនោះមិនបណ្តាលឲ្យមានមនុស្សស្លាប់ទេ។
ចៅសង្កាត់បឹងកក់២ លោក វ៉ាន់ សារ៉េត មានប្រសាសន៍ថា នៅក្នុងហេតុការណ៍ភ្លើងឆេះនេះបានបណ្តាលឲ្យខូចខាតផ្ទះមួយចំនួន កុដិព្រះសង្ឃ និងតូបសិស្សសាលានៅវត្ត។
លោក វ៉ាន់ សារ៉េត បានបញ្ជាក់ថា ៖ «ការរងគ្រោះនេះគឺមាន ២៥៧គ្រួសារ ហើយខូចខាត ១៧៨ខ្នងផ្ទះ អាហ្នឹងចំពោះប្រជាពលរដ្ឋ។ ដោយឡែកព្រះសង្ឃគឺខូចខាតកុដិ ១០ កុដិឈើ ៤ កុដិថ្ម ៦ ហើយតូបនិស្សិតហ្នឹងគឺមាន ២១តូប ហើយព្រះសង្ឃដែលរងគ្រោះគឺមាន ៩០អង្គ ហើយនិស្សិត ១៨១នាក់»៕