អ្នកភូមិទប់ស្កាត់ការកាប់រានព្រៃយកដីជាកម្មសិទ្ធិនៅស្រុកបរកែវ
ដោយ រដ្ឋា វីសាល
2009-12-23
នៅឯស្រុកបរកែវ មានសេចក្តីរាយការណ៍ថា អ្នកភូមិជនជាតិដើមទាំងប្រុសទាំងស្រីនៅភូមិចំនួន២ មានគ្នាសរុប៩៤នាក់ បាននាំគ្នាទប់ស្កាត់ក្រុមកម្មករប្រមាណ៣០នាក់ដែលគេជួលឲ្យកាប់រានព្រៃឈើការពារដើម្បីទន្ទ្រានយកដីបន្ទាប់ពីក្រុមអាជ្ញាធរមូលដ្ឋាននិងមន្ត្រីជំនាញនៅទីនោះមិនយកចិត្តទុកដាក់បង្ក្រាប។
២៨ ធ្នូ ២០០៨: ព្រៃឈើដែលត្រូវគេអាររំលំនៅក្នុងឃុំកិចុង ស្រុកបរកែវ ខេត្តរតនគិរី។
ការព្រងើយកន្តើយពីក្រុមអាជ្ញាធរនោះ បានធ្វើឲ្យព្រៃឈើនៅតំបន់នោះជាច្រើនហិកតាត្រូវកាប់រានដើម្បីយកដីធ្វើជាកម្មសិទ្ធិបុគ្គលឯកជន។
ក្រុមអ្នកភូមិជនជាតិដើម ឃុំកិចុង ស្រុកបរកែវ ខេត្តរតនគិរី បានឲ្យដឹងថា ពួកគេបានរឹបអូសម៉ាស៊ីនកាត់ឈើស្វ័យប្រវត្តតូចៗ៩គ្រឿងពីក្រុមកម្មករប្រមាណ៣០នាក់កាលពីព្រឹកថ្ងៃពុធ ទី២៣ ខែធ្នូ ឆ្នាំ២០០៩ ដែលពួកអ្នកកាប់ឈើទាំងនោះកំពុងតែអាររំលំដើមឈើនៅតំបន់ព្រៃក្រងសុទេសដែលអ្នកភូមិអភិរក្ស។
ពុំមានការប៉ះទង្គិចគ្នាក្នុងការបង្ក្រាបពីអ្នកភូមិដែលមានកាំបិតពូថៅក្នុងដៃដើម្បីបណ្តេញកម្មករសង្គ្រោះព្រៃឈើនោះទេ ដោយអ្នកភូមិអះអាងថា ក្រុមកម្មករបាននាំគ្នារត់គេចចេញពីហេតុការណ៍ចូលទៅក្នុងព្រៃ។
អ្នកភូមិឲ្យដឹងថា មន្ត្រីមូលដ្ឋានពុំបានចូលរួមទប់ស្កាត់ការកាប់បំផ្លាញព្រៃឈើនោះទេ។
អនុរដ្ឋលេខាធិការក្រសួងកសិកម្ម លោក ចាន់ សាវុធ មានប្រសាសន៍ថា លោកនឹងចាត់មន្ត្រីជំនាញព្រៃឈើឲ្យទៅពិនិត្យហេតុការណ៍នេះ។
សូមស្ដាប់សេចក្ដីរាយការណ៍លម្អិតទាក់ទងនឹងបញ្ហាខាងលើនេះ ៖ ស្ដាប់សំឡេង
អត្ថបទដែលទាក់ទង
សមាជិកក្រុមប្រឹក្សាស្រុកនៅមណ្ឌលគិរីរងការចោទថាបាញ់គំរាមពលរដ្ឋ
ខ្ទមរបស់ទាហានដែលសង់ក្នុងព្រៃការពារនៅឧត្ដរមានជ័យនឹងត្រូវឲ្យរុះរើចេញ
មន្រ្តីយោធាខ្មែរចាប់ផ្ដើមបង្ក្រាបអាជីវកម្មឈើខុសច្បាប់នៅព្រំដែន
មន្រ្តីព្រៃឈើនៅរតនគិរីរងការចោទថាមិនបានបំពេញតួនាទីត្រឹមត្រូវ
អ្នកកាប់ឈើខុសច្បាប់គំរាមសម្លាប់អ្នកភូមិនៅរតនគិរី
ព្រៃស្រោងជាង១០ហិកតានៅមណ្ឌលគិរីរងការកាប់រានធ្វើជាកម្មសិទ្ធិឯកជន
ព្រៃឈើឧទ្យានជាតិនៅឧត្ដរមានជ័យរងការកាប់ធ្វើអាជីវកម្មធ្ងន់ធ្ងរ
ប្រជាសហគមន៍រងការគំរាមពីម្ចាស់ឈើប្រណីតខុសច្បាប់នៅរតនគិរី
ឈើប្រណីតដែលអ្នកភូមិប្រទះឃើញនៅក្នុងព្រៃត្រូវបានជម្លៀសចេញ
មតិ
បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួលនិងអាចចុះផ្សាយបានយោងតាមលក្ខខណ្ឌនៃការប្រើប្រាស់របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរីមិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។
Yes,we are people in the village. Our duty must protect the forest that belong to our town. We must take care our own problems. No body help you but yourself. Go our native people!! We must fight back this crook people.
2009-12-23 22:14
មើលមតិទាំងអស់.