អាជ្ញាធរវៀតណាមហាមឃាត់ខ្មែរក្រោមមិនឲ្យធ្វើស្រែលើដីដូនតា
ដោយ សុខ សេរី
2009-11-17
ពលរដ្ឋខែ្មរក្រោមនៅស្រុកទិនបៀង ខេត្តអានយ៉ាង នៃប្រទេសវៀតណាម បានឲ្យដឹងថា មានក្រុមនគរបាលវៀតណាមនិងក្រុមជើងកាងជាច្រើននាក់ បានមកហាមឃាត់ពួកគាត់មិនឲ្យធ្វើស្រែនៅលើដីដូនតា កាលពីថ្ងៃ១៦ វិច្ឆិកា។
ព្រះសង្ឃពុទ្ធសាសនាខ្មែរកម្ពុជាក្រោមច្រូតស្រូវនៅក្នុងទឹកដីកម្ពុជាក្រោម (ក្នុងប្រទេសវៀតណាម)
ក្រុមគ្រួសារខែ្មរកម្ពុជាក្រោមនៅក្នុងឃុំអាងគឺ ស្រុកទិនបៀង ខេត្តអានយ៉ាង ឬខេត្តមាត់ជ្រូក នៃប្រទេសវៀតណាម បានអះអាងថា ក្រុមនគរបាលវៀតណាមជាង៣០នាក់និងក្រុមជើងកាងជាច្រើននាក់ទៀត បានមកហាមឃាត់និងគំរាមពួកគាត់មិនឲ្យធ្វើស្រែនៅលើដីស្រែដូនតារបស់ពួកគាត់ទេ នៅគ្រាដែលគ្រួសារទាំងនោះបានចុះទៅសាបព្រោះស្រូវនៅថៃ្ង១៦ វិច្ឆិកា។
គ្រួសារខែ្មរកម្ពុជាក្រោមម្នាក់នៅក្នុងភូមិពោធី ឃុំអាងគឺ ស្រុកទិនបៀង ខេត្តអានយ៉ាង ប្រទេសវៀតណាម ទឹកដីខែ្មរកម្ពុជាក្រោមនោះ បានថែ្លងប្រាប់វិទ្យុអាស៊ីសេរីតាមទូរស័ព្ទមកថា កសិករចំនួន១០គ្រួសារបានចុះមកសាបព្រោះស្រូវ ប៉ុន្តែរងការរារាំង ៖ «ខ្ញុំមកតាំងពីម៉ោង៦ ពួកនគរបាលគេចុះមកប្រហែលជា៣០នាក់ ប៉ុន្តែគេមិនធ្វើអីទេ គ្រាន់តែមកមើល គាត់ទើបចេញទៅម៉ោង១២។ ឥឡូវហ្នឹងស្រាប់តែជើងកាងមក៧-៨នាក់មករករឿង កាន់ដំបងកាន់អីមក ពួកខ្ញុំក៏ប្រុងដែរ បើអ្នកឯងវ៉ៃខ្ញុំ ខ្ញុំត្រូវវ៉ៃវិញ ប្ដូរស្លាប់រស់នៅក្នុងស្រែហើយ»។
គ្រួសារខែ្មរកម្ពុជាក្រោមម្នាក់ទៀតដែលរងការរារាំងមិនឲ្យសាបព្រោះស្រូវនៅលើដីស្រែពីដូនតានោះ បានថែ្លងថា ៖ «វាមកវ៉ៃកនខ្ញុំ វ៉ៃឈ្មោះ អៀវ វ៉ៃគាត់ម្នាក់ ឥឡូវគេកំពុងតែមក...។ សំណូមពរឲ្យជួយខ្ញុំផង ឲ្យបានដីធ្វើស្រែដូចគេវៀតណាមទៅ ពួកខ្ញុំពិបាកវេទនាណាស់។ អត់យកទេ ដីខ្ញុំសន្ធឹកហើយឲ្យផ្ទះខ្ញុំមួយខ្នងខ្ញុំមិនព្រមទេ»។
មិនអាចទាក់ទងលោក ទ្រីញ បាកឹម ជាមន្រ្តីអ្នកនាំពាក្យនៃស្ថានទូតវៀតណាមនៅក្នុងប្រទេសកម្ពុជាបានទេ ដើម្បីសុំការបញ្ជាក់រឿងនេះ ដោយមានអ្នកឆ្លើយទូរស័ព្ទថា លោកកំពុងតែជាប់រវល់។
គ្រួសារខែ្មរកម្ពុជាក្រោមទាំងនោះបានឲ្យដឹងថា ពួកគាត់មិនព្រមទទួលយកនូវដំណោះស្រាយដែលអាជ្ញាធរវៀតណាមសាងសង់ផ្ទះទទឹង៤ម៉ែត្រនិងបណ្តោយ៨ម៉ែត្រជាថ្នូរនោះទេ គឺពួកគាត់ចង់បានដីស្រែដែលរឹបអូសនោះមកវិញ។
លោក ថាច់ សេដ្ឋា ប្រធានសហគមន៍ខែ្មរកម្ពុជាក្រោមនៅក្នុងប្រទេសកម្ពុជា បានមានប្រសាសន៍ថា ៖ «សូមអំពាវនាវឲ្យរដ្ឋាភិបាលចាត់វិធានការសងដីរបស់ប្រជារាស្រ្ដមកវិញ កុំឲ្យមានអំពើហិង្សាកើតឡើង គឺសូមឲ្យមានការអន្តរាគមន៍ជូនប្រជាពលរដ្ឋខ្មែរកម្ពុជាក្រោមផង»។
គ្រួសារខែ្មរកម្ពុជាក្រោមចំនួនប្រមាណ៣០០គ្រួសារ នៅក្នុងឃុំអាងគឺ ស្រុកទិនបៀង ខេត្តអានយ៉ាង ប្រទេសវៀតណាម ទឹកដីខែ្មរកម្ពុជាក្រោមនោះ បានបាត់បង់ដីស្រែដោយការរឹបអូសយកតាំងពីឆ្នាំ១៩៧៩មក នៅគ្រាដែលពួកគាត់បានរត់គេចពីការវាយប្រយុទ្ធគ្នារវាងកងទ័ពខ្មែរក្រហម និងកងទ័ពវៀតណាមនៅពេលនោះ៕
អត្ថបទដែលទាក់ទង
អាជ្ញាធរខេត្តកំពង់ស្ពឺរកដំណោះស្រាយជុំវិញជម្លោះដីនៅស្រុកថ្ពង
ផ្ទះយោធិនពិការនៅកំពង់ស្ពឺ៣ខ្នងត្រូវដុតបំផ្លាញ
អ្នកភូមិនិងប៉ូលិសប៉ះទង្គិចគ្នាក្នុងរឿងជម្លោះដីនៅកំពង់ស្ពឺ
អ្នកភូមិដុតខ្ទមរបស់ក្រុមហ៊ុនលីយ៉ុងផាត់ក្នុងជម្លោះដីនៅកំពង់ស្ពឺ
អ្នកភូមិនៅកំពង់ស្ពឺតវ៉ាទាមទារឲ្យក្រុមហ៊ុនបញ្ឈប់ការឈូសឆាយដី
មេភូមិនៅកំពង់ឆ្នាំងរងការចោទថាយកដីរួមធ្វើជាសម្បត្តិឯកជន
ពលរដ្ឋបាត់បង់ដីធ្លីបួងសួងសុំឲ្យបារមីព្រះអង្គដងកើជួយ
អាជ្ញាធរខែត្រកំពង់ធំតាមចាប់អ្នកភូមិដែលចូលរួមក្នុងការសុំដី
ប្រធានសភាចេញលិខិតអន្តរាគមន៍ក្នុងរឿងទំនាស់ដីនៅបន្ទាយមានជ័យ
អ្នកភូមិ៨៨គ្រួសារតវ៉ាប្រឆាំងនឹងផែនការឈូសឆាយដីរបស់ក្រុមហ៊ុន
មតិ
បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួលនិងអាចចុះផ្សាយបានយោងតាមលក្ខខណ្ឌនៃការប្រើប្រាស់របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរីមិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។
The Hun Sen Government has done a lot for the Vitenamese in Cambodia. What did Hun Sen do for the Khmers in Vietnam.
2009-11-21 03:52
In Kampucheakrom Vet don't want Khmers work on their own land. How about in Eastern border; Viet don't want Khmers work on their own land either. Mr. Khmer Government, how do you explain these situation? Does Viet love Khmer? Properly you say yes; because you allow Viet to control you.
2009-11-17 16:26
Could you please report the names of Khmer Krom province in Khmer name or original khmer name so that I can recognize where it is. Thank you.
2009-11-17 14:42
ហេតុអ្វីក៏ធ្វើយ៉ាងនេះ? គ្រាន់តែជាដីកេរ៍្តដូនតារបស់ខ្មែរសោះ។
2009-11-17 11:41
Wake up and do sth against this.
2009-11-17 10:44
មើលមតិទាំងអស់.