រដ្ឋាភិបាលវៀតណាមថ្កោលទោស សម រង្ស៊ី ជុំវិញការដកបង្គោលព្រំដែន
ដោយ ម៉ៅ សុធានី
2009-11-01
រដ្ឋាភិបាលវៀតណាមបានថ្កោលទោស លោក សម រង្ស៊ី ប្រធានគណបក្សសមរង្ស៊ី ជុំវិញការដកបង្គោលឈើនៅតាមព្រំដែនកាលពីថ្ងៃអាទិត្យសប្តាហ៍មុន។
ប្រធានគណបក្សសមរង្ស៊ី លោក សម រង្ស៊ី។
ប្រភពព័ត៌មាន អាអេហ្វប៉េ (AFP) ផ្សាយកាលពីថ្ងៃ៣១ ខែតុលានេះ បានឲ្យដឹងថា ក្រសួងការបរទេសវៀតណាម កាលពីយប់ថ្ងៃសុក្រ ទី៣០ តុលាកន្លងមកនេះ បានចេញសេចក្តីថ្លែងការណ៍មួយចុះផ្សាយក្នុងទំព័រវ៉ឹបសាយថ៍របស់ខ្លួនដោយបានថ្កោលទោសទង្វើរបស់លោក សម រង្ស៊ី ថាជាទង្វើមិនត្រឹមត្រូវ ធ្វើតាមតែទំនើងចិត្ត រំលោភច្បាប់របស់កម្ពុជានិងវៀតណាម ជាទង្វើរំលោភលើសន្ធិសញ្ញា ព្រមទាំងកិច្ចព្រមព្រៀងនានា ដែលកម្ពុជានិងវៀតណាមបានព្រមព្រៀងចុះហត្ថលេខាជាមួយគ្នាពីមុនមក។
សេចក្តីថ្លែងការណ៍ដដែលនោះក៏បានរិះគន់ លោក សម រង្ស៊ី ថាបានមួលបង្កាច់បង្ខូចប្រទេសវៀតណាម ដោយបានចោទថាបានបោះបង្គោលរំលោភចូលទៅក្នុងទឹកដីនៃប្រទេសកម្ពុជា។
សូមជម្រាបជូនថា កាលពីថ្ងៃអាទិត្យ ទី២៥ តុលាកន្លងមកនេះ គណបក្សសមរង្ស៊ីបានដង្ហែកឋិនទានចូលទៅវត្តមួយនៅក្នុងឃុំសំរោង ស្រុកចន្ទ្រា ខេត្តស្វាយរៀង ហើយដែលនៅក្នុងពិធីបុណ្យកឋិនទាននោះមានវត្តមាន លោក សម រង្ស៊ី និងសមាជិកតំណាងរាស្ត្រនៃគណបក្សសមរង្ស៊ីប្រមាណជា១០នាក់ផ្សេងទៀត ព្រមទាំងប្រជាពលរដ្ឋប្រមាណជាង១០០នាក់នៅទីនោះក៏បានអញ្ជើញទៅចូលរួមដង្ហែផងដែរ។
វិទ្យុអាស៊ីសេរីមិនអាចសុំប្រតិកម្មពីលោក សម រង្ស៊ី ជុំវិញការចោទប្រកាន់របស់រដ្ឋាភិបាលវៀតណាមខាងលើនេះបានទេ ដោយសារតែលោកត្រូវអញ្ជើញទៅចូលរួមក្នុងសន្និសីទរបស់អង្គការអន្តរជាតិនៃគណបក្សសេរីនិយមនៅក្នុងប្រទេសអេហ្ស៊ីប។
វិទ្យុអាស៊ីសេរីក៏បានទាក់ទងលោកតំណាងរាស្ត្រ យន់ ថារ៉ូ ដើម្បីសុំសេចក្តីឆ្លើយបំភ្លឺអំពីស្ថានភាពនាពេលនោះ ពីព្រោះលោកក៏បានអញ្ជើញទៅចូលរួមក្នុងពិធីបុណ្យកឋិនទាននោះដែរ។
លោក យន់ ថារ៉ូ បានបញ្ជាក់ថា ៖ «ប្រជាពលរដ្ឋគាត់បានត្អូញត្អែរមកតំណាងរាស្ត្រ ក្នុងហ្នឹងក៏មានរូបខ្ញុំនៅទីនោះដែរ គឺការបោះបង្គោលនៅតាមព្រំដែន គឺវៀតណាមបានបោះបង្គោលមកលើដីរបស់ពួកគាត់ ដែលពីដើមព្រំដែនខ្មែរនៅខាងណោះឆ្ងាយពីដីគាត់ តែឥឡូវនេះរហូតមកយកដីគាត់ មានអ្នកខ្លះអស់១ហិកតារកន្លះ អ្នកខ្លះ២ហិកតារជាង គាត់ត្អូញត្អែរអ៊ីចឹង។ អ៊ីចឹងនៅពេលនោះ ក្រោយពីលោកប្រធាន សម រង្ស៊ី បានដង្ហែអង្គកឋិនចូលដល់វត្តហើយ ហើយវេរកឋិនប្រគេនដល់ព្រះសង្ឃហើយចប់សព្វគ្រប់ ក៏ប្រជាពលរដ្ឋមានប្រមាណ១០០នាក់ដែលធ្វើដំណើរទៅជាមួយលោក សម រង្ស៊ី ក្នុងនោះក៏មានសមត្ថកិច្ចប៉ូលិសខ្មែរដែលនៅការពារព្រំដែនក៏ទៅជាមួយ ការពារវត្តអារាម។ ខ្ញុំមិនដឹងច្បាស់ថា ប៉ូលិសដែលគេទៅក្នុងអង្គកឋិនជាប៉ូលិសព្រំដែនឬក៏សន្តិសុខសណ្ដាប់ធ្នាប់អីនៅមូលដ្ឋាន ខ្ញុំអត់ដឹងដែរ មានប៉ូលិសទៅជាង៧-៨នាក់ដែរ ហើយទៅហ្នឹងយើងឃើញស្រែគាត់បណ្ដោយ២០០ម៉ែត្រ... ហើយក្បាលម្ខាងហ្នឹងព្រំដែនវៀតណាមដែលគាត់និយាយប្រាប់យើងពីលើកមុនហ្នឹង តែឥឡូវហ្នឹងបែរជាមកយកក្បាលខាងណោះរបស់គាត់ហ្នឹង អស់ស្រែគាត់២ហិកតារ អាហ្នឹងខ្ញុំឃើញជាក់ស្ដែង ហើយក្នុងទិដ្ឋភាពហ្នឹងទៀត មានបង្គោលព្រំដែនបោះជាបង្គោលមួយនៅកណ្ដាលដីប្រហែលជា១ម៉ែត្របួនជ្រុង ហើយកណ្ដាលហ្នឹងមានចាក់ជាបេតុង ប៉ុន្តែបេតុងចាក់ទៅនឹងដី... រីឯជុំវិញបេតុងហ្នឹងមានបង្គោលឈើ៦ ហើយលោកប្រធាន សម រង្ស៊ី លោកមានប្រសាសន៍ថា នឹងដកបង្គោលព្រំដែននេះ គំនិតរបស់លោក ហើយលោកនឹងទទួលខុសត្រូវ ប៉ុន្តែលោកមិនទាន់បានដកទេ ប៉ុន្តែគ្រាន់តែលោកមានប្រសាសន៍ ប្រជាពលរដ្ឋដែលទៅចូលរួមគឺចាប់ផ្ដើមដកបង្គោលទាំងអស់ហ្នឹង គឺបង្គោលឈើ៦ដើម»។
ម៉ៅ សុធានី ៖ បញ្ហាដែលនាងខ្ញុំចង់ជម្រាបសួរឯកឧត្ដមហ្នឹងទាក់ទងពីរឿងសេចក្ដីថ្លែងការណ៍របស់ក្រសួងការបរទេសវៀតណាមហ្នឹង គេបានផ្សាយកាលពីយប់ថ្ងៃសុក្រ គេបានថ្កោលទោសចំពោះលោកប្រធាន សម រង្ស៊ី ថាធ្វើឲ្យមានបញ្ហារំខានដល់ទំនាក់ទំនងរវាងរដ្ឋាភិបាលវៀតណាមនិងរដ្ឋាភិបាលខ្មែរអីអ៊ីចឹង។ ថាតើចំណុចហ្នឹងឯកឧត្ដមយល់ឃើញយ៉ាងម៉េច?
យន់ ថារ៉ូ ៖ ចំពោះខ្ញុំ ខ្ញុំទៅមើលឃើញថា អ្វីដែលជាការលើកឡើងរបស់រដ្ឋាភិបាលវៀតណាម វាទៅលើការជាក់ស្ដែង ឥឡូវយើងចង់ឲ្យមានការជាក់ស្ដែង យើងចុះទៅពិនិត្យទាំងអស់គ្នាទៅគណៈកម្មការព្រំដែន ហើយនិងប្រជាពលរដ្ឋ តែបើខ្ញុំទៅអត់ឃើញកន្លែងនោះ ខ្ញុំអត់បានដឹងថា ព្រំដែនពីដើមនៅត្រង់ណាទេ ហើយបច្ចុប្បន្ននៅត្រឹមណា ខ្ញុំអត់ដឹងដែរ ប៉ុន្តែប្រជាពលរដ្ឋជាសាក្សី ប្រជាពលរដ្ឋដែលគាត់បានចង្អុលប្រាប់យើងថា ស្រែដែលគាត់ធ្វើរាល់ថ្ងៃហ្នឹង... ២០០ម៉ែត្រ ហើយឥឡូវហ្នឹងមកខាងណេះយករបស់គេអស់ហើយ២-៣ម៉ែត្រ ទទឹង១០០ម៉ែត្រ វាស្មើនឹង២ហិកតាររបស់គាត់។ ចំណុចទាំងអស់នេះបានខ្ញុំឃើញថា វាមានការសម្គាល់ព្រំដែនយកមកដីខ្មែរពិតប្រាកដ អាហ្នឹងខ្ញុំបានឃើញ។
ម៉ៅ សុធានី ៖ នៅពេលដែលឯកឧត្ដមហើយនិងលោក សម រង្ស៊ី បានអញ្ជើញទៅកន្លែងព្រំដែនហ្នឹង ហើយមានប្រជាពលរដ្ឋជាង១០០នាក់បានទៅរួមជាមួយហ្នឹង ថាតើមានបានសួរបញ្ជាក់ពីអាជ្ញាធរមូលដ្ឋានដូចឃុំ ស្រុកហ្នឹង ថាគេទទួលស្គាល់ថា វៀតណាមហ្នឹងបោះបង្គោលចូលមកក្នុងទឹកដីខ្មែរហ្នឹងពិតប្រាកដឬយ៉ាងម៉េច?
យន់ ថារ៉ូ ៖ ខ្ញុំអត់បានសួរទៅអាជ្ញាធរមូលដ្ឋានទេ ប៉ុន្តែដោយសារថា យើងមិនមែនជាអ្នកទៅគិតគូររឿងព្រំដែន ឱកាសពេលហ្នឹងគឺយើងទៅបុណ្យកឋិនណា៎។ ប្រជាពលរដ្ឋលោកត្អូញត្អែរយំស្រែករឿងបញ្ហាបាត់ដីស្រែរបស់លោកហ្នឹង បានលោកប្រធាន សម រង្ស៊ី លោកអញ្ជើញទៅចូលរួមដូចខ្ញុំបានជម្រាបខាងដើមថា ដើម្បីមើលភាពជាក់ស្ដែង ពិតប្រាកដ ប្រជារាស្ត្រដែលគាត់រងគ្រោះហ្នឹងណា៎ ហើយភូមិចាស់ៗគេដទៃទៀតហ្នឹងគឺនៅឆ្ងាយៗពីព្រំដែន ម៉្លោះហើយយើងក៏ពិបាកនៅក្នុងការសួរសមត្ថកិច្ចណាមួយ ហើយបង្គោលហ្នឹងទៀតជាបង្គោលឈើទេ រីឯបង្គោលជានិមិត្តរូប យើងឃើញថាដងហ្នឹងជានិមិត្តរូប ឃើញថាខ្មែរហ្នឹងមានការមិនសប្បាយចិត្តចំពោះបញ្ហាដែលបោះបង្គោលព្រំដែនមកយកដីខ្មែរតែប៉ុណ្ណឹង។ ដោយឡែកបង្គោលឡាក់ដែលគេបានបុកគ្រឹះទៅនឹងដី វានៅជាប់ដដែលហ្នឹង អត់មានបាត់ទៅណាទេ។
សូមរំឭកជូនថា កម្ពុជានិងវៀតណាមបានចាប់ផ្តើមបោះបង្គោលព្រំដែនជាផ្លូវការដែលមានបណ្តោយប្រវែង១.២៧០គីឡូម៉ែត្រ កាលពីខែកញ្ញា ឆ្នាំ២០០៦មកនេះ ដើម្បីបញ្ចប់ជម្លោះព្រំដែនរាប់សិបឆ្នាំនៃប្រទេសទាំងពីរ៕
ឧបករណ៍រឿង
|
អ៊ីម៉េល |
|
ព្រឹត្តិបត្រព័ត៌មាន |
|
បោះពុម្ព |
|
ចែករំលែករឿងនេះ |
អត្ថបទដែលទាក់ទង
- មេបញ្ជាការខ្មែរ-ថៃគ្រោងជួបប្រជុំគ្នាដើម្បីបន្ធូរបន្ថយភាពតានតឹង
- ស្ថានភាពនៅតំបន់ប្រាសាទព្រះវិហារ ថ្ងៃ៧ វិច្ឆិកា
- ស្ថានភាពនៅតំបន់ព្រំដែនខ្មែរ-ថៃ ថ្ងៃ៣១ តុលា
- មន្រ្តីខ្មែរប្រតិកម្មតបនឹងព័ត៌មានថាថៃនឹងប្រើច្បាប់អន្តរជាតិក្នុងករណីថាក់ស៊ីន
- ស្ថានទូតខ្មែរនៅបាងកកទទួលបានការធានាសុវត្ថិភាពពីរដ្ឋាភិបាលថៃ
- រដ្ឋាភិបាល៖ ការទាមទារឲ្យកម្ពុជាដកទ័ពចេញពីតំបន់ប្រាសាទព្រះវិហារគឺខុសច្បាប់
- ក្រសួងការបរទេសប្រកាសឲ្យទូតខ្មែរនៅថៃគិតពីបញ្ហាសុវត្ថិភាព
មតិ
អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។
This is the international conflict and it can be solved only through international law and international community.Sam Reing Sy alone may do harm more than help.I do support you but you must promise me to fight wisely like Samdech Oev fight for independent(actually,not him but Mr.Seung Ngock Thanh,Mr.Chhean Vom ,Mr. Sonn San,etc..Troung Kang etc..and etc..but Samdech Eov took all credits)from French gvt.
2009-11-06 22:51
Great done for interesting of khmer pepole. VN Govt. condenmed Sam Rainsy over border post pulled out, and when khmer people were killed by VN, there is no any condenm occurring.
2009-11-06 22:12
Brother S.raingsy, next time learn from me, i know what to do with Vietnam now, first you and your team don't have to go to the vietnam border, tried to find them in Cambodia highest rank or in royal palace in Cambodia. i know they hidded somewhere in those Cambodia Government. if you find them with a clear evidents then bring them to the internatioal court let judge sentence them. this is the way we called (phka reak technic from vietnam)
2009-11-05 19:19
We are Khmers living in Khmer land; so we must defend our land, in the same way we defend our own land/house property. This task and responsibility is for every Cambodian people. <br>Thanks
2009-11-03 00:14
Sam Rangsey can do that. Hun Senn can't do it because Hun Senn is very very afraid of Vietnam. Who is afraid of Vietnam? The answer is Hun Senn.
2009-11-02 22:55
មើលមតិទាំងអស់.