ម្ដាយទាមទារឱ្យក្រុមហ៊ុនរកដំណឹងកូនស្រី ដែលទៅធ្វើការនៅប្រទេសម៉ាឡេស៊ី
H081812US
ការបាត់ដំណឹងកូនទៅធ្វើការនៅបរទេសនេះ ដោយសារក្រុមហ៊ុនដែលជ្រើសរើសពលករ មិនសូវខ្នះខ្នែងជួយស៊ើបដំណឹងឲ្យគ្រួសារ នៅពេលគ្រួសារទាក់ទងរកព័ត៌មានកូនរបស់ខ្លួន ទាល់តែគ្រួសារពលករទាក់ទងអង្គការសិទ្ធិមនុស្ស ទើបក្រុមហ៊ុនមានការប្រឹងប្រែងរកឲ្យ។
ម្ដាយពលការិនីមួយរូប ឈ្មោះ ជ័រ ស៊ើន អាយុ ៤៤ឆ្នាំ នៅថ្ងៃទី ១៧ ខែសីហា បានមកសុំឲ្យអង្គការការពារសិទ្ធិមនុស្សឈ្មោះ អាដហុក នៅខេត្តព្រះវិហារ ជួយស៊ើបរកដំណឹងកូនស្រីរបស់គាត់ ដែលបានចេញទៅធ្វើការតាមផ្ទះ នៅប្រទេសម៉ាឡេស៊ី ដើម្បីបានដឹងសុខទុក្ខផង ពីព្រោះគាត់មិនដែលបានទទួលដំណឹងពីកូនស្រីគាត់ ២ ឆ្នាំមកហើយ។
អ្នកស្រី ជ័រ ស៊ើន រស់នៅភូមិតាសែងជើង ឃុំរណសិរ្ស ស្រុកសង្គមថ្មី ខេត្តព្រះវិហារ បានរៀបរាប់ឲ្យដឹងថា កូនស្រីរបស់គាត់ឈ្មោះ ជា នៅ អាយុ ១៩ឆ្នាំ បានស្ម័គ្រចិត្តទៅធ្វើការតាមផ្ទះ នៅប្រទេសម៉ាឡេស៊ី តាមរយៈក្រុមហ៊ុនជ្រើសរើសពលករមួយឈ្មោះ យូមែន ផាវវើ (Human Power)។ ប៉ុន្តែ អស់រយៈពេល ២ ឆ្នាំ មកហើយ អ្នកស្រីមិនដែលបានទទួលដំណឹងអំពីសុខទុក្ខកូនស្រីគាត់ឡើយ។
អ្នកស្រី ជ័រ ស៊ើន៖ «ខ្ញុំអង្គុយបារម្ភព្រោះមិនដឹង។ ក្រែងស្លាប់ក្រែងអី មិនដឹងអីផង។ បើខ្ញុំនៅឆ្ងាយ ខ្ញុំមិនដឹងអីណា។ ខ្ញុំថា បើរស់ក៏ឲ្យដឹង បើស្លាប់ក៏ឲ្យដឹងផង។ តាំងពីទៅ ២ ឆ្នាំ មកហើយ។ មិនដែលដឹងអីសោះ។ សួរអ្នកទៅជាមួយមួយសាគ្នាវានោះ គេថា អត់ដឹងទេ ពីព្រោះអត់នៅជាមួយគ្នាផង»។
អ្នកស្រី ជ័រ ស៊ើន បានឲ្យដឹងទៀតថា ដោយសារព្រួយបារម្ភពីសុខទុក្ខកូនស្រីនោះ អ្នកស្រីបានទៅទាក់ទងសួរដំណឹងកូនស្រី ពីក្រុមហ៊ុនដែរ កាលពីខែមិថុនា ឆ្នាំ ២០១២។ ប៉ុន្តែ មិនបានទទួលដំណឹងកូនស្រីពីក្រុមហ៊ុននោះឡើយ រហូតមកទល់បច្ចុប្បន្ននេះ។
អ្នកស្រី ជ័រ ស៊ើន៖ «ខ្ញុំទៅ (ក្រុមហ៊ុន) គេឲ្យធ្វើសំបុត្រ។ ឲ្យផ្ដិតមេដៃ ដាក់ឈ្មោះ ម៉ែ ឳ ឈ្មោះភូមិ ឃុំ ស្រុក ខេត្ត។ ផ្តិតមេដៃគេថា ផ្ញើលិខិតនោះឲ្យកូននៅប្រទេសក្រៅ។ ធ្វើលិខិតនោះហើយ ខ្ញុំសួរគេថា ប៉ុន្មានថ្ងៃ បានខ្ញុំទទួលដំណឹងពីកូន? គេថា ២ អាទិត្យទៀតបានដឹងហើយ។ តែនៅតែមិនដឹង។ ដល់តេសួរទៅទៀត គេថា ១ អាទិត្យទៀត។ តែនៅតែមិនដឹង។ ដល់ក្រោយមកថា ២ អាទិត្យទៀត។ ខ្ញុំចេះតែចាំៗ»។
វិទ្យុអាស៊ីសេរី មិនអាចទាក់ទងតំណាងក្រុមហ៊ុន យូមែន ផាវវើ ដើម្បីសាកសួរអំពីការដោះស្រាយចំពោះបំណងរបស់ក្រុមគ្រួសារ សុំឲ្យជួយរកដំណឹងកូនស្រីរបស់ខ្លួន ដែលចេញទៅធ្វើការនៅប្រទេសម៉ាឡេស៊ីនោះបានឡើយ។ ប៉ុន្តែ ប្រភពអង្គការ អាដហុក បានឲ្យដឹងថា ក្រុមហ៊ុនបានសន្យាថា នឹងខិតខំដោះស្រាយបញ្ហានេះ។
លោក ឡោ ចាន់ តំណាងអង្គការការពារសិទ្ធិមនុស្ស អាដហុក នៅខេត្តព្រះវិហារ មានប្រសាសន៍ថា ក្រោយពេលទទួលពាក្យសុំឲ្យជួយអន្តរាគមន៍ របស់គ្រួសារពលការិនី ដែលបាត់ដំណឹងនេះ អង្គការ អាដហុក នឹងទាក់ទងជាមួយក្រុមហ៊ុន និងស្ថាប័ននានា ឲ្យជួយស្វែងរកដំណឹង ពលការិនី ដែលបាត់ដំណឹងនេះ។
លោក ឡោ ចាន់៖ «សុំស្នើទៅក្រសួងឲ្យជួយអន្តរាគមន៍ ដើម្បីនាំកូនស្រីគាត់ត្រឡប់មកស្រុកខ្មែរ ដើម្បីបានជួបជុំជាមួយគ្រួសារគាត់វិញ»។
លោក មឿន តុលា ប្រធានកម្មវិធីសិទ្ធិការងារ នៃមជ្ឈមណ្ឌលអប់រំច្បាប់សម្រាប់សហគមន៍ បានឲ្យដឹងថា គេអាចរកដំណឹងពីពលការិនី ដែលទៅធ្វើការនៅបរទេសបាន បើសិនជាគេដឹងអំពីអត្តលេខក្រុមហ៊ុនរបស់ពលការិនី និងថ្ងៃចេញដំណើរពីប្រទេសកម្ពុជាទៅបរទេស។ ពីព្រោះរាល់ការដឹកជញ្ជូនពលករ និងពលការិនី ទៅធ្វើការនៅបរទេស ក្រុមហ៊ុននានា តែងតែយកឈ្មោះ និងអត្តលេខ ទៅចុះបញ្ជីនៅក្រសួងការងារ ក្រសួងការបរទេស និងសមាគមគ្រប់គ្រងពលករ។
កាលពីថ្ងៃទី ១៣ សីហាកន្លងមក មានម្ដាយពលការិនីមួយរូប បានមកសុំឲ្យអង្គការការពារសិទ្ធិមនុស្សឈ្មោះ អាដហុក នៅខេត្តព្រះវិហារ ជួយស៊ើបរកដំណឹងកូន ដែលចេញទៅធ្វើការនៅម៉ាឡេស៊ីជិត ២ ឆ្នាំ ហើយមិនដែលដឹងសុខទុក្ខសោះ។ ពលការិនីនោះ ទៅធ្វើការនៅបរទេសតាមរយៈក្រុមហ៊ុន ហ្វីលីម៉រ (Philimore)។ ក្រោយការផ្សាយព័ត៌មានអំពីការបាត់ដំណឹងកូននេះ ចំនួន ៣ ថ្ងៃក្រោយមក ក្រុមហ៊ុនបានជួយឲ្យម្ដាយ និងកូនបានជួបទាក់ទងសន្ទនាគ្នា ដឹងសុខទុក្ខឡើងវិញ តាមទូរស័ព្ទ ដែលធ្វើឲ្យគ្រួសារសប្បាយរីករាយជាខ្លាំង។
ប្រភពអង្គការ អាដហុក នៅខេត្តព្រះវិហារ បានឲ្យដឹងថា គិតចាប់តាំងពីខែមករា មកទល់ខែកក្កដា ឆ្នាំ២០១២ នេះ មានប្រជាពលរដ្ឋមកប្ដឹងអំពីការបាត់ដំណឹងកូនទៅធ្វើការនៅបរទេស និងការជួញដូរនានា ចំនួន ១៣ ករណីហើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
ACRA
ពី Phnom PenhThank you RFA that always releases all the information about Cambodian housemaids who are facing many problems in Malaysia in order to give chances to police to get money from all private companies. Actually, all companies are trying their best to update their services too, but all NGOs are trying to attack them by sending all cases to police straightly. Why NGOs don't want to talk with private companies?????? Police is very happy when NGOs send cases to them. Please stop doing like this together, but hand up to help bring back all of our Cambodian housemaids as soon as possible!
Aug 20, 2012 07:21 AM
អ្នកអានអនាមិក
រដ្ឋាភិបាលស្មែរគួរគិតគូរអំពីជីវិតអ្នកក្រីក្រខ្លះៗផងជាជាងគិតតែពីគណបក្សនយោបាយទាំងស្រុង។ ត្រូវតែជំរុញការការពារប្រជាពលរដ្ឋក្រីក្រ។
Aug 20, 2012 04:53 AM
អ្នកអានអនាមិក
The big problem of sending to domestic workers to work oversea is from recruitment companies who do not about qualification of candidates. They recruited candidates who have not finished primary school, some can not read, can write. how can they deal when they help problem oversea. You can imagine,when you have trouble oversea, how much difficult you will face. I just want to remind to the Government and Companies should develop clear policy for sending Cambodian workers to oversea, otherwise they will face much much problem for their own, families, companies and the government as well.
Aug 19, 2012 09:02 PM
CheyVorman007
ពី AngKor Watទាំងខ្មុំទាំងគេ បើមានសាច់ញាត្តិស្លាប់អាចមើលឃើញសព
នុះកើតទុក្ខមួយរយះហើយរំសាយទៅវិញបន្មិចម្តងៗព្រោះអស់
ចិត្តដោយបានឃើញនឹងភ្នែក ដឹងពីមូលហេតុដែលបណ្តា
លអោយស្លាប់ តែបើអត់វិញ ក្នុងនាមជាមនុស្សដែលមាន
មនោសញេ្ចតនា ពិតជារីងរៃក្នុងផ្លូវចិត្ត អារម្មណ៏សោតក៏
ត្រូវអាប់អួរគ្មានថ្ងៃភ្លឺថ្លាឡើយ។អស់លាកសមាគមអើយ បើអ្នក
ពិតជាចង់ស្រោចស្រង់កូនខ្មែរអោយចេញផុតពីរណៅតោកយ៉ាក
សុំរៀនធ្វើការផែ្នក adminitrative អោយមានប្រសិទ្ធិភាព
សុំមានការទទួលខុសត្រូវខ្ពស់ សុំមើលឃើញមនុស្សគ្រប់ស្រ
ទាប់ដែលមានសាច់ឈាមខ្មែរពិតៗជាបងប្អូនខ្លួនឯង
Aug 19, 2012 06:24 PM
Vuth Lee
ពី Lowell, Massachusetts,U.S.AOh poor Cambodians! Your children were being physically and mentally abused in the countries they had worked, you had pleaded for help not once, not twice, but you don't get any effective help that you expected from the government. some of your outside countries worked children were being out of contact with you for a long period of times, and again, you had pleaded for help, in most cases, the government officials turned their backs on you. It's hard for me and the whole world to hold our tears with these parents but it's not Hun Sen whose himself once was a poor peasant and now he is a Powerful, Rich Cambodian Priminister who should be a strong supporter for these Cambodians, instead, he chose to ignor these poor and naive Cambodians' tragedies. May somedays these poor Cambodians be freed from these repeately sufferings. I also hope that those long lost children who had worked in a far aways countries will be able to re-unite safely with their beloved parents very soon.
Aug 19, 2012 11:18 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
