ពលករខ្មែរ៥៨នាក់ដែលទៅធ្វើការនៅប្រទេសថៃ មកដល់ភូមិកំណើតវិញហើយ
h063012ko.mp3
ពលករខ្មែរចំនួន៥៨នាក់ ដែលបានវិលមកស្រុកកំណើតវិញនេះ គឺក្នុងចំណោម ៨០នាក់ ដែលបានចាកចេញទៅធ្វើការនៅប្រទេសថៃ កាលពីដើមឆ្នាំ២០១២។
លោក លឹម ស៊្រាន់ ឲ្យដឹងថា ពលករទាំងអស់មានចិត្តសប្បាយរីករាយជាពន់ពេក នៅពេលបានធ្វើដំណើរមកដល់ប្រទេសកំណើតវិញ។ ពួកគាត់ទាំងនោះ ខ្លះមកពីខេត្តកំពង់ធំ សៀមរាប និងខេត្តក្រចេះ។
លោក លឹម ស៊្រាន់៖ «ពេលបានមកដល់ផ្ទះត្រេកអរគ្រប់ បានគេជូនពួកខ្ញុំបានដល់ផ្ទះ នៅក្នុងភ័យណា មកដល់ផ្ទះហើយអរអ៊ីចឹងហើយ ពេលបានមកឆាប់អ៊ីចឹងទៅ អរអ៊ីចឹងហើយ។ បងប្អូនទាំងអស់គ្នាថាហឺ... នៅយូរទៅដាច់បាយហើយ។ ពេលដំណោះស្រាយវាលឿនទៅ ពួកខ្ញុំនាំគ្នាត្រេកអរអ៊ីចឹង។ លុយកាក់ ប្រាក់ខែអីហ្នឹង ថាឲ្យសល់អីគ្មានទេ សោហ៊ុយឡានមកផ្ទះគេចេញឲ្យ ពីជាយដែនមកផ្ទះចេញលុយខ្លួនឯង»។
ពលករខ្មែរចំនួន ៨០នាក់ បានចេញទៅធ្វើការស្របច្បាប់នៅក្រុងបាងកក (Bangkok) ប្រទេសថៃ (Thailand) កាលពីខែមករា ឆ្នាំ២០១២ តាមរយៈភ្នាក់ងារជ្រើសរើសពលករ អេ.ភី.ធី.អេស.អ៊ី។ ប៉ុន្តែ ពួកគេត្រូវបានបង្វែរឲ្យធ្វើការនៅក្រុមហ៊ុនសំណង់ឈ្មោះ គ្រីស្ទីនី នែលសិន (Christiani Nialsen) ក្រុងហាត់យ៉ៃ (Hat Yai) ខេត្តសុងខ្លា (Songkhla) ប្រទេសថៃ។
ប៉ុន្តែ កាលពីថ្ងៃទី១៤ ខែមិថុនា ត្រូវបានប៉ូលិសថៃបានចុះឆែកឆេរនៅក្រុមហ៊ុននោះ ត្រូវបានគេរកឃើញថា ពលករ៤០នាក់ក្នុងចំណោម៨០នាក់ ត្រូវបានគេបញ្ជូនឲ្យធ្វើការខុសទិដ្ឋាការការងារ គឺធ្វើការខុសពីទីតាំង ដែលក្រុមហ៊ុនដែលបញ្ជាក់នៅក្នុងឯកសារ ហើយត្រូវនគរបាលថៃ បានយកពលករខ្មែរទៅឃុំពី១ថ្ងៃទៅ៣ថ្ងៃ កោរសក់ហើយយកដំបងឈើវាយក្បាល ហើយផាកពិន័យពួកគាត់ម្នាក់២ពាន់បាត ទៅ៣ពាន់បាតក្នុងម្នាក់។
វិទ្យុអាស៊ីសេរី មិនអាចទាក់ទងអ្នកនាំពាក្យក្រសួងការបរទេស លោក កុយ គួង ដើម្បីបំភ្លឺចំពោះចំណាត់ការទៅលើភ្នាក់ងារបញ្ជូនពលករទៅធ្វើការខុសទិដ្ឋាការការងារបានទេ នៅថ្ងៃទី៣០ មិថុនា។
ប្រធានកម្មវិធីសិទ្ធិការងារនៃមជ្ឈមណ្ឌលអប់រំច្បាប់សម្រាប់សហគមន៍ (CLEC) លោក មឿន តុលា មានប្រសាសន៍ថា នេះជាករណីរំលោភសិទ្ធិពលករថ្មីមួយទៀតទៅលើពលករស្របច្បាប់ ដែលពួកគេជួបបញ្ហាតែរឿងកិច្ចសន្យាការងារ និងការដកហូតលិខិតឆ្លងដែន។ លោកថា ករណីនេះ ភ្នាក់ងារបញ្ជូនពលករដែលមិនគោរពកិច្ចសន្យានេះ ត្រូវតែទទួលខុសត្រូវចំពោះមុខច្បាប់ និងសងជំងឺចិត្តដល់ពលករ។
លោក មឿន តុលា៖ «ពួកគាត់៨០នាក់នោះ សុទ្ធតែទៅដោយស្របច្បាប់។ ប៉ុន្តែអ្វីដែលខុសឆ្គង គឺក្រុមហ៊ុនអ្នកបញ្ជូនទេ ដែលបញ្ជូនគាត់ទៅខុសគោលដៅ ខុសទីតាំងដែលបានដាក់នៅក្នុងទិដ្ឋាការការងារនោះ មិនគួរណាប៉ូលិសថៃ ធ្វើអីចឹងទេទៅលើគាត់។ ក្រុមហ៊ុនដែលបញ្ជូនគាត់ទៅនោះ បើយើងនិយាយឲ្យច្បាស់លាស់ទៅ គឺក្រុមហ៊ុនហ្នឹងត្រូវទទួលខុសត្រូវរហូត បើសិនជាកម្មករនោះ គាត់ទាមទារជំងឺចិត្ត និងការខូចខាតអារម្មណ៍របស់គាត់ នោះក្រុមហ៊ុនត្រូវតែទទួលខុសត្រូវរឿងហ្នឹងដែរ»។
មន្ត្រីអង្គការសង្គមស៊ីវិលដដែលបានជំរុញអោយរដ្ឋាភិបាលកម្ពុជាពិនិត្យឡើងវិញ ទៅលើក្រសួងការងារ ដែលហាក់មានភាពអសកម្មក្នុងការអន្តរាគមន៍នៅពេលដែលពលករដែលចេញទៅធ្វើការនៅក្រៅប្រទេសដែលកំពុងជួបបញ្ហា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អ្នកអានអនាមិក
ពួកអា police ថៃទាំងនោះដូចជាសាហាវព្រៃផ្សៃពេកហើយ វាចាប់ប្រជាជនខ្មែរយើងកោសក់រួចយកដំបងវាយក្បាលនឹងដំបង គឺវាមើលងាយខ្មែរយើងខ្លាំងណាស់ ។ តើយើងអាចប្តឹងពួកវាបានទេ ព្រោះប្រទេសច្បាប់ដែរតើ ។
Jul 01, 2012 08:37 AM
អ្នកអានអនាមិក
STUPID AP TSE. WHY THIS COMPANY MADE STUPID BUSINESS LIKE THIS? POLICE CAN SEND THIS MATTER TO COURT OR NOT? I AM WAITING TO SEE POLICE'S DECISION, BECAUSE THIS COMPANY WILL SPEND MONEY TO CLOSE POLICE'S EYES. WHERE IS THE JUSTICE IN CAMBODIA?
Jul 01, 2012 04:05 AM
អ្នកអានអនាមិក
Oh why Ministry of Labour, Ministry of Foreign Affairs and Ministry of interior never take actions with AP TSE? like suspend her license to send workers to work in Thailand? or this company got corruptions with those 3 ministries? I thinks NGOs should not release this case in order to lead our country to get real democracy in future. If this AP TSE betrayed the procedures to send workers like this, please all Khmer people be careful with this AP TSE
Jul 01, 2012 04:02 AM
អ្នកអានអនាមិក
Thailand just respects his country law only. I think company AP TSE should face the law to compensate all the workers. All these kinds of private companies that send workers to work oversea have the strong back like police, prosecutors, ..... Do you think our poor workers can get any compensation from company AP TSE or not?
Jul 01, 2012 03:55 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
