បទ​វិភាគ៖ តើ​កម្ពុជា​ដែល​គ្មាន​ការ​ដឹកនាំ​របស់​លោក ហ៊ុន សែន នឹង​ទៅ​ជា​យ៉ាង​ណា?

ដោយ ជុន ច័ន្ទបុត្រ
2017-01-12
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
លោក​នាយក​រដ្ឋមន្ត្រី ហ៊ុន សែន ថ្លែង​ក្នុង​ពិធី​ចែក​សញ្ញាបត្រ​ដល់​និស្សិត​សាកលវិទ្យាល័យ​ជាតិ​គ្រប់គ្រង នា​មជ្ឈមណ្ឌល​ពិព័រណ៍ និង​សន្និបាត​កោះ​ពេជ្រ រាជធានី​ភ្នំពេញ កាល​ពី​ថ្ងៃ​ទី​៥ ខែ​កុម្ភៈ ឆ្នាំ​២០១៦។ RFA/Brach Chev
លោក​នាយក​រដ្ឋមន្ត្រី ហ៊ុន សែន ថ្លែង​ក្នុង​ពិធី​ចែក​សញ្ញាបត្រ​ដល់​និស្សិត​សាកលវិទ្យាល័យ​ជាតិ​គ្រប់គ្រង នា​មជ្ឈមណ្ឌល​ពិព័រណ៍ និង​សន្និបាត​កោះ​ពេជ្រ រាជធានី​ភ្នំពេញ កាល​ពី​ថ្ងៃ​ទី​៥ ខែ​កុម្ភៈ ឆ្នាំ​២០១៦។ RFA/Brach Chev
RFA/Brach Chev

មក​ដល់​ខែ​មករា ឆ្នាំ​២០១៧ នេះ លោក ហ៊ុន សែន កាន់​តំណែង​ជា​នាយក​រដ្ឋមន្ត្រី​កម្ពុជា បាន ៣២​ឆ្នាំ​គត់​ហើយ។ លោក​បាន​ឡើង​កាន់​តំណែង​កំពូល​នេះ​កាល​ពី​ថ្ងៃ​ទី​១៤ ខែ​មករា ឆ្នាំ​១៩៨៥ បន្ត​ពី​លោក ចាន់ ស៊ី ដែល​ទទួល​មរណភាព។

ប្រាកដ​ណាស់ ការ​ដែល​លោក​ឈរ​ជាប់​ក្នុង​តំណែង​នេះ​អស់​ជាង​បី​ទសវត្សរ៍​កន្លង​ទៅ​នេះ គឺ​ដោយសារ​មាន​ការ​គាំទ្រ​ពី​គណបក្ស​ប្រជាជន​កម្ពុជា របស់​លោក​ដែល​ឈ្នះ​ឆ្នោត​ជានិច្ច​ផង និង​មក​ពី​លោក​ខ្លួន​ឯង​ជឿជាក់​ថា មាន​តែ​លោក​ទេ​ដែល​ស្គាល់​គ្រប់​កន្លុក​កន្លៀត​ផ្លូវ ហើយ​អាច​កាច់​ចង្កូត​ដឹកនាំ​នាវា​កម្ពុជា បាន​ល្អ​ជាង​គេ។ លោក​ក៏​ទស្សន៍ទាយ​ទុក​ដែរ​ថា សង្គ្រាម​នឹង​ឆេះ​រាលដាល​នៅ​កម្ពុជា ប្រសិន​បើ​លោក​មិន​ដឹកនាំ​ប្រទេស​ទេ​នោះ។

អ្វីៗ​ទាំងអស់​នៅ​លើ​លោក​នេះ​មិន​ទៀងទាត់​ទេ ហើយ​នឹង​ដល់​ទី​បញ្ចប់​ដោយ​ចៀស​មិន​រួច “អនិច្ចំ ទុក្ខំ អនត្តា”។ ប្រាកដ​ណាស់ យូរ ឬ​ឆាប់ កម្ពុជា នឹង​មាន​មេ​ដឹកនាំ​ថ្មី​មួយ​ដែល​មិន​មែន​ជា​លោក​នាយក​រដ្ឋមន្ត្រី ហ៊ុន សែន។

ចំពោះ​សំណួរ​ថា តើ​កម្ពុជា ដែល​គ្មាន​ការ​ដឹកនាំ​របស់​លោក ហ៊ុន សែន អាច​នឹង​ទៅ​ជា​យ៉ាង​ណា​នោះ វា​អាស្រ័យ​ទៅ​លើ​កត្តា​សំខាន់ៗ​មួយ​ចំនួន ដូចជា ថា​តើ​លោក​នាយក​រដ្ឋមន្ត្រី ហ៊ុន សែន នឹង​បន្សល់​កេរ​ដំណែល​បែប​ណា​សម្រាប់​អ្នក​កាន់​អំណាច​បន្ទាប់​ពី​លោក​ផង និង​វា​អាស្រ័យ​ទៅ​លើ​សមត្ថភាព និង​បុគ្គលិក​លក្ខណៈ​របស់​អ្នក​ដែល​នឹង​ឡើង​មក​កាន់​តំណែង​បន្ត​នោះ​ផង។

កម្ពុជា រួច​ផុត​ពី​របប​ខ្មែរ​ក្រហម​បាន ៣៨​ឆ្នាំ​ហើយ។ ថ្វីត្បិតតែ​ពួក​ខ្មែរ​ក្រហម​បាន​គេច​ទៅ​បង្ក​ទ័ព​នៅ​ជាយដែន និង​បង្ក​អសន្តិសុខ​អស់​ជិត ២០​ឆ្នាំ ក្រោយ​ពី​ពួក​នេះ​លែង​កាន់​អំណាច​ក៏ដោយ ចាប់​តាំង​ពី​ឆ្នាំ​១៩៩៦ ក្រុម​នេះ​ត្រូវ​បាន​លោក​នាយក​រដ្ឋមន្ត្រី ហ៊ុន សែន ប្រើប្រាស់​យុទ្ធសាស្ត្រ​ដ៏​ឈ្លាស​វៃ​វាយ​កម្ទេច​ឲ្យ​ស្ទើរ​តែ​សាបសូន្យ​ជា​បណ្ដើរៗ រហូត​ដល់​ក្រុម​នេះ​ត្រូវ​បាន​រំលាយ​បាន​ជា​ស្ថាពរ​នៅ​ឆ្នាំ​១៩៩៩។ ប្រវត្តិវិទូ​ទាំងឡាយ​មូល​មតិ​គ្នា​ថា នេះ​គឺ​ជា​លើក​ទី​មួយ​ក្នុង​ប្រវត្តិសាស្ត្រ​កម្ពុជា នៃ​សម័យ​កាល​ទំនើប​នេះ ដែល​កម្ពុជា គ្មាន​សង្គ្រាម​ស៊ីវិល​បង្ហូរ​ឈាម​រវាង​ក្រុម​បដិបក្ខ​ខ្មែរ​នឹង​ខ្មែរ​គ្នា​ឯង និង​រួច​ផុត​ពី​សង្គ្រាម​បាញ់​ប្រហារ​ដោយ​អាវុធ​ពី​បរទេស។

ក្នុង​រយៈកាល​កាន់​អំណាច​របស់​លោក​នាយក​រដ្ឋមន្ត្រី ហ៊ុន សែន នេះ​ដែរ សង្គ្រាម​ត្រជាក់ ឬ​សង្គ្រាម​មនោគមន៍​វិជ្ជា​រវាង​ប្លុក​កុម្មុយនីស្ត និង​ប្លុក​សេរី ក៏​ត្រូវ​បាន​បញ្ចប់ ដែល​ធ្វើ​ឲ្យ​កម្ពុជា ទទួល​បាន​នូវ​ការ​ទទួល​ស្គាល់ និង​ការ​ជួយ​ជ្រោមជ្រែង​រក​សន្តិភាព​ដល់​កម្ពុជា ពី​សហគមន៍​អន្តរជាតិ ព្រម​ទាំង​បាន​បង្ក​លក្ខណៈ​ឲ្យ​កម្ពុជា បាន​បោះ​ជំហាន​ចូល​ក្នុង​ឆាក​អន្តរជាតិ​ស្មើ​មុខ​ស្មើ​មាត់​នឹង​គេ។ ពេល​នេះ កម្ពុជា បាន​ទទួល​អាសនៈ​ស្រប​ច្បាប់​នៅ​អង្គការ​សហប្រជាជាតិ និង​បាន​ចូល​ជា​សមាជិក​ពេញ​សិទ្ធិ​នៃ​សមាគម​ប្រជាជាតិ​អាស៊ី​អាគ្នេយ៍ ហៅ​កាត់​អាស៊ាន ជាដើម។ នេះ​អាច​ជា​មូលដ្ឋាន​ដ៏​រឹងមាំ​មួយ​ជួយ​ការពារ​កម្ពុជា កុំ​ឲ្យ​រង​ការ​បង្ក​សង្គ្រាម​ដោយ​អាវុធ​ពី​បរទេស។

ចំពោះ​លទ្ធភាព​ដែល​ថា​អាច​មាន​សង្គ្រាម​ស៊ីវិល​បង្ហូរ​ឈាម​រវាង​ភាគី​ខ្មែរ និង​ខ្មែរ ប្រសិន​បើ​គណបក្ស​នេះ ឬ​គណបក្ស​នោះ​ឈ្នះ​ឆ្នោត​នោះ ក៏​អាច​ពិបាក​នឹង​កើត​មាន​ណាស់ ដ្បិត​កម្ពុជា ប្រកាន់​យក​លទ្ធិប្រជាធិបតេយ្យ សេរី​ពហុ​បក្ស ដែល​ការ​ផ្លាស់ប្ដូរ​មេ​ដឹកនាំ ធ្វើ​ឡើង​តាម​ការ​បោះឆ្នោត​ដោយ​មាន​គណបក្ស​នយោបាយ​នានា​ចូលរួម​ផង​នោះ។

ឧបមា​ថា បើ​គណបក្ស​មិន​កាន់​អំណាច​ចាញ់​ឆ្នោត ហើយ​តវ៉ា ដោយ​ថា​ការ​បោះឆ្នោត​មិន​យុត្តិធម៌ ក៏​ពួក​គាត់​បាន​ត្រឹម​នាំ​គ្នា​ធ្វើ​បាតុកម្ម​អហិង្សា​នៅ​លើ​ទីតាំង​មួយ​ដែល​រដ្ឋាភិបាល​គូសវាស​ឲ្យ និង​ស្ថិត​ក្រោម​ក្រសែភ្នែក​តាមដាន​យ៉ាង​ហ្មត់ចត់​ពី​កង​កម្លាំង​ប្រដាប់​អាវុធ​របស់​រដ្ឋាភិបាល​ផង។ ទីបំផុត ក្រុម​អ្នក​តវ៉ា​ក៏​ត្រូវ​ក្រុម​អ្នក​កាន់​អំណាច​បាញ់​បង្ក្រាប​ឲ្យ​រត់​បែក​ខ្ចាត់ខ្ចាយ ដូចជា​ការ​តវ៉ា​របស់​គណបក្ស​សង្គ្រោះ​ជាតិ ក្រោយ​ការ​បោះឆ្នោត​ឆ្នាំ​២០១៣ ជា​ឧទាហរណ៍​ស្រាប់។ លើកលែង​តែ​អ្នក​ចាញ់​ឆ្នោត​ជា​ក្រុម​កាន់​អំណាច ហើយ​នៅ​ក្រាញ​មិន​ព្រម​ប្រគល់​អំណាច​ឲ្យ​អ្នក​ឈ្នះ​ឆ្នោត រួច​ប្រើ​កម្លាំង​អាវុធ​វាយ​បង្ក្រាប​ក្រុម​អ្នក​ឈ្នះ​ឆ្នោត​មិន​ឲ្យ​ឡើង​កាន់​អំណាច ទើប​ការ​បង្ហូរ​ឈាម​អាច​កើត​ឡើង​បាន។

ទោះ​ជា​ការ​ផ្លាស់ប្ដូរ​មេ​ដឹកនាំ​នៅ​កម្ពុជា អាច​នឹង​មិន​ធ្វើ​ឲ្យ​មាន​សង្គ្រាម​កើត​ឡើង​ក៏ដោយ​ចុះ អ្នក​ដឹកនាំ​ថ្មី​ដែល​នឹង​ឡើង​កាន់​អំណាច​បន្ត​ពី​លោក ហ៊ុន សែន ក៏​នឹង​ត្រូវ​ប្រឈម​មុខ​ទៅ​នឹង​បញ្ហា​ស្មុគស្មាញ​ជាច្រើន​អន្លើ ដែល​បង្ក​ឡើង និង​បន្សល់​ទុក​ពី​ការ​កាន់​អំណាច​ជាង ៣០​ឆ្នាំ​របស់​លោក​នាយក​រដ្ឋមន្ត្រី ហ៊ុន សែន។ បញ្ហា​ទាំងនោះ​មាន​ច្រើន​សន្ធឹកសន្ធាប់ ដែល​អាច​ត្រូវ​ការ​ពេលវេលា​វែង​ក្នុង​ការ​សិក្សា និង​បរិយាយ ក៏ប៉ុន្តែ​ជា​ត្រួសៗ បញ្ហា​លេចធ្លោ​មួយ​ចំនួន​ដែល​មេ​ដឹកនាំ​ថ្មី​បន្ទាប់​ពី​លោក ហ៊ុន សែន ត្រូវ​ប្រឈម​មាន​ជាអាទិ៍​ដូចជា៖

  • ការ​ជួយ​ដោះស្រាយ​រក​ទី​ជម្រក​ឲ្យ​មនុស្ស​ជិត ១​លាន​នាក់​ដែល​រងគ្រោះ​ដោយសារ​អាជ្ញាធរ​នៃ​រដ្ឋាភិបាល​លោក​នាយក​រដ្ឋមន្ត្រី ហ៊ុន សែន បណ្ដេញ​ចេញ​ពី​លំនៅឋាន ក្រោម​ហេតុផល​អភិវឌ្ឍន៍ និង​ដី​សម្បទាន​សេដ្ឋកិច្ច
  • ការ​រៀបចំ​ព្រំដែន​ជាមួយ​ប្រទេស​ជិត​ខាង ដើម្បី​កុំ​ឲ្យ​ខូច​ប្រយោជន៍​ជាតិ
  • ការ​ការពារ​ព្រៃ​ឈើ និង​ធនធាន​ធម្មជាតិ​ដែល​នៅ​សេសសល់​តិចតួច​ពី​ការ​កាប់​ឆ្ការ​ធ្វើ​អាជីវកម្ម​ពី​សំណាក់​ឈ្មួញ ដែល​មាន​ទំនាក់ទំនង​យ៉ាង​ជិតស្និទ្ធ​ជាមួយ​ក្រុម​អ្នក​កាន់​អំណាច។

 

ទោះ​បី​ជា​លោក​នាយក​រដ្ឋមន្ត្រី ហ៊ុន សែន សន្យា​ថា​ នឹង​កាត់​ក​ខ្លួន​ឯង​ចោល បើ​លោក​មិន​អាច​បញ្ឈប់​ឈ្មួញ​ជួញដូរ​ព្រៃ​ឈើ​មិន​បាន​ក៏ដោយ​ចុះ មក​ទល់​នឹង​ពេល​នេះ ក្រុម​ស្រាវជ្រាវ​ណាសា (NASA) របស់​សហរដ្ឋ​អាមេរិក ដែល​បាន​ថត​ពី​ទី​អវកាស​មក បាន​រក​ឃើញ​ថា ព្រៃ​ឈើ​នៅ​ប្រទេស​កម្ពុជា កំពុង​បាត់បង់​ក្នុង​ល្បឿន​លឿន​ខ្លាំង ហើយ​ថា​ កម្ពុជា ស្ថិត​ក្នុង​ក្រុម​ប្រទេស​ដែល​មាន​អត្រា​ការ​កាប់​ព្រៃ​ឈើ​លឿន​ជាង​គេ​បំផុត​ក្នុង​ពិភពលោក។

មេ​ដឹកនាំ​បន្ត​ពី​លោក ហ៊ុន សែន ក៏​នឹង​ត្រូវ​ទទួល​បន្ទុក​សង​បំណុល​បរទេស​ប្រមាណ​ជិត ១​ម៉ឺន​លាន​ដុល្លារ​សហរដ្ឋ​អាមេរិក។ ទោះ​ជា​នៅ​ក្រោម​ការ​គ្រប់គ្រង​របស់​លោក​នាយក​រដ្ឋមន្ត្រី ហ៊ុន សែន លោក​បាន​ខ្ចី​លុយ​បរទេស​ច្រើន​សន្ធឹកសន្ធាប់ និង​បាន​ធ្វើ​អាជីវកម្ម​កាប់​ព្រៃ​ឈើ លក់​ធនធាន​ធម្មជាតិ និង​សម្បត្តិ​ជាតិ​ស្ទើរ​រលាយ​ហិនហោច​ក្តី អ្នក​ជំនាញ​សេដ្ឋកិច្ច​ចាត់​ទុក​ថា កម្ពុជា កំពុង​ឋិត​ក្នុង​ចំណោម​ប្រទេស​ដែល​ក្រីក្រ​ខ្លាំង​ជាង​គេ​បំផុត​មួយ​នៅ​លើ​ពិភពលោក។ អត្រា​នៃ​ភាព​ក្រីក្រ​នៅ​កម្ពុជា បាន​ថយ​ចុះ​មែន​ក្នុង​រយៈពេល​ប៉ុន្មាន​ឆ្នាំ​ចុង​ក្រោយ​នេះ តែ​អ្នក​ជំនាញ​រក​ឃើញ​ថា ក្នុង​ចំណោម​ប្រជាពលរដ្ឋ​ខ្មែរ​ជាង ១៥​លាន​នាក់ មាន​អ្នក​ក្រ ៧​លាន​នាក់ និង​អ្នក​ជិត​ក្រ​ប្រមាណ ៨​លាន​នាក់។ បើ​តាម​តួលេខ​នេះ ពលរដ្ឋ​កម្ពុជា ស្ទើរ​តែ​ទាំងអស់​សុទ្ធតែ​ជា​អ្នក​ក្រ និង​អ្នក​ហៀប​តែ​នឹង​ធ្លាក់​ខ្លួន​ក្រ។

ប្រាកដ​ណាស់ កម្ពុជា ក៏​មាន​អ្នក​មាន​ទ្រព្យ​ធន​តាម​ការ​ប្រកប​របរ​រក​ស៊ី​សុចរិត​ទៀង​ត្រង់​ដែរ ក៏ប៉ុន្តែ​បើ​តាម​ការ​ស្រាវជ្រាវ​របស់​អង្គការ​អន្តរជាតិ​មួយ​ចំនួន វណ្ណៈ​អ្នក​ដឹកនាំ និង​ក្រុម​អ្នក​ហែហម​វណ្ណៈ​អ្នក​ដឹកនាំ ភាគច្រើន​មាន​ទ្រព្យ​សម្បត្តិ​ហូរហៀរ​ដោយ​ប្រព្រឹត្ត​អំពើ​ពុក​រលួយ។ គ្រួសារ​ដែល​មាន​ជាង​គេ​បំផុត​មួយ​នៅ​ក្នុង​ប្រទេស​កម្ពុជា បើ​តាម​ការ​ស៊ើប​អង្កេត​របស់​អង្គការ​ឃ្លាំមើល​ពិភពលោក (Global Witness) គឺ​គ្រួសារ​របស់​លោក​នាយក​រដ្ឋមន្ត្រី ហ៊ុន សែន តែ​ម្តង។ ការ​ស៊ើប​អង្កេត​នេះ ឲ្យ​ដឹង​ថា គ្រួសារ​លោក​នាយក​រដ្ឋមន្ត្រី ហ៊ុន សែន មាន​លុយ​សរុប​ទាំងអស់​ប្រមាណ​ពី ៥០០​លាន​ ទៅ ១​ពាន់​លាន​ដុល្លារ​សហរដ្ឋ​អាមេរិក។

លោក​នាយក​រដ្ឋមន្ត្រី​ធ្លាប់​អះអាង​ថា លោក​ទទួល​បាន​ប្រាក់​ខែ ១​ម៉ឺន ៣​ពាន់ ៨០០​ដុល្លារ (១៣.៨០០​ដុល្លារ) ក្នុង​មួយ​ឆ្នាំ។ ប្រសិន​បើ​លោក​មិន​ចាយ​មួយ​ដុល្លារ​ណា​សោះ​ក្នុង​រយៈពេល ៣២​ឆ្នាំ​ក្នុង​តំណែង​ជា​នាយក​រដ្ឋមន្ត្រី​នេះ លោក​អាច​សន្សំ​បាន​ប្រមាណ​ជិត​កន្លះ​​លាន​ដុល្លារ​សហរដ្ឋ​អាមេរិក។ ប្រហែល​មាន​តែ​អង្គភាព​ប្រឆាំង​អំពើ​ពុក​រលួយ​ទេ​ដែល​អាច​ផ្ទៀងផ្ទាត់​បញ្ជាក់​ថា តើ​ការ​រក​ឃើញ​របស់​អង្គការ​ឃ្លាំមើល​ពិភពលោក ថា​លោក​នាយក​រដ្ឋមន្ត្រី និង​គ្រួសារ​មាន​ប្រាក់​ពី ៥០០​លាន​ទៅ ១​ពាន់​លាន​ដុល្លារ​សហរដ្ឋ​អាមេរិក​នោះ ពិត​ឬ​មិន​ពិត។ ហើយ​បើ​អង្គភាព​ប្រឆាំង​អំពើ​ពុក​រលួយ​សម្រេច​តាមដាន​រឿង​នេះ​មែន ក្រុម​នេះ​ប្រហែល​សម្បូរ​ការងារ​ធ្វើ​ណាស់។

ការ​រៀបចំ​ពង្រឹង​ស្ថាប័ន​រដ្ឋាភិបាល​មួយ​ដែល​មាន​អ្នក​ជំនាញ​គ្រប់គ្រង​ច្បាស់លាស់ ជា​ជាង​គ្រប់គ្រង​ដោយ​គ្រួសារ​មេ​ដឹកនាំ និង​បក្ខពួក​របស់​មេ​ដឹកនាំ ក៏​ជា​បន្ទុក​មួយ​សម្រាប់​អ្នក​ឡើង​កាន់​អំណាច​បន្ត​ពី​លោក ហ៊ុន សែន ជាពិសេស​ការ​រៀបចំ​ប្រទេស​មួយ​ឲ្យ​មាន​ការ​គោរព​ច្បាប់ លុប​បំបាត់​វប្បធម៌​និទ្ទណ្ឌភាព។

យោង​តាម​ការ​ទម្លាយ​ឯកសារ​សម្ងាត់​របស់ វិគីលីក (WikiLeaks) ដែល​បាន​ចុះ​ផ្សាយ​នូវ​កំណត់​សម្គាល់​របស់​ស្ថានទូត​អាមេរិក​ប្រចាំ​កម្ពុជា ពី​ចន្លោះ​ឆ្នាំ​១៩៩២ ដល់​ឆ្នាំ​២០១០ ប្រមុខ​អ្នក​ការទូត​អាមេរិក​សរសេរ​ថា “ឈ្មួញ​រក​ស៊ី​ធំៗ​នៅ​កម្ពុជា សុទ្ធតែ​មាន​ទំនាក់ទំនង​ផ្ទាល់​ខ្លួន​យ៉ាង​ជិតដិត​ជាមួយ​លោក ហ៊ុន សែន និង​ជាមួយ​មន្ត្រី​គ្រាក់ៗ​ក្នុង​របប​លោក ហ៊ុន សែន”។ ឯកសារ​បែក​ធ្លាយ​នោះ​បន្ត​ថា “លោក ហ៊ុន សែន ត្រេក​ត្រអាល​នឹង​ទំនាក់ទំនង​ជាមួយ​មហា​សេដ្ឋី​ទាំងនេះ​ណាស់ ដ្បិត​ពួក​គេ​បាន​ផ្តល់​លុយ​ដល់​លោក ជា​ថ្នូរ​នឹង​ការ​ទទួល​បាន​មក​វិញ​នូវ​ការ​គាំទ្រ​ពី​លោក ក្នុង​មុខ​ជំនួញ​របស់​គេ”។ អ្នក​ការទូត​អាមេរិក​រូប​នោះ​សន្និដ្ឋាន​ថា “គឺ​ទំនាក់ទំនង​សេដ្ឋកិច្ច​បែប​នេះ​ហើយ ដែល​បាន​បង្កើត​ឡើង និង​ពង្រឹង​នូវ​វប្បធម៌​និទ្ទណ្ឌភាព​ក្នុង​ប្រទេស​កម្ពុជា ហើយ​ព្រម​ទាំង​បាន​រារាំង​សកម្មភាព​ទប់ស្កាត់​អំពើ​ពុក​រលួយ​នៅ​ក្នុង​ប្រទេស”

កម្ពុជា ដែល​គ្មាន​ការ​ដឹកនាំ​របស់​លោក ហ៊ុន សែន ក៏​ប្រហែល​ជា​មាន​ការ​ផ្តល់​សេវា​សាធារណៈ ដូចជា​ការ​កសាង​សាលា​រៀន មន្ទីរពេទ្យ ផ្លូវ​ថ្នល់ ជូន​ដល់​ពលរដ្ឋ​ប្រកប​ដោយ​យន្តការ និង​យុទ្ធសាស្ត្រ​ជាតិ​ត្រឹមត្រូវ ជា​ជាង​ការ​យក​ធនធាន​របស់​ជាតិ​ទៅ​ផ្តល់​ឲ្យ​អ្នក​ក្រីក្រ និង​ក្រុម​មនុស្ស​ដែល​គាំទ្រ​ខ្លួន​តាម​ទំនើង​ចិត្ត រួច​ផ្សាយ​ពី​សកម្មភាព​ទាំងនោះ​តាម​ប្រព័ន្ធ​ផ្សព្វផ្សាយ​គ្រប់គ្រង​ដោយ​សាច់សាលោហិត​របស់​ខ្លួន ដើម្បី​ទាក់ទាញ​ការ​គាំទ្រ​បែប​ប្រជាភិថុតិ។

តម្រូវការ​ចាំបាច់​មួយ​ទៀត​ក្នុង​សង្គម​កម្ពុជា ដែល​គ្មាន​ការ​ដឹកនាំ​របស់​លោក ហ៊ុន សែន នោះ គឺ​ការ​ធានា​នូវ​សិទ្ធិ​ផ្តល់ និង​ទទួល​ព័ត៌មាន ដែល​បង្ក​លក្ខណៈ​ឲ្យ​អ្នក​កាសែត និង​ប្រភព​ផ្តល់​ដំណឹង អាច​បំពេញ​បេសកកម្ម​របស់​ខ្លួន និង​និយាយ​ការពិត​បាន​ជា​ប្រយោជន៍​ដល់​សង្គម ដោយ​មិន​ទទួល​ការ​គំរាម​កំហែង​សុវត្ថិភាព​ផ្ទាល់​ខ្លួន និង​រង​ការ​ជេរ​ប្រមាថ និង​ដោយ​មិន​ចាំបាច់​សរសេរ​លើក​ជើង​ក្រុម​អ្នក​កាន់​អំណាច​ឡើយ។

ក្រៅ​ពី​នេះ ការ​ស្ដារ​សីលធម៌​សង្គម​ឡើង​វិញ បន្ទាប់​ពី​មាន​មេ​ដឹកនាំ​កំពូល​សាបព្រោះ​នូវ​វប្បធម៌​ជេរ​ប្រមាថ​ដាក់​មេក្រូ​ជា​សាធារណៈ ដោយ​ហៅ​គេ​ឯង​ថា​អា​គុក អា​ព្រហើន ជាដើម ព្រម​ទាំង​ការ​ផ្សះផ្សា​មនុស្ស​នៅ​ក្នុង​សង្គម​ជាតិ​ឲ្យ​ជានា​នឹង​គ្នា​ឡើង​វិញ បន្ទាប់​ពី​មាន​ការ​ញុះញង់​ឲ្យ​បែកបាក់ លាប​ពណ៌​គ្នា​ថា​ជា​ក្រុម​ប្រឆាំង ក្រុម​អាយ៉ង​បរទេស ក្រុម​មាន​គតិ ឬ​ក្រុម​អគតិ ជាដើម។

អាស្រ័យ​ទៅ​នឹង​បុគ្គលិក​លក្ខណៈ និង​សមត្ថភាព​របស់​មេ​ដឹកនាំ​ថ្មី កម្ពុជា ដែល​គ្មាន​ការ​ដឹកនាំ​របស់​លោក​នាយក​រដ្ឋមន្ត្រី ហ៊ុន សែន ប្រហែល​ជា​អាច​រួច​ផុត​ពី​ក្រញាំ​គ្រប់គ្រង​ប្រទេស​មួយ​ដែល​មេ​ដឹកនាំ​ចាត់​ទុក​ប្រទេស​ជាតិ ដូចជា​សម្បត្តិ​ឯកជន​របស់​គ្រួសារ​ខ្លួន និង​ក្រុម​បក្ស​របស់​ខ្លួន ហើយ​ប្រែ​ក្លាយ​កម្ពុជា ដ៏​កម្សត់​នេះ​ឲ្យ​ទៅ​ជា​ប្រទេស​មួយ​ដែល​មាន​ការ​អភិវឌ្ឍ​ត្រឹមត្រូវ និង​ជា​សង្គម​មួយ​ដែល​មាន​យុត្តិធម៌ និង​សេរីភាព៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (22)
  • បោះពុម្ព
  • ចែករំលែក
  • អ៊ីម៉ែល

ចៅច្រុុច

ពី កម្ពុជាមាតុភុមិខ្មុុំ

ខ្មុំបារម្ភខ្លាចតែកម្ពុជាក្លាយទៅជាប៉ាឡេស្ទីននៅអាសីុពីព្រាេះតែការដីកនំាបែបសព្វថ្ងៃ៕​ខ្មុំមិនហ៊ាននិយាយច្រើនទេឧទាហណ័មានច្រើនណាស់ដែលកន្លងមកហើយ៕

Jan 18, 2018 07:03 PM

អ្នក​អាន​អនាមិក

If ... the Khmers do not wake up anymore, the shagreen has the Khmer pursues in these days his road against its history millennaire of former days. The Khmer KINGDOM moves forward few has little to become a dependent "kingdom of Shagreen and inclu in Vietnam without Sihanouk and HunSen react nowadays. While HSen waits to validate "officially" his negotiation with Vietnam which, from now on and in absence of a rigorous apllication of the Agreements of Paris (in October 23rd, 1991) since its creation ... the Khmer kingdom is going to shrink while KampucheaKrom waits be legalized (?) definitively under Vienam, in 35-40 years has to come, if there was no claiming on behalf of Khmers and khmerskroms; because the Vietnamese activity is going to achieve before next hundred years.

Dec 30, 2017 05:53 PM

world shockingly with weirdness Cambodian's cemetery housing...

Weird world News-Cambodian cemetery housing,thousands years of khmer prehistoric have ever never been in this horrific moment after the ex.khmerouge vietminh Hun Sen and north.Hanoi commies invaded of Cambodia in 1979-1993 to present.What was the horrible looked on along Mekong river at Anlung Chen,southern province of Kandal,located upper right site along down Mekong river with approximately a few miles from Ta Kmoa city or 14 miles from Phnom Penh capital.Our journey keep straight down to Koh Thom and to Chao Doc between Khmer/n.vietnam frontier,then what we'd seen and unbelievable after we traveled through a few miles from Ta Kmao city on the right site of the river,suddenly u will surprisingly,when u see hundreds poor Cambodians"land eviction"residents have found an eternities to their housing woes by making the cemetery as their home,there's no respect to dead bodies,or justice peace of mind.Cambodia's area square sized is between 182,230 Sqmiles before 1979,today is in prejudice under ruthless dictator Hun Sen/n.vietnam commie puppet govm't aggression and territory plunder"nvc's new tactic annexation of Cambodia like Ukrain tragic".According to international transparency status about 39.2% of Cambodian population lives under property line,often squatting in shanty towns by dictator Hun Sen rogue commie corrupt govm't has cause more widespread land grabs across the country.Anlung Chen is a place for khmer-chinese cemetery at the southeast of Ta Kmao city,is the oldest stone and the largest cemetery with an area covering with many hectares,provides the poor,and land evictions run dwellers rampant to live on death tomb,or built their houses on top corrugated iron,wood,zinc shack perched on top stacked tombs ,or against the back wall forms their living quarters.They built marble,stone sarcophaguses inside the mausoleums became beds,electricity is supplied nearby next street,and water source is from nearby cemetery lack.People walked on the tombs,built on top made basketball hoops.Those cemetery residents have found work among the dead,and children collect scrap metal,plastic,or other bag to sell,others look over graves,and keep them clean and guard them from scavengers who used to steal the bones with ornaments of the tombs,or gold jewelry inside,.Many of those pple who just moving in said;they didn't want to come here and disturbing the death bodies,that disrespectful to dead pple,there hundreds pple old and young are living in that cemetery"with no choice for survival"because dictator Hun Sen pundits ripoff their houses and farmland for two decades"maybe 780,000 land evictions unsolved mystery"and plus 65,000 hectares land concession granted to n.vietnam commies govm't for 99 years at eastern border"secret annexing of Cambodia".As a terrible mistakenly by dictator Hun Sen puppet govm't has a graveyard concern of two identical commies between Hun Sen betrayal and nvc commie policy territory plunder by illegally new treaty and violating the "Paris Peace Accorded on October 23,1993"has radicalized the land grabbing,grabs resourcing,annexation of Cambodia,pollute population,opened security and pushed million Cambodian pple out of their homes and farmland.That why the poor disillusioned pple who were perceive of their ruthless dictator Hun Sen as their jungle god worship at eastern zone of hell.

Jul 16, 2017 05:15 PM

អ្នក​អាន​អនាមិក

មិនដឹង! ព្រោះជននេះមិនទាន់ងាប់ផង។ បើចង់ដឹងឱ្យវាសម្លាប់ខ្លួនទៅហើយយើងចាំមើលថាតើវាយ៉ាងដូចម្ដេចដែរ!

Jul 10, 2017 03:35 PM

អ្នក​អាន​អនាមិក

លោកហ៊ុន​ សែន បានសាងកំហុសច្រើនណាស់មកលើប្រទេស​កម្ពុជា និងពលរដ្ឋរបស់ខ្លួន ទម្លាក់សាច់ ស្រវ៉ាឆ្ងិង។ នយោបាយដិកនាំរបស់គាត់ឈានចូលដល់កៀនជញ្ជាំងហើយ ទៅមុកមិនរួច បកក្រោយមិនបាន ដូច្នេះមានតែប្រើមធ្យោបាយ ខ្លាទាល់ច្រកប៉ុណ្ណោះ នោះជាមហាគ្រោះថ្នាក់ធំបំផុតដល់ប្រទេសជាតិ ហើយក៏ជាកំហុសជាប្រវត្តិសាស្ត្រធំបំផុតសម្រាប់រូបគាត់ និងគ្រួសារផងដែរ។ល

Jun 28, 2017 10:08 AM

មើល​មតិ​ទាំង​អស់.

គេហទំព័រ​ទាំងមូល