གསར་འགོད་པའི་སྒྲིག་གསོལ།

གསར་འགོད་པའི་སྒྲིག་སྲོལ།

ཨེ་ཤེ་ཡ་རང་དབང་རླུང་འཕྲིན་ཁང་གི་དམིགས་ཡུལ་ནི་གསར་འགོད་པ་རྣམས་ནས་གསར་འགོད་པའི་སྒྲིག་གསྲོལ་གྱི་གནས་ཚད་མཐོ་ཤོས་དེ་ལག་བསྟར་བྱེད་རྒྱུ་དེ་ཡིན། ང་ཚོའི་རླུང་འཕྲིན་དང་གནས་འཕྲིན་དྲ་བའི་གནས་ཚུལ་རྣམས་དྲང་བདེན་དང༌། ཕྱོགས་ཞེན་མེད་པ་དགོས།

དགོངས་ཚུལ་འདྲ་མིན།

གསར་འགྱུར་མཁོ་སྒྲུབ་བྱེད་སྐབས་གསར་འགོད་པ་རྣམས་ཞི་འཇམ་དགོས་པ་དང་། མི་སྒེར་རམ། ཚོགས་པའམ། གཞུང་ཞིག་གི་དྲིལ་བསྒྲགས་དང༌། འཁྱོག་བཤད། རྫུན་གཏམ་སོགས་ལས་གཡོལ་དགོས། ང་ཚོས་གསན་མཁན་རྣམས་ལ་ལམ་སྟོན་སོགས་ཀྱི་གཏམ་བཤད་མི་སྤེལ་རྒྱུ།

ང་ཚོས་གསན་མཁན་རྣམས་ལ་དྲག་སྤྱོད་དམ། གྱེན་ལངས་སམ། ཡུལ་གཞན་དུ་བྲོས་བྱོལ་འགྲོ་རྒྱུ་སོགས་ཀྱི་ངན་སྐུལ་མི་བྱེད་རྒྱུ། ང་ཚོས་གསན་མཁན་རྣམས་ལ་དགོངས་ཚུལ་སྤེལ་སའི་གླེང་སྟེགས་བསྐྲུན་རྒྱུ།

ང་ཚོའི་རླུང་འཕྲིན་དང་གནས་འཕྲིན་དྲ་བའི་གསར་འགོད་པ་ཚོས་གསར་འགྱུར་སྤེལ་སྐབས་གནས་ཚུལ་རྣམས་རྫུན་གཏམ་མམ། ཁུངས་ལྡན་མིན་པའི་གནས་ཚུལ་མི་སྤེལ་རྒྱུ། བྱུང་ན་གནས་ཚུལ་གཅིག་ལ་ཁུངས་གཅིག་ལས་མང་བ་འཚོལ་ཐབས་བྱ་རྒྱུ།

ང་ཚོས་ཆབ་སྲིད་ཚོགས་པ་དང༌། ཕྱོགས་འགལ་ཚོགས་པའམ། བཙན་བྱོལ་ཚོགས་པའམ། ཆོས་ཚོགས་སོགས་ལ་འབྲེལ་བ་མི་གཞག་ཅིང༌། གསར་འགོད་པ་སྒེར་གྱི་ལྟ་ཕྱོགས་མི་སྤེལ་རྒྱུ།

ང་ཚོའི་ལས་བྱེད་ཀྱིས་མཁོ་སྒྲུབ་མ་བྱས་པའི་ཕྱི་ཕྱོགས་ཀྱི་གནས་ཚུལ་སྤེལ་སྐབས་དགོངས་ཚུལ་གང་ཡིན་པ་དེ་ང་ཚོའི་ལྟ་བ་ཡིན་པས་མ་ཁྱབ་པའི་གསལ་བཤད་ཞུ་དགོས།

འབྱུང་ཁུངས་གསལ་བསྒྲགས།

ཨེ་ཤེ་ཡ་རང་དབང་རླུང་འཕྲིན་ཁང་གི་ལས་བྱེད་པ་རྣམས་ནས་གསར་འགྱུར་ལས་ཁང་གཞན་གྱི་འགྲོ་གྲོན་བཏང་བའི་རྔན་པའམ། རིན་མེད་གུང་སེང་སོགས་ལེན་མི་ཆོག

གསར་འགྱུར་ལས་ཁང་གཞན་གྱི་གནས་ཚུལ་བེད་སྤྱད་སྐབས་གནས་ཚུལ་འབྱུང་ཁུངས་གསལ་བཤད་བྱེད་དགོས།

གལ་ཏེ་གནས་ཚུལ་ལ་ནོར་འཁྲུལ་ཤོར་ཚེ་ཕྲལ་དུ་ནོར་བཅོས་ཀྱི་གསལ་བསྒྲགས་ཞུ་དགོས།

འདི་ག་རླུང་འཕྲིན་ཁང་གི་ལས་འགན་ལ་གནོད་སྐྱོན་ཡོང་བའི་ཕྱི་ཕྱོགས་ཀྱི་ལས་ཀ་བྱེད་མི་ཆོག

རླུང་འཕྲིན་ཁང་དང་འབྲེལ་བའི་གསུང་བཤད་སོགས་སྤེལ་དགོས་ཚེ་བཀའ་འཁྲོལ་ཞུ་དགོས།

འཕྲལ་སེལ་ལས་བྱེད་པ་རྣམས་ནས་གོང་གི་ཁྲིམས་སྲོལ་བསྲུང་དགོས་ཤིང་གསར་འགོད་པའི་སྒྲིག་སྲོལ་ཆ་ཚང་བསྲུང་དགོས།

Comments

You can add a comment by filling out the form below. Plain text formatting. Please note that comments must be approved by a moderator and will not appear on this page in real time. Please check back soon to see if your comment has been posted.