༄༅༎ཟླ་འདིའི་ཚེས་༩ཉིན་ཁམས་བྲག་མགོ་རྫོང་དུ་ཕ་དགའ་རབ་ཉི་མ་དང་མ་སངས་ལྷ་གཉིས་ཀྱི་བུ་རང་ལོ་༤༠་ཡིན་་པ་གྲྭ་ཡེ་ཤེས་རིག་གསལ་དང། ཁོང་གི་སྤུན་ཆུང་བ་རང་ལོ་༣༨ཡིན་པའི་ཡེ་ཤེས་བསམ་འགྲུབ་གཉིས་རྒྱ་དམག་གིས་དམར་བསད་བཏང་འདུག གྲྭ་ཡེ་ཤེས་རིག་གསལ་དེ་སྔོན་ཕྱི་ཟླ་༡ཚེས་༢༣ཉིན་བྲག་མགོ་རྫོང་ཐོག་ཏུ་ཞི་རྒོལ་ལས་འགུལ་ཁྲོད་མཉམ་ཞུགས་བྱས་ཡོད་པ་དང། ཁོང་གི་ལག་པར་མེ་མདའ་བརྒྱབ་སྟེ་རྨས་སྐྱོན་ཕོག་ཡོད་པ་མ་ཟད། སྨན་བཅོས་སོགས་ཀྱི་མཐུན་རྐྱེན་མ་རག་པའི་སྟེང་ནོར་བ་ཞེས་པའི་འབྲོག་ས་སྟེ་ཉེན་གཡོལ་ཏུ་ཡོད་འདུག་པར་དྲག་ཆས་ཉེན་རྟོག་པ་བསླེབས་ཏེ་ཁོང་བུ་སྤུན་གཉིས་ཀ་དམར་གསོད་བཏང་ཡོད་པའི་སྐོར་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་དཀར་མཛེས་བ་བསོད་ནམས་དབང་འདུས་ལགས་ཀྱིས་བཏང་བའི་གནས་ཚུལ་ལ་གསན་རོགས༎

མཆན།

Click here to add your own comment