༄༅༎ཕྱི་ཟླ་ལྔ་པའི་ཚེས་༡༠ ཉིན་བོད་ལྗོངས་གསར་འགྱུར་བརྒྱུད་བསྒྲགས་ཞེས་པའི་ལས་རིམ་ཐོག་བོད་ནང་ཉེ་ཆར་བྱུང་བའི་དོན་རྐྱེན་དང་དེ་དང་འབྲེལ་བའི་གནད་དོན་སྐོར་གྱི་གནས་ཚུལ་ཁག་ཅིག་བཏོན་ཡོད་པ་རེད།

དེ་ཡང་བོད་ལྗོངས་གསར་འགྱུར་བརྒྱུད་བསྒྲགས་བྱེད་པའི་ཉིན་རེའི་ལས་རིམ་ཐོག་ལྷ་ས་བོད་ལྗོངས་བརྙན་འཕྲིན་ཨང་དང་པོ་ཞེས་པའི་ཐོག་རྒྱ་སྐད་ནང་ཉེ་ཆར་བོད་ནང་དོན་རྐྱེན་སྐོར་གྱི་འབྲེལ་ཡོད་གནས་ཚུལ་བཏོན་པའི་སྐབས་ཟླ་བ་འདིའི་ཕྱི་ཚེས་༩ ཉིན་རྒྱལ་ས་ལྷ་སར་ཚོགས་པའི་ཆོས་ལུགས་ཀྱི་བསམ་པའི་དཔལ་ལྡན་ཡར་རྒྱས་ཚོགས་ཆུང་ཞེས་པའི་ཚོགས་འདུའི་ཐོག་བོད་རང་སྐྱོང་ལྗོངས་ཀྱི་མི་དམངས་འཐུས་ཚོགས་ཀྱི་ཀྲུའུ་རན་དང་བོད་རང་སྐྱོང་ལྗོངས་དམར་ཤོག་ཚོགས་པའི་དྲུང་ཆེ་ལེགས་མཆོག་གི་གསུངས་བཤད་ནང་། ཏཱ་ལའི་རུ་ཚོགས་དང་ཕྱི་ཟླ་གསུམ་པའི་ཚེས་༡༤ ཉིན་གཏོར་བཅོམ་དང་མེ་བསྲེགས་ཀྱི་དོན་རྐྱེན་དང་འབྲེལ་བ་ཡོད་པའི་སྐྱོན་བརྗོད་བྱས་པའི་སྐོར་བཏོན་ཡོད་ཅིང་། ཁོང་གི་གཏམ་བཤད་དེ་ནི་རྒྱ་ནག་གཞུང་གིས་ཁ་བྲལ་རིང་ལུགས་པར་ཁ་གཏད་གདོང་ལེན་བྱེད་དགོས་ཞེས་པའི་ནང་དོན་དང་ཆོས་ལུགས་ཀྱི་སེམས་པའི་དཔལ་ཡོན་ཡར་རྒྱས་ཀྱི་ཚོགས་ཆུང་གི་དགོས་མཁོ་དང་དམིགས་ཡུལ་ཁག་ཐོག་རྒྱབ་སྐྱོར་གྱི་གཏམ་བཤད་སྤེལ་བ་ཞིག་ཡིན་པ་རེད༎