སུད་སི་ནང་གི་བོད་མི་༣༠༠་ཙམ་རང་གནས་སུ་ཕྱིར་ལོག་དགོས་བའི་བརྡ་སྤྲད་འདུག

2017-08-29
གློག་འཕྲིན།
མཆན།
འགྲེམ་སྤེལ།
པར་བཀོད།
སུད་སི་ནང་བོད་མི་སྐྱབས་བཅོལ་ཞུ་མཁན་ལ་དཀའ་ངལ།
སུད་སི་ནང་བོད་མི་སྐྱབས་བཅོལ་ཞུ་མཁན་ལ་དཀའ་ངལ།
Rebel Pepper/RFA

སུད་སིའི་ཕྱི་མི་གཞིས་ཆགས་དོ་དམ་ལས་ཁུངས་ནས་བོད་མི་སྐྱབས་བཅོལ་ཞུ་མཁན་རིགས་གཅིག་ལ་སྐྱབས་བཅོལ་གྱི་ཐོབ་ཐང་སྤྲོད་རྒྱུའི་ཆ་རྐྱེན་མི་འདུག་པས་རང་གནས་སུ་ཕྱིར་ལོག་དགོས་ཞེས་བརྡ་ལན་སྤྲད་འདུག
དེ་ཡང་འདི་གའི་གསར་འགོད་པས་ས་གནས་ནས་གནས་ཚུལ་མཁོ་གཏོང་བྱས་པར་གཞིགས་ན། འདི་ཚེས་༢༧་ཉིན་སུད་སིའི་གྲོང་ཁྱེར་ཛུའུ་རེ་ནང་གི་བོད་རིགས་ཚོགས་ཁང་དུ། སུད་སིའི་བོད་རིགས་མི་མང་གི་འཐུས་མི་རྣམས་དང་། གཞན་ཕན་ཚོགས་པ། དེ་བཞིན་ས་གནས་སྐུ་ཚབ་དོན་གཅོད་ཀྱི་མི་སྣ་སོགས་འདུ་འཛོམས་ཀྱི་སར་སུད་སིའི་ཕྱི་མི་གཞིས་ཆགས་དོ་དམ་ལས་ཁུངས་ཀྱི་དྲུང་ཆེ་སྐུ་ཞབས་ཁར་ལོ་རན་གྱིས། དེང་སྐབས་སུད་སིར་སྐྱབས་བཅོལ་ཞུ་མཁན་ལོ་རེ་ནས་ལོ་རེར་བཞིན་མང་དུ་འགྲོ་གིན་ཡོད་པའི་ཁྲོད་ནས་བོད་མི་ཡང་མང་དུ་འགྲོ་གི་འདུག བོད་མི་དེ་དག་གི་དཀའ་ངལ་སེལ་ཐབས་ཀྱི་ཆེད་དུ་གྲོང་ཁྱེར་ཇི་ནེ་ཝར་བཅའ་བཞུགས་༧གོང་ས་ཏཱ་ལའི་བླ་མ་མཆོག་གི་སྐུ་ཚབ་དང་རང་དབང་ཅན་གྱི་ཚོགས་པའི་འགོ་ཁྲིད་རྣམས་དང་ང་ཚོའི་བར་བསམ་ཚུལ་བཤད་རྒྱུ་བྱུང་། དེ་བཞིན་རྒྱ་ནག་ནང་སྡོད་ཐབས་མེད་པར་ཡོ་རོབ་ནང་སྐྱབས་བཅོལ་ཞུ་མཁན་གྱི་བོད་མི་ཚོར་སྐྱབས་བཅོལ་གྱི་གནས་བབ་སྤྲོད་རྒྱུ་རེད་ཅེས་དང་། དེ་མིན་ཁོང་གིས། ལོ་མང་རིང་བོད་མི་མང་པོ་ཞིག་ལ་ཐོངས་མཆན་ལག་འཁྱེར་གང་ཡང་སྟོན་རྒྱུ་མེད་པར་རང་འཚམས་ཀྱིས་སུད་སིར་འཛུལ་ནས་བོད་ནས་ཡོང་བ་ཡིན་ཚུལ་དང་། སྐྱབས་བཅོལ་གྱི་གནས་བབ་མཁོ་སྤྲོད་དགོས་པའི་སྙན་ཞུ་འབུལ་མཁན་གྱི་རིགས་དེ་དག་ལ སུད་སི་གཞུང་ནས་འཚོ་བར་འགན་ལེན་དང་ཆབས་ཅིག ལོ་ནས་ལོ་བསྟུད་དེ་བོད་ནས་ཡོང་བ་ཡིན་མིན་འདྲི་རྩད་བརྟག་ཞིབ་བྱས་པ་བརྒྱུད། མི་གྲངས་༣༠༠་ཙམ་ལ་སྐྱབས་བཅོལ་གྱི་ཐོབ་ཐང་སྤྲོད་དགོས་པའི་ཆ་རྐྱེན་ཚང་གི་མེད་པ་ཤེས་རྟོགས་བྱུང་རྗེས་ཁོང་ཚོ་ཚང་མར་ཕྱིར་ལོག་དགོས་པའི་བརྡ་ལན་སྤྲད་ཡིན་ལ་གལ་ཏེ་རང་འགུལ་གྱིས་ཕྱིར་ལོག་བྱས་ན་ལམ་གྲོན་བཤད་མ་དགོས་པར་ད་དུང་སུད་སིའི་སྒོར་མོ་༥༠༠༠་རེ་སྤྲོད་གནང་གི་ཡིན་ཞེས་བཤད་ཡོད་འདུག།

གསར་འགོད་པ་འཇམ་དཔལ་ཕུན་ཚོགས།

མཆན། (0)
  • པར་བཀོད།
  • འགྲེམ་སྤེལ།
  • གློག་འཕྲིན།
དྲ་གནས་ཆ་ཚང༌།