༄༅༎འབར་མའི་དྲག་པོའི་སྲིད་གཞུང་གི་འགོ་ཁྲིད་དམག་སྤྱི་ཐན་ཤ་ལྦེ་ཡིས་འཛམ་གླིང་མཉམ་འབྲེལ་རྒྱལ་ཚོགས་ཀྱི་དྲུང་ཆེ་སྦན་ཀི་མུན་མཆོག་ལ་དམངས་གཙོ་དོན་གཉེར་བའི་དབུ་ཁྲིད་ལྕམ་ཨོང་སན་སུ་ཅི་མཇལ་བཅུག་མེད་པ་དེར་དེ་རིང་རྒྱལ་ཚོགས་ཀྱི་དྲུང་ཆེ་མཆོག་གིས་ཐུགས་ཕམ་ཆེན་པོ་གནང་འདུག

དྲུང་ཆེ་སྦན་ཀི་མུན་འབར་མའི་དྲག་པོའི་གཞུང་གི་ལྟེ་གནས་ནེ་པི་ཌོ་ནང་ཉིན་གཉིས་བཞུགས་པའི་རིང་དམག་སྤྱི་ཐན་ཤ་ལྦེ་དང་མཇལ་འཕྲད་ཐེངས་གཉིས་པ་དེ་བྱུང་བའི་སྐབས་ལྕམ་སུ་ཅི་དང་མཇལ་འཕྲད་ཡོང་བའི་འབོད་སྐུལ་ཞུས་ཀྱང་འབར་མའི་དམག་སྤྱིས་ལྕམ་སུ་ཅི་ཐོག་ད་ལྟའི་ཁྲིམས་ཁང་ནས་ཞིབ་དཔྱོད་བྱ་བཞིན་ཡོད་པར་བརྟེན་རྒྱལ་ཚོགས་ཀྱི་དྲུང་ཆེས་མཇལ་འཕྲད་གནང་རྒྱུའི་དུས་ཚོད་འོས་མཚམས་མེད་སྐོར་འགྲེལ་བཤད་བྱས་ཡོད་ལུགས་སྦན་ཀི་མུན་གྱིས་གསུངས་བཞག།

Comments

You can add a comment by filling out the form below. Plain text formatting. Please note that comments must be approved by a moderator and will not appear on this page in real time. Please check back soon to see if your comment has been posted.