༄༅༎སུད་སི་ནང་གི་བོད་དོན་རྒྱབ་སྐྱོར་ཚོགས་པས་སུད་སི་མི་དམངས་ཁྲི་དྲུག་གི་ས་ཡིག་བསྡུ་རུབ་གནང་སྟེ་སྲིད་འཛིན་པས྄་ཀལ་ཀའུ་ཅི་པིན་མཆོག་ལ་ཕྱི་ཟླ་བརྒྱད་པའི་ནང་ཚོགས་རྒྱུའི་རྒྱ་ནག་གི་ཨོ་ལིམ་པིཀ་རྩེད་འགྲན་གྱི་སྒོ་འབྱེད་མཛད་སྒོར་ཕེབས་རྒྱུ་མེད་པའི་སྙན་ཞུ་ཞིག་ཕུལ་ཡོད་པ་རེད།

སུད་སི་སྲིད་འཛིན་མཆོག་གིས་ཁ་སྔོན་ཕྱི་ཟླ་ལྔ་པའི་ཟླ་མཇུག་ཏུ་ཁོང་རྒྱ་ནག་གི་ཨོ་ལིམ་པིཀ་རྩེད་འགྲན་གྱི་སྒོ་འབྱེད་མཛད་སྒོར་ཕེབས་རྒྱུ་ཡོད་པའི་གསལ་བསྒྲགས་གནང་བའི་སྐབས་སུད་སི་ནི་རྒྱལ་སྤྱིའི་ཨོ་ལིམ་པིཀ་རྩེད་འགྲན་ཚོགས་ཆུང་གི་ལས་ཁུངས་ཨ་མ་དང་དེ་བཞིན་རྒྱལ་སྤྱིའི་རྩེད་མོའི་ཚོགས་པ་ཁག་རྟེན་གཞི་བྱེད་ཡུལ་ཞིག་ཡིན་པར་བརྟེན་ནས་སུད་སི་སྲིད་འཛིན་ཨོ་ལིམ་པིཀ་རྩེད་འགྲན་གྱི་སྒོ་འབྱེད་མཛད་སྒོར་ཕེབས་རྒྱུ་ངེས་གཏན་ཡིན་པའི་སྐོར་གསུངས་ཡོད་པར་བརྟེན་ད་རེས་སུད་སི་ནང་གི་བོད་དོན་རྒྱབ་སྐྱོར་ཚོགས་པ་བཞི་ཐུན་མོང་གི་ཐོག་ནས་སྲིད་འཛིན་རྒྱ་ནག་གི་ཨོ་ལིམ་པིཀ་རྩེད་འགྲན་གྱི་སྒོ་འབྱེད་འཛད་སྒོར་ཕེབས་རྒྱུ་མེད་པའི་འབོད་སྐུལ་གྱི་ས་ཡིག་བསྡུ་རུབ་ཀྱི་ལས་འགུལ་ཞིག་གོ་སྒྲིག་གནང་སྟེ་སྙན་ཞུ་དེ་བཞིན་རེས་གཟའ་ཕུར་བུའི་ཉིན་སུད་སི་གཞུང་ལ་ཕུལ་བ་དང་ད་དུང་དེ་ཉིན་ཚོགས་པ་བཞིས་སུད་སི་གཞུང་གིས་རྒྱ་ནག་གི་ཨོ་ལམ་པིཀ་རྩེད་འགྲན་གྱི་རིང་ལ་རྒྱ་ནག་གཞུང་གི་བཙན་གནོན་འོག་གནས་པའི་བོད་མ་བརྗེད་པ་བྱེད་དགོས་ཞེས་པའི་ལས་འགུལ་ཞིག་ཀྱང་སྤེལ་ཡོད་པ་རེད༎