ពលរដ្ឋ​មិន​ពេញ​ចិត្ត​ចំពោះ​ការ​ដំឡើង​ពន្ធ​យាន​យន្ត

បន្ទាប់​ពី​សភា​បាន​អនុម័ត​ច្បាប់​ស្តីពី​ការ​គ្រប់គ្រង​ថវិកា​សម្រាប់​ឆ្នាំ​២០១០ ដែល​បាន​បង្កើន​ការ​យក​ពន្ធ​បន្ថែម​លើ​មធ្យោ​បាយ​ដឹក​ជញ្ជូន​និង​យាន​ជំនិះ​គ្រប់​ភេទ​នោះ ធ្វើ​ឲ្យ​ប្រជាពលរដ្ឋ​មួយចំនួន​មាន​ការ​ព្រួយ​បារម្ភ។
ដោយ ហ្សាការីយ៉ា
2009.12.09
ចរាចរណ៍ ចរាចរណ៍​នៅ​លើ​ដងផ្លូវ​ក្នុង​ទីក្រុង​ភ្នំពេញ ។
AFP Photo

ប្រជាពលរដ្ឋ​ក៏​ដូច​ជា​មន្រ្តី​អង្គការ​សង្គម​ស៊ីវិល​បាន​សម្តែង​នូវ​ការ​មិន​ពេញ​ចិត្ត​ចំពោះ​រដ្ឋាភិបាល​ ដែល​បាន​យក​ពន្ធ​បន្ថែម​លើ​មធ្យោបាយ​ដឹក​ជញ្ជូន​និង​យាន​ជំនិះ​គ្រប់​ប្រភេទ ខណៈ​ដែល​ប្រទេស​កម្ពុជា​កំពុង​ជួប​នូវ​វិបត្តិ​សេដ្ឋកិច្ច ហើយ​ថា ការ​ដំឡើង​ថ្លៃ​ពន្ធ​នេះ​ជា​ការ​គាប​សង្កត់​មក​លើ​ពលរដ្ឋ។

ប្រជាពលរដ្ឋ​ទាំង​នោះ​បាន​លើក​ឡើង​ទៀត​ថា ការ​ដំឡើង​ថ្លៃ​បង់​ពន្ធ​ទាំង​លើ​យាន​យន្ត​គ្រប់​ប្រភេទ​នេះ គឺ​ប៉ះពាល់​ដល់​ជីវភាព​របស់​ពួក​គេ និង​ផ្ទុយ​ពី​ប្រទេស​ដទៃ ដែល​ការ​កំណត់​តម្លៃ​បង់​បន្ថែម​នេះ​រដ្ឋាភិបាល​មិន​បាន​បញ្ជាក់​ហេតុផល​ច្បាស់​លាស់ ថា​តើ​យក​ថវិកា​នោះ​ទៅ​ប្រើប្រាស់​លើ​ផ្នែក​អ្វី​នោះ?

ការ​យក​ពន្ធ​បន្ថែម​លើ​មធ្យោបាយ​ដឹក​ជញ្ជូន​និង​យាន្ត​ជំនិះ​គ្រប់​ប្រភេទ​នេះ បាន​ប្រកាស​ឡើង​កាល​ពី​ថ្ងៃ​ទី​១ ធ្នូ នៅ​ពេល​ដែល​សភា​ជាតិ​បាន​អនុម័ត​លើ​សេចក្តី​ព្រាង​ច្បាប់​ស្តីពី​ហិរញ្ញវត្ថុ សម្រាប់​ការ​គ្រប់គ្រង​ឆ្នាំ​២០១០ ដែល​មាន​ការ​អនុម័ត​ពី​សមាជិក​សភា​ចំនួន ៨១ លើ ១០៣ សំឡេង។

នៅ​ក្នុង​ពេល​ប្រជុំ​អនុម័ត​ច្បាប់​នេះ​ក៏​មាន​ការ​ជំទាស់​ដ៏​តឹងតែង​ដែរ​ពី​សមាជិក​សភា​គណបក្ស សមរង្ស៊ី ដែល​ពួក​គេ​ចាត់ទុក​ការ​បន្ថែម​ការ​បង់​ពន្ធ​រថយន្ត​ឡើង​ថ្លៃ​នេះ ថា​ជា​ការ​ដាក់​បន្ទុក​ថែម​ទៀត​មក​លើ​ប្រជាពលរដ្ឋ។

លោក សុន ឆ័យ ជា​តំណាង​រាស្រ្ត​គណបក្ស សមរង្ស៊ី មណ្ឌល​ភ្នំពេញ បាន​មាន​ប្រសាសន៍​ថា ការ​ដំឡើង​ពន្ធ​នេះ​វា​ប៉ះពាល់​ធ្ងន់ធ្ងរ​ដល់​ប្រជាពលរដ្ឋ ពិសេស​គឺ​ប្រជាពលរដ្ឋ​អ្នក​ប្រកប​របរ​ដឹក​ជញ្ជូន ដែល​ការ​ដំឡើង​ថ្លៃ​បង់​ពន្ធ​គិត​ជា​កម្លាំង​សេះ​នេះ ហើយ​រដ្ឋាភិបាល​មិន​បង្ហាញ​អំពី​ការ​ដំឡើង​ថ្លៃ​ពន្ធ​យក​ថវិកា​ទៅ​ធ្វើ​អ្វី​ពិត​ប្រាកដ​ទេ។

លោក សុន ឆ័យ បញ្ជាក់​ថា ៖ «យើង​ឃើញ​ថា មន្ត្រី​ពន្ធដារ​ដាក់​តុ​ក្រោម​ដើម​ពោធិ៍​នៅ​កៀន​ផ្លូវ នៅ​ពេល​ខ្យល់ ឃើញ​ប៉ើង​កៅអី ប៉ើង​ក្រដាស​អី អនាធិបតេយ្យ។ បើ​អ្នក​ណា​ទិញ​រថយន្ត​នៅ​ខែ​១២ ឬ​ខែ​១១ ត្រូវ​បង់​មួយ​ឆ្នាំ​ដូច​រថយន្ត​គេ​ប្រើ​នៅ​ខែ​មករា អត់​មាន​របៀប​របប​ទេ។ ដូច្នេះ​យើង​ប្រឆាំង​ដាច់ខាត​ក្នុង​ការ​រៀបចំ​ដំឡើង​ពន្ធ​លើ​ការ​ដឹក​ជញ្ជូន​នេះ»

លោក គាត ឈន់ រដ្ឋមន្ត្រី​ក្រសួង​សេដ្ឋកិច្ច​និង​ហិរញ្ញវត្ថុ មាន​ប្រសាសន៍​ក្នុង​កិច្ច​ប្រជុំ​សភា​ថា ការ​កំណត់​ដំឡើង​ពន្ធ​ផ្លូវ និង​ប្រមូល​ពន្ធ​លើ​អចលន​ទ្រព្យ រួម​មាន​ ដី​ធ្លី ផ្ទះ​សម្បែង អគារ​សំណង់​នានា​នោះ ជា​វិធាន​ការ​រក​ចំណូល​បន្ថែម ក្នុង​កាលៈទេសៈ​ប្រទេស​កម្ពុជា​ជួប​នឹង​វិបត្តិ​សេដ្ឋកិច្ច​ហិរញ្ញវត្ថុ​នា​ពេល​បច្ចុប្បន្ន។

តើ​ការ​បង្កើត​នៃ​តម្លៃ​ការ​បង់​ពន្ធ​យាន​ជំនិះ​នេះ​ប៉ះ​ពាល់​អ្វី​ខ្លះ​ដល់​ប្រជា​ពលរដ្ឋ ពិ​សេស​ក្រុម​អ្នក​រត់​តាក់ស៊ី?

បុរស​អ្នក​រត់​តាក់ស៊ី ភ្នំពេញ​-​កំពត ឈ្មោះ វ៉ាន់ ថន បាន​និយាយ​ថា ការ​កំណត់​ឲ្យ​បង់​ពន្ធ​បន្ធែម​នេះ គឺ​ប៉ះ​ពាល់​យ៉ាង​ខ្លាំង​ដល់​ជីវភាព​អ្នក​រត់​តាក់ស៊ី ដោយ​លោក​បាន​បញ្ជាក់​ថា អ្នក​រត់​តាក់​ស៊ី​ជា​ជម្រើស​ចុង​ក្រោយ​របស់​ពួក​គេ​ដែល​គ្មាន​ការងារ​ធ្វើ ហើយ​បាន​សន្សំ​លុយ​ទិញ​ឡាន​រត់​តាក់ស៊ី។ កម្រៃ​ដែល​រក​បាន​គឺ​ល្មម​តែ​ចំណាយ​ប្រចាំ​ថ្ងៃ មិន​សល់​លុយ​នោះ​ទេ ដោយ​លោក​បន្ថែម​ដូច្នេះ ៖ «បើ​គិត​ទៅ​សម្រាប់​អ្នក​រកស៊ី​ជីវភាព​ប្រចាំ​ថ្ងៃ​គឺ​ជា​បន្ទុក​មួយ​ដ៏​ធ្ងន់​ដែរ ប៉ុន្តែ​ចង់​ឲ្យ​រដ្ឋាភិបាល​គិតគូរ​រឿង​ហ្នឹង​បន្តិច​ផង​ណា៎!»​។

ក្រុម​អ្នករត់​តាក់ស៊ី​ជា​ច្រើន​ទៀត​បាន​សម្ដែង​នូវ​ការ​មិន​ពេញ​ចិត្ត​ដូច​ៗគ្នា ចំពោះ​ការ​បង្កើន​នៃ​ការ​បង់​ពន្ធ ១០០%​នេះ ដែល​ពួក​គេ​បាន​ថ្លែង​ថា នេះ​ជា​បញ្ហា​ចោទ​យ៉ាង​ខ្លាំង​នៃ​ការ​កាត់​បន្ថយ​ចំណូល​ របស់​ពួក​គេ និង​ជា​បន្ទុក​មួយ​ទៀត​ដែរ​ក្រៅពី​ប្រេង​សាំង​កាន់តែ​ឡើង​ថ្លៃ​ជា​បន្តបន្ទាប់​កន្លង​មក​នោះ ៖ «គ្រាន់​ថា សូម​សំណូមពរ​ឲ្យ​រដ្ឋាភិបាល​ជួយ​គិតគូរ​បន្ធូរបន្ថយ ដូច​ជា​ប្រេង ពន្ធ សាំង​ឡើង​ថ្លៃ សព្វសារពើ​ហ្នឹង ដូច​ជា​រដ្ឋាភិបាល​មិន​សូវ​គិតគូរ​ទេ! ទេ​ឡាន​បើ​សិន​ជា​បង់​ពន្ធ​អស់... ភាគ​ច្រើន​ច្រើន​ដាក់​រាជការ (ដើម្បី​មិន​បង់​ពន្ធ​)»

លោក ជាម យៀប ជា​មន្រ្តី​ជាន់​ខ្ពស់​គណបក្ស​ប្រជាជន​កម្ពុជា និង​ជា​ប្រធាន​គណៈកម្មការ​សេដ្ឋកិច្ច​និង​ហិរញ្ញវត្ថុ​នៃ​រដ្ឋ​សភា មាន​ប្រសាសន៍​ថា ខណៈ​ដែល​សេដ្ឋកិច្ច​ពិភពលោក​មាន​ការ​ធ្លាក់​ចុះ គឺ​រដ្ឋាភិបាល​ខ្មែរ​មាន​ការ​លំបាក​ក្នុង​ការ​រក​ប្រភព​ចំណូល​សម្រាប់​បង្កើន​ថវិកា​ជាតិ គឺ​មាន​តែ​ការ​បង្កើន​នៃ​ការ​បង់​ពន្ធ​នេះ​ដើម្បី​បង្កើន​ថវិកា​ជាតិ។

លោក ជាម យៀប បាន​បញ្ជាក់​ថា ៖ «រាជ​រដ្ឋាភិបាល​មាន​ការ​លំបាក​លំបិន​ណាស់ ក្នុង​ការ​កៀរគរ​រក​ប្រភព​ចំណូល​បំពេញ​ការ​ចំណាយ​នោះ ដោយសារ​តែ​វិប្បត្តិ​សេដ្ឋកិច្ច​សកល»

គណបក្ស​សិទ្ធិ​មនុស្ស​កាល​ពី​ថ្ងៃ​ទី​១ ធ្នូ ក៏​បាន​ចេញ​សេចក្តី​ថ្លែង​ការណ៍​ភ្លាមៗ​បន្ទាប់​ពី​សភា​បាន​អនុម័ត​ច្បាប់​ស្តីពី​ការ​គ្រប់គ្រង​ហិរញ្ញ​វត្ថុ​សម្រាប់​ឆ្នាំ​២០១០ ដែល​បង្កើន​ចំណាយ​រហូត​ដល់​ជាង ២​ពាន់​លាន​ដុល្លារ​អាមេរិក​នោះ។

គណបក្ស​សិទ្ធិ​មនុស្ស​យល់​ឃើញ​ថា ការ​បង្កើន​ការ​យក​ពន្ធ​បន្ថែម​ទៅ​លើ​ពន្ធ​ផ្លូវ ​ដី​ធ្លី​ ផ្ទះ​ និង​ការ​ដំឡើង​ពន្ធ​យាន​យន្ត​នៅ​ឆ្នាំ​២០១០ ថា​ជា​ការ​ដាក់​បន្ទុក​ទៅ​លើ​ប្រជាពលរដ្ឋ​ដោយ​ខ្វះ​សមធម៌ និង​មិន​សមស្រប​តាម​ពេល​វេលា​ដែល​ប្រជាពលរដ្ឋ​កំពុង​ទទួល​រង​នូវ​វិបត្តិ​សេដ្ឋកិច្ច​នោះ​ឡើយ។

ប្រធាន​ក្រុម​អ្នក​ច្បាប់​ការពារ​សិទ្ធិ​កម្ពុជា លោក សុក សំអឿន បាន​បញ្ជាក់​ថា ការ​យក​ពន្ធ​បន្ថែម​នេះ​គឺ​មិន​ប៉ះពាល់​ដល់​ជីវភាព​ប្រជាពលរដ្ឋ​ជា​ទូទៅ​ទេ គឺ​មាន​ប្រជាពលរដ្ឋ​មួយចំនួន​ទេ​ដែល​មាន​រថយន្ត​ប្រើប្រាស់​នោះ។

នាយក​ប្រតិបត្តិ​វិទ្យាស្ថាន ខ្មែរ​សម្រាប់​អភិវឌ្ឍន៍​ជាតិ លោក សន ជ័យ បាន​លើក​ឡើង​ថា អំពើ​ពុក​រលួយ​នៅតែ​បន្ត​កើត​មាន​នៅ​កម្ពុជា ហើយ​រដ្ឋាភិបាល​បាន​បង្កើន​ការ​បង់​ពន្ធ​យាន​ជំនិះ​នេះ គឺ​ជា​ប្រធានបទ​ក្តៅ​គគុក​មួយ​សម្រាប់​ប្រជាពលរដ្ឋ​ដែល​កំពុង​តែ​រង​នូវ​ផល​ប៉ះពាល់​នៃ​វិបត្តិ​សេដ្ឋកិច្ច។

លោក សុន ឆ័យ បាន​បន្ថែម​ថា កន្លង​មក​អ្នក​ដែល​បាន​បង់​ពន្ធ​យាន​យន្ត​បាន​តែ​ប្រមាណ​ជា ៦០%​ប៉ុណ្ណោះ រដ្ឋាភិបាល​គួរតែ​ប្រមូល​ពន្ធ​ឲ្យ​បាន​អស់ និង​លុប​បំបាត់​អំពើ​ពុក​រលួយ​ប្រសើរ​ជាង។

លោក​បាន​បន្ថែម​ថា ៖ «ការ​បន្ថែម​ពន្ធ​បែប​ហ្នឹង​មិន​មែន​ជា​ការ​លើក​ទឹក​ចិត្ត​ឲ្យ​ពលរដ្ឋ​បង់​ពន្ធ​ទេ​ ពី​ព្រោះ​វា​ហួស​សមត្ថភាព ទោះ​បី​នៅ​អូស្រ្តាលី សហរដ្ឋ​អាមេរិក ក៏​គេ​មិន​ដែល​បង់​ពន្ធ​កម្រិត​ហ្នឹង​ដែរ។ កម្រិត​ហ្នឹង​គឺ​សម​នឹង​ប្រទេស​ដែល​រក​ចំណូល​ម្នាក់ៗ មួយ​ខែ យ៉ាង​តិច​ណាស់​ក៏ ៥.០០០​ដុល្លារ​អាមេរិក ទើប​គេ​បង់​ពន្ធ​បែប​ហ្នឹង»

លោក សុន ឆ័យ បាន​អះអាង​ទៀត​ថា ក្នុង​មួយ​ឆ្នាំៗ​រដ្ឋ​សភា​បាន​អនុញ្ញាត​ឲ្យ​រដ្ឋាភិបាល​ខ្ចី​បុល​គេ​ក្នុង​ការ​អភិវឌ្ឍ​ប្រទេស​ប្រមាណ ៣៥០​លាន​ដុល្លារ​ទេ តែ​ក្នុង​ឆ្នាំ​២០០៩​នេះ រដ្ឋាភិបាល​បាន​រំលោភ​សិទ្ធិ​សភា ដោយ​បាន​ខ្ចី​បុល​បរទេស​រហូត​ដល់ ៧០០​លាន​ដុលា្លរ​អាមេរិក នេះ​ជា​បញ្ហា​ក្នុង​ការ​ប្រើប្រាស់​ថវិកា​របស់​រដ្ឋាភិបាល។

ការ​បង់​ពន្ធ​រថយន្ត​ទេសចរណ៍​គ្រប់​ប្រភេទ គឺ​កម្លាំង​ម៉ាស៊ីន​លើស​ពី ១២​សេះ ដល់ ១៧​សេះ គិត​ពី​ឆ្នាំ​ផលិត​ដល់ ៥​ឆ្នាំ គឺ​បង់​ពន្ធ ៥​សែន​រៀល លើស​ពី ៥​ឆ្នាំ គឺ ៣​សែន​៦​ម៉ឺន​រៀល ហើយ​កម្លាំង​សេះ​លើស​ពី ១៧​សេះ ដល់ ២៤​សេះ ចំនួន ១​លាន​៦​សែន​រៀល បើ​លើស​ពី ៥​ឆ្នាំ គិត​ពី​ឆ្នាំ​ផលិត គឺ ១​លាន​២​សែន​រៀល។ ចំពោះ​កម្លាំង​ម៉ាស៊ីន​លើស​ពី ២៤​សេះ​ឡើង​ទៅ គឺ ២​លាន​រៀល។

លោក សន ជ័យ ក៏​ដូច​ជា​លោក សុន ឆ័យ បាន​ឲ្យ​ដឹង​ដូចគ្នា​ថា រដ្ឋាភិបាល​គួរ​តែ​រឹត​បន្តឹង​ការ​ប្រើប្រាស់​ថវិកា​ជាតិ​និង​ការ​ប្រើប្រាស់​ថវិកា​ទាំង​នោះ​ឲ្យ​ចំ​គោល​ដៅ ព្រោះ​កន្លង​មក​ការ​គ្រប់គ្រង​ចំណូល​មិន​សូវ​ច្បាស់​លាស់​និង​មិន​មាន​តម្លាភាព៕

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

មតិយោបល់៖

Anonymous
Dec 09, 2009 11:06 AM

Well, this one fear for increase taxing viechle or motocyle. if compare to any top countries, US, Canada,or France , Cambodia is very very exspensive. Anyway, how much they could save money a year? even poor people i think they can earn even one dollar USD. for people at country side. we work for people right? why we have to increase on the tax?

Anonymous
Dec 09, 2009 05:06 PM

I talked to many frieds about increasing tax on vihicles and tax on house. We do not agree with the Goverment and national assembly at all. We do not belive the government to manage this budget propoerly. It is lack of accountability and transparency to use national budget. It is very important to improve financial management system and mechanism. Every month, I paid my salary tax 5%, I do not know there my money go, even though, I could not see the receipt of payment, we asked them to get receive. They responded to go see in the National Bank. We would like to encourage to RFA monitoring and asked questions to the government how demonstrate their ability and capacity to manage use national budget properly. Thanks.

Anonymous
Dec 08, 2009 05:06 PM

The government of Cambodia is the craziest in the world. Never care about people, the more richer the more powerful. Hun Sen government is the worst government. He want to reduce poverate or want to kill the poor people?????

Anonymous
Dec 08, 2009 11:39 PM

I am not opposit party or anti government ,i am just a Cambodian. I would like to say that actuall government become crazy especially minster of finance that incraese car road tax and take tax from land or house to make more government budget available. Now everyone are facing of finacial problem because of global crisis so this obviousely wil put more problem to Cambodian. HE keat Chun should enforce present tax collection law in order to collect as much as posssible, he could not do this and he get Cambodian to be responsible it really funy ,I think if the containor is leading, it is not possible to fufill . I know he is Msater or PHD from French . but there are also this kind of high education crazy as well Eg Pol Pot.........the more education the more crazy he is

Anonymous
Dec 09, 2009 02:31 PM

The first time I want to thanks RFA Radio that made people can read,listen about hot news in the world.so I thinking of tax viechle or house in Cambodia is like robbing all people that poor living in Cambodia.The government in Cambodia should to know clearly about people's life style.Government has said " Hoever Other Country has problem economic,but Cambodia hasn't problem economic"This time government said Cambodia has problem economic,so will collect tax on viechle and house after will collect tax what?I don't mine about Party people or party Sam Ramsi,but I just want the government has ability development country that make people has job,income in government,has company investment.I just want lifestyle as present.And I want the government has ability work for country as other country Singapore,Vietnam,Malaysia,China,Australi...ect.Please the government thiking of poeple poor and delete all this tax also.Thanks

Anonymous
Dec 09, 2009 01:26 AM

They said ,the reson to RAISE TAX because government has no money. Sound it right because Cambodia has no more tree to cut down.....

Anonymous
Dec 09, 2009 01:41 PM

Thanks to the royal government of cambodia that increase new tax rate to cambodian people. i would like to add some request to the government that they should increase 100% more not 50% to increase the budget of government for expenses in 2010. hope fully members of parliament from CPP will agree with this request.('')