ស្របពេលអ្នកនយោបាយ និងប្រជាពលរដ្ឋភាគច្រើនកំពុងចាប់អារម្មណ៍នឹងរឿងនយោបាយ និងការឃោសនាបោះឆ្នោត តំណាងមជ្ឈមណ្ឌលសម្រាប់ការស្រាវជ្រាវនិងអភិវឌ្ឍន៍កសិកម្ម លោក បណ្ឌិត យ៉ង់ សាំងកុមារ បានទាញអារម្មណ៍ប្រជាពលរដ្ឋឲ្យងាកមកគិតគូររឿងធ្វើស្រែចម្ការផង ព្រោះរដូវដកស្ទូងចូលមកដល់ហើយ។
បន្ថែមលើនេះ លោកបានអំពាវនាវឲ្យប្រជាពលរដ្ឋរស់នៅស្រុកស្រែចម្ការនាំគ្នាប្រមូលទឹកភ្លៀងទុកប្រើប្រាស់ប្រចាំថ្ងៃក្នុងផ្ទះផង និងជីកស្រះផង សម្រាប់ផ្ទុកទឹកស្រោចស្រពដំណាំកសិកម្មពេលរដូវរាំងស្ងួតនិងរដូវប្រាំង ដើម្បីកុំឲ្យស្រូវខូច។ រូបថតដោយ វោហារ ជាតិ
១-កសិករបររទេះដឹកនង្គ័លទៅភ្ជួរស្រែនៅស្រុកសំរោងទង ខេត្តកំពង់ស្ពឺ។ រូបថតថ្ងៃទី៦ មិថុនា ឆ្នាំ២០១៣
២-កសិករភ្ជួរស្រែនៅស្រុកសំរោងទង ខេត្តកំពង់ស្ពឺ។ រូបថតថ្ងៃទី៦ មិថុនា ឆ្នាំ២០១៣
៣-កសិករស្រុកសំរោងទង ខេត្តកំពង់ស្ពឺ ដកសំណាប។ រូបថតថ្ងៃទី៦ មិថុនា ឆ្នាំ២០១៣
៤-កសិករស្រុកសំរោងទង សម្រាកស្រស់ស្រូបអាហារពេលព្រឹកក្រោយដកស្ទូង។ រូបថតថ្ងៃទី៦ មិថុនា ឆ្នាំ២០១៣
៥-កសិករនាំគ្នាងូតទឹកត្រពាំង ក្បែរវាលស្រែមួយនៅស្រុកសំរោងទង ខេត្តកំពង់ស្ពឺ ក្រោយដកស្ទូងពេលព្រឹករួច។ រូបថតថ្ងៃទី៦ មិថុនា ឆ្នាំ២០១៣
៦-កសិករភ្ជួររងចម្ការល្ពៅក្រោយផ្ទះនៅ ស្រុកសំរោងទង ខេត្តកំពង់ស្ពឺ។ រូបថតថ្ងៃទី៦ មិថុនា ឆ្នាំ២០១៣
៧-ក្រោយភ្ជួររួច កសិករយកស្មៅចេញនិងពូនរងល្ពៅក្រោយផ្ទះ នៅស្រុកសំរោងទង ខេត្តកំពង់ស្ពឺ។ រូបថតថ្ងៃទី៦ មិថុនា ឆ្នាំ២០១៣
៨-ប្រជាពលរដ្ឋនៅស្រុកសំរោងទង ខេត្តកំពង់ស្ពឺ រៀបចំស្ដារពាងសម្រាប់ត្រងទឹកភ្លៀងទុកប្រើប្រាស់។ រូបថតថ្ងៃទី៦ មិថុនា ឆ្នាំ២០១៣
៩-ក្មេងៗនៅស្រុកសំរោងទង នាំគ្នាលេងទឹកភ្លៀង។ រូបថតថ្ងៃទី៧ មិថុនា ឆ្នាំ២០១៣
១០-ក្មេងៗនៅស្រុកសំរោងទង នាំគ្នាលេងទឹកភ្លៀង។ រូបថតថ្ងៃទី៧ មិថុនា ឆ្នាំ២០១៣
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។