សមត្ថកិច្ចចាប់អ្នកជួញដូរគ្រឿងញៀន២នាក់នៅស្ទឹងត្រែង
2011.03.01
ការបង្ក្រាបការចរាចរគ្រឿងញៀននេះ ធ្វើឡើងកាលពីថ្ងៃច័ន្ទ ទី២៨ ខែកុម្ភៈ ឆ្នាំ២០១១ ហើយនេះគឺជាការបង្ក្រាបការចរាចរគ្រឿងញៀនដ៏ធំលើកដំបូងនៅខេត្តស្ទឹងត្រែង នៅដើមឆ្នាំ២០១១នេះ។
ប្រធានការិយាល័យប្រឆាំងគ្រឿងញៀននៃស្នងការប៉ូលិសខេត្តស្ទឹងត្រែង លោក នូ ហន មានប្រសាសន៍បញ្ជាក់ថា ជនល្មើសដែលប៉ូលិសចាប់ខ្លួនទាំងពីរនាក់មានឈ្មោះ សុវណ្ណ សាវ៉ាន អាយុ ៤០ឆ្នាំ និងឈ្មោះ ប៊ុន រស្មី អាយុ ១៧ឆ្នាំ អ្នកទាំងពីររស់នៅឃុំព្រះរំកិល ស្រុកថាឡាបរិវ៉ាត់ ខេត្តស្ទឹងត្រែង។
លោកបន្តថា អ្នកទាំងពីរត្រូវបណ្ដាញប៉ូលិសស្ទាក់ចាប់នៅខណៈពេលកំពុងធ្វើដំណើរតាមម៉ូតូពីតំបន់ព្រំដែនលាវ មកដល់ភូមិសាស្ត្រឃុំព្រះរំកិល ដោយមានថ្នាំញៀនដ៏ច្រើននាំចូលមកកាន់ខេត្តស្ទឹងត្រែង ៖ «មានព័ត៌មានមកថា មានមុខសញ្ញាសង្ស័យមួយកំពុងជួញគ្រឿងញៀនពីព្រំដែនមកតាមច្រកព្រះរំលិល ហើយដល់យើងធ្វើការស្ទាក់ទៅត្រួតពិនិត្យឃើញតែម្ដង។ គាត់ថា គេឲ្យតម្លៃគាត់ ៣០០ដុល្លារកាន់ពីហ្នុងមកដល់ចំណុចថាឡាបរិវ៉ាត់ហ្នឹងណា!»។
នៅក្នុងរយៈពេលពីរខែដើមឆ្នាំ២០១១នេះ របាយការណ៍របស់ការិយាល័យប្រឆាំងគ្រឿងញៀន ស្នងការប៉ូលិសខេត្តស្ទឹងត្រែង ឲ្យដឹងថា បានបង្ក្រាបការចរាចរ និងជួញដូរគ្រឿងញៀន ៥ករណី ឃាត់ខ្លួនជនល្មើសបាន ៩នាក់បញ្ជូនទៅតុលាការ និងរឹបអូសគ្រឿងញៀនសរុបជិត ៤ម៉ឺនគ្រាប់ និងម្សៅញៀនជាងកន្លះគីឡូក្រាម។
មន្ត្រីប៉ូលិសដដែលឲ្យដឹងថា ជនល្មើសទាំងពីរនឹងត្រូវបញ្ជូនទៅកាន់តុលាការនៅរសៀលថ្ងៃអង្គារ ទី១ ខែមីនា ឆ្នាំ២០១១នេះ ដើម្បីវិនិច្ឆ័យទោស៕
អត្ថបទពេញនិយម
RFA
- សភាកម្ពុជាប្រតិកម្មទៅនឹងការសម្រេចរបស់សភាអឺរ៉ុបរឿងដកប្រព័ន្ធអនុគ្រោះពន្ធEBA បន្ថែម
- កម្ពុជារកចំណូលបាន ១.៤ពាន់លានដុល្លារ ពីកំណើនភ្ញៀវទេសចរបរទេសក្នុងឆ្នាំ២០២២
- ស្ត្រីដែលគ្រូពេទ្យវះកាត់ខុសបច្ចេកទេសបានបាត់បង់ជីវិត
- លោក ហ៊ុន សែន ជួយលោក ហ៊ុន ម៉ាណែត ឱ្យឡើងសក្ដិមួយកម្រិតទៀត
- លោក ហ៊ុន សែន មិនគាំទ្រដីកាតុលាការICCដើម្បីចាប់ខ្លួនមេដឹកនាំរុស្ស៊ី
អត្ថបទពេញនិយម
ព័ត៌មានថ្មីៗ
- សហមេធាវីប្រតិកម្មរឿងសមត្ថកិច្ចយាមផ្ទះ មិនឲ្យជួបលោក កឹម សុខា គឺជារឿងផ្ទុយពីច្បាប់
- មេសហជីពកញ្ញា ឈឹម ស៊ីថរ ត្រូវបានជ្រើសរើសឲ្យទទួលពានរង្វាន់របស់រដ្ឋាភិបាលស៊ុយអែត
- តំណាងរាស្ត្រសភាអឺរ៉ុបព្រមានស្នើដក EBA បន្ថែមទៀតពីកម្ពុជាបើការបោះឆ្នោតមិនស្របតាមស្តង់ដារ
- លោក ហ៊ុន សែន ប្រើលុយដើម្បីដោះស្រាយបញ្ហាកម្មករក្នុងពេលរោងចក្រជាច្រើនបិទទ្វារ
- រដ្ឋាភិបាលខ្មែរមិនខ្វល់រឿងសភាអឺរ៉ុបព្រមានដកប្រព័ន្ធអនុគ្រោះពន្ធ EBA បន្ថែមពីកម្ពុជា