ពលរដ្ឋម្នាក់អះអាងថា ផ្ទះគាត់ត្រូវកម្មករក្រុមហ៊ុនសូគីម៉ិច ប្រើគ្រឿងចក្រកាយរំលំ ហើយនៅម៉ោងជាង ១១ថ្ងៃត្រង់ ថ្ងៃទី២៥ ខែមីនានេះ ពេលគាត់មកដល់ផ្ទះស្រាប់តែឃើញផ្ទះគាត់ក្លាយជាគំនរឈើដែលគេដឹកយកចេញ ទ្វារ បង្អូច ជញ្ជាំងក្ដារជាដើម។
អ្នកភូមិបានបញ្ជាក់ថា ពួកគាត់គ្មានកន្លែងស្នាក់នៅទេ ហើយគ្រោងនឹងបោះតង់រស់នៅបណ្ដោះអាសន្នក្បែរនោះ។ អ្នកភូមិបានអះអាងថា ពួកគាត់បានមករស់នៅលើដីនេះតាំងពីឆ្នាំ១៩៩៣មក តែនៅឆ្នាំ២០០១ ស្រាប់តែមានបណ្ដឹងពីក្រុមហ៊ុនសូគីម៉ិច ចោទថា ពលរដ្ឋ ៧៣គ្រួសារក្នុងភូមិ៣ ឃុំត្រែងត្រយឹង រស់នៅលើដីគេទៅវិញ៕