បុរសដដែលបានឲ្យដឹងថា ៖ «ឈ្មោះ អ៊ូ ដត ជាគ្រូបង្រៀនធម្មតា។ ខ្ញុំនៅស្រុកត្រាំកក់ ខ្ញុំមកលេងស្រុកគិរីវង់ ខ្ញុំចង់មើលព្រំដែន ក៏ជិះម៉ូតូ២-៣នាក់ ខ្ញុំជិះពីក្រោយគេទេ ជិះទៅវាជ្រុលចូលដីគេប្រហែល៥០ម៉ែត្រ។ ខ្ញុំឃើញទង់ជ័យ ពេលចូលទៅប៉ូលិសយួនហ្នឹង ឆ្លងកាត់វាពីរប៉ុស្ដិ៍ ប៉ូលិសខ្មែរមួយប៉ុស្ដិ៍ វាអត់ឃាត់យើងផង។ ដល់ខ្ញុំឃើញទង់ជាតិគេ ខ្ញុំឲ្យគ្រូយើងបត់ម៉ូតូមកវិញ។ ដល់បត់មកវិញដល់ប៉ុស្តិ៍វាទី១ហ្នឹង វាឃាត់ឲ្យឈប់ ខ្ញុំអត់ឲ្យឈប់ ខ្ញុំថាកាលទៅអត់ឃាត់មកវិញចាំឃាត់ បើចូលមកដីខ្មែរវិញហើយ។ ដល់អ៊ីចឹងវាខឹងខ្ញុំ ប្រតប់ប្រតាយខ្ញុំ ទាញចូលទៅបន្ទប់វា មួយជង្គង់វា ២នាក់មាឌធំៗអុកគូទខ្ញុំ វាលែងដៃខ្ញុំទៅដួលលើឥដ្ឋការ៉ូហ្នឹង ហើយបែកចិញ្ចើមខាងស្ដាំប្រហែល២ថ្នាំងដៃ។ វាអត់មានសួរនាំអីខ្ញុំ ខ្ញុំឲ្យកាតគ្រូខ្ញុំមើល។ ខ្ញុំថា ខ្ញុំអត់ដឹង ខ្ញុំអចេតនា»។
លោកថានឹងមិនប្តឹងទៅអាជ្ញាធរមានសមត្ថកិច្ចលើករណីបង្ករបួសនេះឡើយ។ មកទល់ពេលនេះមិនទាន់រកបាននូវប្រតិកម្មពីអាជ្ញាធរទាំងកម្ពុជា ទាំងយៀកណាម ដើម្បីបញ្ជាក់ព័ត៌មាននេះនៅឡើយទេ៕