បញ្ហាថ្លៃសេវាសម្រាប់អ្នកដំណើរនៅកម្ពុជា
2011.03.03
ភ្នាក់ងារក្រុមហ៊ុនបម្រើសេវាកម្មទេសចរណ៍ក្នុងប្រទេសកម្ពុជា នឹងចាប់ផ្តើមអនុវត្តយកថ្លៃសេវាអ្នកដំណើរទាំងជនជាតិខ្មែរ និងជនជាតិបរទេស ជាមួយនឹងថ្លៃសំបុត្រយន្តហោះ រាល់ជើងហោះហើរណាដែលចេញដំណើរចាប់ពីដើមខែមេសា ឆ្នាំ២០១១ ខាងមុខនេះ។
តម្លៃពន្ធនេះ ត្រូវបូកបញ្ចូលជាមួយតម្លៃសំបុត្រយន្តហោះនោះ ត្រូវបានគេស្គាល់ថា ជាថ្លៃសេវាអ្នកដំណើរ។ អ្នកដំណើរជាមនុស្សពេញវ័យជាជនបរទេសត្រូវបង់ ២៥ដុល្លារ ហើយសម្រាប់កុមារដែលធ្វើដំណើរជាមួយអាយុក្រោម ១២ឆ្នាំ ត្រូវបង់ ១៣ដុល្លារ។ ចំណែកឯជនជាតិខ្មែរ ត្រូវបង់ ១៨ដុល្លារសម្រាប់មនុស្សពេញវ័យ និង ១០ដុល្លារ សម្រាប់ក្មេងអាយុក្រោម ១២ឆ្នាំ ហើយទារកអាយុក្រោម ២ឆ្នាំ ដែលធ្វើដំណើរជាមួយមិនតម្រូវឲ្យបង់លុយនោះទេ។ ចំពោះការធ្វើដំណើរតាមយន្តហោះនៅក្នុងស្រុកវិញ មនុស្សពេញវ័យជាជនបរទេសបង់ ៦ដុល្លារ ជនជាតិកម្ពុជា ៥ដុល្លារ ហើយទារកអាយុក្រោម ២ឆ្នាំ ធ្វើដំណើរដោយឥតបង់លុយ។
ទាក់ទងបញ្ហានេះ អ្នកលក់សំបុត្រយន្តហោះឲ្យក្រុមហ៊ុនអង្គរ ហូរីសិន ត្រាវែល (Angkor horizon Travel) មួយរូប បានឲ្យដឹងថា ក្រុមហ៊ុននេះបានលក់សំបុត្រដោយអនុវត្តទៅតាមការណែនាំបន្តពីក្រុមហ៊ុនអាកាសចរណ៍ ៖ «អាចាស់ត្រូវតែជួបជាមួយពួក Check in ហើយមានកន្លែងមួយទៀតត្រូវជួបជាមួយអ្នកបង់ពន្ធ ខ្មែរ ១៨ បរទេស ២៥ (ដុល្លារ) អ៊ីចឹងអ្នកដែលកាន់ប៉ាស្ព័រខ្មែរគេឲ្យ ៧ដុល្លារមកវិញ នេះសម្រាប់ពន្ធអ្នកដែលធ្វើដំណើរពីប្រទេសខ្មែរ។ ពន្ធព្រលានរបស់គេបូកអស់ហើយ នៅតែរបស់ខ្មែរយើង ឥឡូវគេ update (ធ្វើបច្ចុប្បន្នភាព)ថ្មី បានយើងបូកដែរ»។
កញ្ញា វត្តី អ្នកលក់សំបុត្រឲ្យក្រុមហ៊ុនថៃ អ៊ែរវេ (Thai Airway) បានឲ្យដឹងដែរថា ក្រុមហ៊ុននេះក៏កំពុងអនុវត្តឲ្យអ្នកមកទិញសំបុត្រយន្តហោះបង់ថ្លៃសេវាអ្នកធ្វើដំណើរតាមយន្តហោះ។
កញ្ញាបន្តថា មានការលំបាកសម្រាប់ភ្ញៀវខ្មែរជាងភ្ញៀវបរទេស ដោយសារគាត់មិនទាន់យល់ច្បាស់ពីបញ្ហានេះ ៖ «យើងធ្វើការដូចជាមិនអីប៉ុន្មានទេ គ្រាន់ថា ភ្ញៀវខ្មែរយើងយ៉ាប់បន្តិច ពីព្រោះតម្លៃនេះគេដាក់សម្រាប់ភ្ញៀវបរទេស កាន់ប៉ាស្ព័របរទេស គេយក ២៥ សម្រាប់ខ្មែរយើងគេយក ១៨ដដែល តែបើខ្មែរធ្វើដំណើរក៏ត្រូវយក ២៥ ដែរ តែគេសង ៧ដុល្លារវិញ»។
រដ្ឋលេខាធិការអាកាសចរណ៍ស៊ីវិល លោក ម៉ៅ ហាស់វណ្ណាល់ ជាប់រវល់មិនទទួលទូរស័ព្ទទេ ក៏ប៉ុន្តែបញ្ហានេះ ត្រូវបានមន្ត្រីខុទ្ទកាល័យម្នាក់បានអះអាងថា អាជ្ញាធរអាកាសចរណ៍ស៊ីវិល គ្រោងនឹងបើកកិច្ចប្រជុំមួយនៅថ្ងៃទី១១ ខែមីនា ខាងមុខនេះ ដោយកោះប្រជុំពីបែបបទបញ្ចូលថ្លៃសេវាកម្មពីអ្នកដំណើរជាមួយក្រុមហ៊ុនលក់សំបុត្រយន្តហោះទាំងអស់ ដើម្បីជូនដំណឹងឲ្យអនុវត្ត និងពន្យល់នូវចម្ងល់មួយចំនួន ៖ «Airline (ក្រុមហ៊ុនអាកាសចរណ៍) ណា ដែលគាត់អនុវត្តហើយ ក៏អនុវត្ត ហើយអ្នកណាដែលមិនទាន់អនុវត្ត គាត់ឆ្ងល់ គឺយើងដោះស្រាយចម្ងល់ហ្នឹង ហើយយើងធ្វើការដោះស្រាយរួមមួយដើម្បីប្រព្រឹត្តបានល្អ»។
គួរបញ្ជាក់ថា រាល់អ្នកដំណើរដែលហោះហើរនៅមុនថ្ងៃទី១ ខែមេសា ហើយមិនទាន់បានបង់សេវាអ្នកដំណើរ ២៥ដុល្លារ នឹងត្រូវគិតគូរបង់នៅក្នុងអាកាសយានដ្ឋានដដែលដូចមុន លុះត្រាតែការទិញសំបុត្រទុកមុន ពោលគឺការទិញសំបុត្រសម្រាប់ចេញដំណើរនៅខែមេសា ទើបត្រូវបង់ថ្លៃសេវាធ្វើដំណើរនេះ៕
អត្ថបទពេញនិយម
RFA
- តុលាការដោះលែងសកម្មជនគណបក្សប្រឆាំង និយមលោក កឹម សុខា គឺលោក យឹម ស៊ីណន ឱ្យនៅក្រៅឃុំបណ្ដោះអាសន្ន
- "លោក ហ៊ុន សែន សម្ញែងនាឡិកាដៃតម្លៃរាប់លានដុល្លារ បង្ហាញថា លោកជាមេដឹកនាំពុករលួយ"
- ជប៉ុនប្រកាសមិនបញ្ជូនអ្នកសង្កេតការណ៍សំរាប់ការបោះឆ្នោតជាតិនៅខែកក្កដាខាងមុខនេះទេ
- តំណាងរាស្ត្រសភាអឺរ៉ុប ព្រមានថា នឹងមិនមានការផ្លាស់ប្ដូរឡើយ បើអឺរ៉ុបមិនដាក់សម្ពាធលើរដ្ឋាភិបាលកម្ពុជា
- ដំណើររឿងចាប់ឃុំខ្លួន និងដោះលែងលោក យឹម ស៊ីណន
អត្ថបទពេញនិយម
ព័ត៌មានថ្មីៗ
- កសិករនៅខេត្តកណ្ដាលអស់សង្ឃឹមក្នុងការដាំដុះក្រោយភ្ជួរបន្លែចោលដោយសារគ្មានទីផ្សារ
- "ការពង្រីកផ្ទៃដីទ័ពអាកាសនៅរាម នឹងនាំឱ្យសង្ស័យកាន់តែខ្លាំងពីវត្តមានទ័ពចិននៅកម្ពុជា"
- ក្រុមមេដឹកនាំបក្សភ្លើងទៀនផ្ដាំមន្ត្រីកុំចាញ់ការបំភិតបំភ័យ
- សង្គមស៊ីវិលប្រតិកម្មនឹងក្រសួងអប់រំដែលឱ្យសិស្សឈប់សំរាកយូរដើម្បីគាំទ្រកីឡាស៊ីហ្គេម
- បណ្ដុំភ្នាក់ងារកិច្ចការសម្ងាត់អាមេរិក វាយតម្លៃថា ចិននៅតែចិញ្ចឹមចិត្តចង់ដាក់មូលដ្ឋានទ័ពនៅកម្ពុជា