ប៉ូលិស​ស្ទឹង​ត្រែង​ចាប់​មនុស្ស​៤​នាក់​ពី​បទ​ជួញដូរ និង​ប្រើ​ប្រាស់​គ្រឿង​ញៀន

ប៉ូលិស​ខេត្ត​ស្ទឹង​ត្រែង​ចាប់​ខ្លួន​អ្នក​ជួញ​ដូរ និង​ប្រើ​ប្រាស់​គ្រឿង​ញៀន​ចំនួន ៤​នាក់ កាល​ពី​ថ្ងៃ​ទី​១២ កញ្ញា កន្លង​ទៅ។
ដោយ កែវ និមល
2011.09.14
Share on WhatsApp
Share on WhatsApp

បច្ចុប្បន្ន​ប៉ូលិស​បាន​កសាង​សំណុំ​រឿង​ចាប់​ខ្លួន​មនុស្ស​ទាំង ៤​នាក់​នោះ ទៅ​កាន់​តុលាការ ដើម្បី​ធ្វើ​ការ​ចោទ​ប្រកាន់។

លោក នូ ហួរ ជា​ប៉ូលិស​ប្រធាន​ការិយាល័យ​បង្ក្រាប​គ្រឿង​ញៀន​ខេត្ត​ស្ទឹង​ត្រែង។ លោក​បាន​ឲ្យ​ដឹង​នៅ​ថ្ងៃ​ទី​១៤ កញ្ញា ថា មនុស្ស​ទាំង​៤​នាក់​នោះ ជា​ជន​ជាតិ​ខ្មែរ ហើយ​ប៉ូលិស​ចាប់​បាន​នៅ​ពេល​កំពុង​ជក់។

លោក ហូ សំអុល អ្នក​ស៊ើប​អង្កេត​របស់​អង្គការ​ការ​ពារ​សិទ្ធិ​មនុស្ស​អាដហុក នៅ​ខេត្ត​ស្ទឹង​ត្រែង បាន​ឲ្យ​ដឹង​ថា លោក​បាន​ទទួល​ព័ត៌មាន​អំពី​ការ​ចាប់​ខ្លួន​នេះ តែ​លោក​មិន​ទាន់​មាន​ព័ត៌មាន​សព្វ​គ្រប់​ទាក់​ទង​ការ​ចាប់​ខ្លួន​នោះ​នៅ​ឡើយ​ទេ។

លោក ហូ សំអុល បាន​កត់​សម្គាល់​ថា ក្នុង​រយៈ​ពេល​ពី ៣​ទៅ​៤​ខែ​កន្លង​ទៅ​ថ្មីៗ​នេះ ប៉ូលិស​ខេត្ត​ស្ទឹង​ត្រែង មាន​ការ​ប្រឹង​ប្រែង​បង្ក្រាប​ការ​ជួញ​ដូរ និង​ប្រើ​ប្រាស់​គ្រឿង​ញៀន​បាន​ជា​ច្រើន​ករណី ហើយ​មាន​មនុស្ស​ដែល​ពាក់ព័ន្ធ​ការ​ជួញ​ដូរ និង​ប្រើ​ប្រាស់​គ្រឿង​ញៀន​ប្រមាណ ១០​ទៅ ២០​នាក់ បាន​ត្រូវ​ចាប់​ខ្លួន និង​បញ្ជូន​ទៅ​តុលាការ​ដើម្បី​កាត់​ទោស៕

រឿង​ដែល​គេ​អាន​​ច្រើន​បំផុត
RFA
សមត្ថកិច្ច​បញ្ជូន​មេដឹកនាំ​សហជីព​កញ្ញា ឈឹម ស៊ីថរ ទៅ​សាលាដំបូង​រាជធានី​ភ្នំពេញ
រឿង​ដែល​គេ​អាន​​ច្រើន​បំផុត
ព័ត៌មាន​ថ្មីៗ
ចិន និង​កម្ពុជា​ប្ដេជ្ញា​រឹតចំណង​មិត្តភាព​ឥត​ងាករេ
បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។