ក្រសួងសេដ្ឋកិច្ច និងធនាគារជាតិ អំពាវនាវដល់គ្រឹះស្ថានធនាគារ និងមីក្រូហិរញ្ញវត្ថុទាំងអស់ ប្រើយន្តការដោះស្រាយទន់ភ្លន់ និងកុំរឹបអូសទ្រព្យសម្បត្តិអតិថិជន ក្នុងអំឡុងពេលពួកគេ កំពុងរងគ្រោះទឹកជំនន់។ អ្នកជំនាញផ្នែកសេដ្ឋកិច្ច យល់ថា ចំណាត់ការនេះ ជារឿងល្អមួយ ប៉ុន្តែគួរតែមានការជជែកពិភាក្សាគ្នាឲ្យបានលម្អិត។
ក្រសួងសេដ្ឋកិច្ច និងហិរញ្ញវត្ថុ និងធនាគារជាតិនៃកម្ពុជា នៅថ្ងៃទី២៤ ខែសីហា បានចេញសេចក្ដីថ្លែងការណ៍រួមមួយ អំពាវនាវដល់គ្រឹះស្ថានធនាគារ និងមីក្រូហិរញ្ញវត្ថុទាំងអស់ ជួយសម្របសម្រួល និងអនុគ្រោះដល់ប្រជាពលរដ្ឋ ជាអតិថិជនរបស់ខ្លួន ស្របពេលដែលទឹកជំនន់ កំពុងជាន់លិចខេត្តមួយចំនួន បណ្ដាលឲ្យខូចខាតហេដ្ឋារចនាសម្ព័ន្ធ និងជាពិសេសផលរបរកសិកម្ម របស់ប្រជាកសិករ។
អាជ្ញាធរខេត្តបាត់ដំបងដែលជាប់ខេត្តបន្ទាយមានជ័យ ជួបកសិករច្រូតស្រូវលិចទឹកនៅក្នុងឃុំព្រែកហ្លួង ស្រុកឯកភ្នំ ខេត្តបាត់ដំបង ដែលកំពុងលិចលង់ដោយទឹកជំនន់ ថ្ងៃទី៣ ខែសីហា ឆ្នាំ ២០១៨។
រូបថត៖ រដ្ឋបាលសាលាខេត្តបាត់ដំបង
សេចក្ដីថ្លែងការណ៍រួម បានអំពាវនាវចំនួន ៣ចំណុច រួមមាន ទី១ បន្តផ្ដល់ឥណទានដោយប្រុងប្រយ័ត្ន និងមានយន្តការដោះស្រាយទន់ភ្លន់ចំពោះអតិថិជន ដែលរងផលប៉ះពាល់ពីគ្រោះទឹកជំនន់ជាក់ស្ដែង ដើម្បីរក្សាស្ថិរភាព និងភាពរឹងមាំរបស់វិស័យហិរញ្ញវត្ថុ។ ទី២ បន្តពិនិត្យ និងវាយតម្លៃលទ្ធភាព សងរបស់ប្រជាកសិករ ដែលបានរងផលប៉ះពាល់ពីគ្រោះថ្នាក់ទឹកជំនន់ សម្រាប់ជាមូលដ្ឋាន ក្នុងការបន្ថយរយៈពេលសង បន្ថយអត្រាការប្រាក់ ឬមិនយកការប្រាក់ក្នុងរយៈពេលណាមួយ និងមិនត្រូវរឹបអូសទ្រព្យសម្បត្តិ របស់ប្រជាកសិករ ព្រមទាំងផ្ដល់ដំណោះស្រាយសមស្របផ្សេងៗ។ ចុងក្រោយ បន្តតាមដានស្ថានភាព និងផលប៉ះពាល់នៃគ្រោះទឹកជំនន់លើប្រជាកសិករ និងផ្ដល់ការគាំទ្រចាំបាច់ ស្របតាមកាលៈទេសៈជាក់ស្ដែង។
សេចក្ដីថ្លែងការណ៍អំពាវនាវនេះ ធ្វើឡើងបន្ទាប់ពីលោក ហ៊ុន សែន លើកឡើងកាលពីថ្ងៃទី២៣ ខែសីហា ថា លោកនឹងអំពាវនាវ ដល់ធនាគារជាតិ និងក្រសួងសេដ្ឋកិច្ច ធ្វើការជាមួយមីក្រូហិរញ្ញវត្ថុទាំងឡាយ ដើម្បីអនុគ្រោះចំពោះប្រជាពលរដ្ឋ ដែលជួបប្រទះនឹងគ្រោះទឹកជំនន់ ដោយបន្ធូរបន្ថយរយៈ ពេលសង ឬបន្ធូរបន្ថយមិនយកការប្រាក់ នៅក្នុងរយៈពេលណាមួយ។
អនុប្រធាននាយកប្រតិបត្តិ និងជាគណៈប្រធាននាយិកាប្រតិបត្តិការធនាគារអេស៊ីលីដា លោកស្រី សូ ផនណារី មានប្រសាសន៍ថា ធនាគារអេស៊ីលីដា នឹងអនុវត្តតាមសេចក្ដីណែនាំ និងការអំពាវនាវរបស់ក្រសួងសេដ្ឋកិច្ច និងធនាគារជាតិនេះ។ ម្យ៉ាងទៀតវិញ ធនាគារអេស៊ីលីដា ក៏បានធ្វើ ដូច្នេះរៀងរាល់ឆ្នាំដែលមានទឹកជំនន់ដែរ។ លោកស្រី បន្ថែមថា វានឹងមិនមានផលប៉ះពាល់ដល់ធនាគារអេស៊ីលីដានោះទេ។ «»
ប្រធានអង្គការសម្ព័ន្ធគណនេយ្យភាពសង្គមកម្ពុជា លោក សន ជ័យ យល់ថា ក្នុងស្ថានភាពគ្រោះ ទឹកជំនន់កើតឡើងខ្លាំងបែបនេះ គឺធ្វើឲ្យប៉ះពាល់ខ្លាំងដល់ប្រជាកសិករ ដូច្នេះការចេញសេចក្ដីថ្លែងការណ៍រួមនេះ គឺជាការចាប់ផ្ដើមមួយល្អដែរ ក្នុងជួយប្រជាកសិករ។ ទោះយ៉ាងណាក្តី លោកបន្តថា ភាគីពាក់ព័ន្ធគួរតែជជែកពិភាក្សាគ្នារកចំណុចកណ្តាលមួយ ដើម្បីកុំអោយខូចខាតប្រយោជន៍ធ្ងន់ធ្ងរ ដល់ភាគីណាមួយ។ «»
រីឯទីប្រឹក្សាជាន់ខ្ពស់ផ្នែកសេដ្ឋកិច្ច និងអភិវឌ្ឍន៍នៃក្រុមហ៊ុនពិគ្រោះយោបល់ (EMC) លោក ង៉ែត ជូ មានប្រសាសន៍ថា សេចក្ដីថ្លែងការណ៍របស់ក្រសួងសេដ្ឋកិច្ច និងធនាគារជាតិនេះ គឺគ្រាន់តែ បន្ថែមទៅលើនីតិវិធី ឬគោលការណ៍ធនាគារដែលមានស្រាប់ប៉ុណ្ណោះ ដូច្នេះវានឹងមិនមានផលប៉ះពាល់ធ្ងន់ធ្ងរដល់គ្រឹះស្ថានមីក្រូហិរញ្ញវត្ថុនោះទេ។ ចំណែកពលរដ្ឋវិញ ក៏មិនសូវប៉ះពាល់ដែរ ព្រោះថា សព្វថ្ងៃនេះ ប្រជាពលរដ្ឋភាគច្រើន មិនសូវពឹងផ្អែកតែទៅលើមុខរបរស្រែចម្ការមួយមុខនោះទេ ខណៈដែលទឹកជំនន់ ក៏នឹងមិនធ្ងន់ធ្ងរក្នុងរយៈពេលវែងដែរ។ «»
អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្ដរាយ លោកកែវ វី បានប្រាប់សារព័ត៌មាន ក្នុងស្រុកកន្លងមកថា គិតចាប់ពីចុងខែកក្កដា រហូតដល់ថ្ងៃទី២០ ខែកក្កដា មានមនុស្សស្លាប់បានកើនដល់ ១៨នាក់ ខណៈជាង ៤ម៉ឺនគ្រួសារទៀតរងផលប៉ះពាល់ ដោយសារគ្រោះទឹកជំនន់ទឹកភ្លៀង និងជំនន់ទន្លេមេគង្គ នៅទូទាំងប្រទេសកម្ពុជា៕
Because Hun Sen stupid rogue govm't are failure and didn't know how to regulation the real estate rule and try to appealing to the micro-business enterprises do not ripoff flood victims's property,instead those pple who lost everything by monster flood"shame on him".
Oct 08, 2018 12:03 PM
