កម្ពុជា​-ថៃ​ព្រមព្រៀង​សហប្រតិបត្តិការ​ទេសចរណ៍​ផ្លូវទឹក

ដោយ ម៉ៅ សុធានី
2018-10-17
អ៊ីម៉ែល
មតិ
Share
បោះពុម្ព
ច្រក​ព្រំដែន​អន្តរជាតិ​ខ្មែរ-ថៃ ជាំសាង៉ាំ នៅ​លើ​ខ្នង​ភ្នំ​ដងរែក នៃ​ស្រុក​អន្លង់វែង ខេត្ត​ឧត្តរមានជ័យ ថ្ងៃ​ទី​១១ ខែ​មីនា ឆ្នាំ​២០១៧។
ច្រក​ព្រំដែន​អន្តរជាតិ​ខ្មែរ-ថៃ ជាំសាង៉ាំ នៅ​លើ​ខ្នង​ភ្នំ​ដងរែក នៃ​ស្រុក​អន្លង់វែង ខេត្ត​ឧត្តរមានជ័យ ថ្ងៃ​ទី​១១ ខែ​មីនា ឆ្នាំ​២០១៧។
RFA

កម្ពុជា និង​ថៃ​ព្រមព្រៀង​សហការ​រួមគ្នា ក្នុង​វិស័យ​ទេសចរណ៍​សមុទ្រ ដោយ​ភ្ជាប់​កំពង់ផែ​នៃ​ប្រទេស​ទាំងពីរ ខណៈ​ដែល​ភាគី​កម្ពុជា​ស្នើ​ឲ្យ​ថៃ បើក​ច្រកទ្វារ​ព្រំដែន​បន្ថែម ដើម្បី​សម្រួល​ដល់​អ្នកទេសចរ។

អគ្គនាយក​ផ្នែក​សហប្រតិបត្តិ​អន្តរជាតិ និង​ការអភិវឌ្ឍន៍​ទេសចរណ៍​ថៃ លោក ថង រាត់សាក់ (Thong Rathask) ត្រូវ​បាន​កាសែត​ខ្មែរ​ថាមស៍ (Khmer Times) ដកស្រង់​សម្ដី​ផ្សាយ​នៅ​ថ្ងៃទី១៧ ខែ​តុលា នេះ ថា ក្នុង​ជំនួប​កាលពី​ថ្ងៃ​ទី១៦ ខែ​តុលា នៅ​ខេត្ត​កំពត ក្រុមការងារ​ផ្នែក​សហប្រតិបត្តិការ​វិស័យ​ទេសចរណ៍​នៃ​ប្រទេស​ទាំងពីរ បាន​យល់ព្រម ឲ្យ​មានការ​ភ្ជាប់​ចរាចរណ៍​ផ្លូវទឹក ដោយ​ភ្ជាប់​កោះ​សាម៊ូ​(Koh Samui) នៃ​ខេត្ត​ស៊ូរ៉ាថានី ប្រទេស​ថៃ និង​កំពង់ផែ​ទេសចរណ៍​អន្តរជាតិ​កំពត។

កំពង់ផែ​ទេសចរណ៍​អន្តរជាតិ​កំពត​នេះ គ្រោង​ចាប់ផ្ដើម​សាងសង់ នៅ​ចុង​ឆ្នាំ២០១៩ ឬ​ដើម​ឆ្នាំ​២០២០។

លោក ថង រាត់សាក់ បន្ត​ថា រដ្ឋលេខាធិការ​ក្រសួងទេសចរណ៍​ថៃ គ្រោង​ជួបពិភាក្សា ជាមួយ​ភាគី​កម្ពុជា​នា​ពេល​ខាងមុខ ស្ដីពី​ការ​ស្នើសុំ​បើក​ច្រកទ្វារ​ព្រំដែន​បន្ថែម រួម​មាននៅ​ខេត្ត​ព្រះវិហារ ពោធិ៍សាត់ ឧត្តរមានជ័យ ដើម្បី​សម្រួល​ដល់​អ្នកទេសចរ​ជាតិ​និង​អន្តរជាតិ។

កិច្ចប្រជុំ​នៃ​ក្រុមការងារ​ប្រទេស​ទាំងពីរ​នេះ ធ្វើឡើង​មួយថ្ងៃ មុន​ជំនួប​ថ្នាក់​រដ្ឋមន្ត្រី​ក្រសួងទេសចរណ៍​កម្ពុជា និង​ថៃ ដែល​គ្រោង​ជួបពិភាក្សា នៅ​ថ្ងៃ​ពុធ ទី១៧ ខែ​តុលា​នេះ នៅ​ខេត្ត​កំពត៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល