សមត្ថកិច្ច​ចាប់​ខ្លួន​សកម្មជន​ការពារ​​ធនធាន​ធម្មជាតិ លោក អាឡិក

ដោយ ខែ សុណង និង សេក បណ្ឌិត
2015-02-23
អ៊ីម៉ែល
មតិ
Share
បោះពុម្ព
ស្ថាបនិកចលនា​​មាតា​ធម្មជាតិ លោក លោក អាឡិកហាន់ដ្រូ ហ្គន់ហ្សាឡេស ដេវិតសឹន (Alejandro Gonzalez Davidson) ត្រូវ​បាន​សមត្ថកិច្ច​ចាប់​ខ្លួន​នៅ​ភោជនីយដ្ឋាន​មួយ​ជិត​ផ្សារ​រាត្រី រាជធានី​ភ្នំពេញ នៅ​រសៀល​ថ្ងៃ​២៣ កុម្ភៈ ២០១៥។
ស្ថាបនិកចលនា​​មាតា​ធម្មជាតិ លោក លោក អាឡិកហាន់ដ្រូ ហ្គន់ហ្សាឡេស ដេវិតសឹន (Alejandro Gonzalez Davidson) ត្រូវ​បាន​សមត្ថកិច្ច​ចាប់​ខ្លួន​នៅ​ភោជនីយដ្ឋាន​មួយ​ជិត​ផ្សារ​រាត្រី រាជធានី​ភ្នំពេញ នៅ​រសៀល​ថ្ងៃ​២៣ កុម្ភៈ ២០១៥។
IDEA Photo/Sok Seiha

ស្ថាបនិក​​ចលនា​​មាតា​ធម្មជាតិ លោក អាឡិកហ្សង់ដ្រូ ហ្គន់ហ្សាឡេស ដេវិតសឹន (Alejandro Gonzalez Davidson) ត្រូវ​បាន​សមត្ថកិច្ច​ចាប់​ខ្លួន​នៅ​វេលា​ម៉ោង ១ និង ៣០​នាទី​រសៀល​ថ្ងៃ​ទី​២៣ កុម្ភៈ នា​ភោជនីយដ្ឋាន​មួយ​ក្បែរ​មាត់​ទន្លេ ជិត​ផ្សារ​រាត្រី។

សកម្មជន​សមាគម​សេដ្ឋកិច្ច​ក្រៅ​ប្រព័ន្ធ លោក សុខ សីហា ដែល​បាន​ឃើញ​ហេតុការណ៍​ចាប់​ខ្លួន​នេះ ឲ្យ​ដឹង​ថា សមត្ថកិច្ច​ក្រសួង​មហា​ផ្ទៃ មួយ​ក្រុម​បាន​ចាប់​លោក អាឡិក និង​កង់​របស់​លោក​បញ្ចូល​ក្នុង​​រថយន្ត​។

នៅ​វេលា​ម៉ោង​ប្រមាណ​ជាង ២​​រសៀល​នេះ លោក អាឡិក ត្រូវ​បាន​សមត្ថកិច្ច​បញ្ជូន​ទៅ​កាន់​អគ្គនាយកដ្ឋាន​អន្តោប្រវេសន៍​នៅ​មុខ​អាកាសយានដ្ឋាន​អន្តរជាតិ​ភ្នំពេញ ដើម្បី​សាកសួរ។

ថ្មីៗ​នេះ លោក​ អាឡិក ​ដែល​មាន​សញ្ជាតិ​អេស្ប៉ាញ ព្យាយាម​សុំ​បន្ត​ទិដ្ឋាការ​ពី​រដ្ឋាភិបាល​ដើម្បី​សុំ​ស្នាក់នៅ​បន្ត​ការងារ​នៅ​កម្ពុជា ប៉ុន្តែ​ត្រូវ​បាន​អាជ្ញាធរ​បដិសេធ។

ក្រសួង​មហាផ្ទៃ បាន​លើក​ឡើង​ថា លោក អាឡិក បាន​ប្រព្រឹត្ត​ខុស​នឹង​លក្ខន្តិកៈ​របស់​អង្គការ​មាតា​ធម្មជាតិ ដែល​តម្កល់​ទុក​ក្នុង​ក្រសួង​មហាផ្ទៃ ដោយ​ញុះញង់​ប្រជាពលរដ្ឋ​បិទ​ផ្លូវ​សាធារណៈ និង​មិន​ឲ្យ​ក្រុម​ការងារ​របស់​អាជ្ញាធរ​ចុះ​ជួប​ប្រជាពលរដ្ឋ ក្នុង​ស្រុក​ថ្មបាំង ខេត្ត​កោះកុង។ ទិដ្ឋាការ​ស្នាក់នៅ​កម្ពុជា របស់​លោក​បាន​ផុត​កំណត់​កាល​ពី​ថ្ងៃ​ទី​២០ ខែ​កុម្ភៈ។

សូម​​​ស្ដាប់​សេចក្ដី​រាយការណ៍​​ផ្ទាល់​​​របស់​លោក សេក បណ្ឌិត ទាក់ទង​នឹង​ការ​ចាប់​ខ្លួន លោក អាឡិក និង​ការ​បកស្រាយ​​របស់​ប្រធាន​អង្គការ​វេទិកា​អនាគត លោក អ៊ូ វីរៈ តាម​ការ​សាក​សួរ​របស់​អ្នកស្រី ខែ សុណង៖

មុន​ការ​ចាប់​ខ្លួន​លោក អាឡិក ប្រមាណ ២​ម៉ោង នៅ​ថ្ងៃ​ដដែល​នេះ លោក​នាយក​រដ្ឋមន្ត្រី ហ៊ុន សែន បាន​ថ្លែង​ជា​សាធារណៈ​ក្នុង​ពេល​ចែក​សញ្ញាប័ត្រ​ដល់​និស្សិត ព្រមាន​មិន​ឲ្យ​អ្នក​នយោបាយ និង​អង្គការ​សង្គម​ស៊ីវិល លូកលាន់​រឿង អាឡិក នេះ​ទៀត។ លោក​និយាយ​សំដៅ​មន្ត្រី​បក្ស​ប្រឆាំង​ដែល​ស្នើ​ឲ្យ​ព្រះមហាក្សត្រ​ប្រទាន​កិច្ច​អន្តរាគមន៍​ឲ្យ​លោក អាឡិក នោះ។

លោក ហ៊ុន សែន បញ្ជាក់​ថា សូម​ឲ្យ​ជនបរទេស​រូប​នេះ ទៅ​ក្រៅ​មួយ​រយៈ​សិន​កុំ​បង្ក​រឿង៖ «អ៊ីចឹង​ទេ បើ​គ្រាន់​តែ​ធ្វើ​រដ្ឋ​អធិបតេយ្យ​មួយ​គ្រាន់​តែ​គេ​បំពាន​ដែរ ចាំបាច់​ទៅ​ធ្វើ​រដ្ឋ​ធ្វើ​អី? មិន​ថា ជន​បរទេស​បំពាន​ទេ ជនជាតិ​ខ្មែរ​បំពាន​ក៏​ត្រូវ​តែ​មាន​ទោស​ដែរ អំណាច​រដ្ឋ​សង្ឃឹម​ថា រឿង​អស់​ទាំង​នេះ ត្រឹម​តែ​រដ្ឋមន្ត្រី​មហាផ្ទៃ ដោះស្រាយ​បាន​ហើយ។ គេ​ទៅ​រំខាន​ដល់​ព្រះមហាក្សត្រ​ហ្ន! ព្រះមហាក្សត្រ​ទ្រង់​ចេញ​លិខិត​មក​ខ្ញុំ​ព្រះករុណា​ខ្ញុំ ប្រាប់​ឯកឧត្ដម ស ខេង ថា សរសេរ​ព្រាង​ឲ្យ​ខ្ញុំ​ផង ប៉ុន្តែ​មិន​សម​ទៅ​រំខាន​ព្រះមហាក្សត្រ។ សមត្ថកិច្ច​គេ​ទុក​ឲ្យ​អ្នក​បញ្ហា​អន្តោប្រវេសន៍​នេះ គឺ​រដ្ឋមន្ត្រី​មហាផ្ទៃ ចាត់ចែង​ទៅ​វា​ចប់​ហើយ»

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (29)
Share

អ្នក​អាន​អនាមិក

នៅក្នុងរបប កញ្ចាស់ ហ៊ុន សែន កុំមកមានមុខមាត់ កិត្តិយសល្អ ជាងហ៊ុន សែន ត្រូវតែកំចាត់ចេញ !

Feb 24, 2015 02:33 AM

Kone Khmer

ពី The United States of America

Hun Sen said CNRP has disturbed Royal king Sihakmoni. This minus problem, the ministry of interior can taking care already. Question? What has the king do everyday? Is he very busy for his country? If problem is unsolved, the next step is send the proposal to the king.

Feb 23, 2015 01:38 PM

អ្នក​អាន​អនាមិក

Bravo! Alejandro! Your heroic deed for humanity will be strongly supported by all from around the world. You are the Cambodian hero. You belong here in Cambodia. These headless traitors are coming near the end of their destructive journey.

Feb 23, 2015 10:50 AM

អ្នក​អាន​អនាមិក

ឥឡូវនេះខ្វាក់ក៏ខ្វិនឯខ្វិនក៏ខ្វាក់ តូវត៎ាតឹងអស់ អត់មានជាបើមួយ។ ថ្ងៃឌែងអស់នេះកាន់តែខ្លី បន្ទប់វាក៏រួមកាន់តែតូចដែរ ប៉ុន្តែបើនិយាយតាមមេវាវិញ នៅតែមានក្រឡាដើរអ្ចឹង ព្រោះលើពិភពលោកមានតែ១ទេអមតៈ ...សំណាងមែនទែនវ៉ាហ្អើយ!

Feb 23, 2015 10:39 AM

អ្នក​អាន​អនាមិក

គេមកថែរក្សាការពារព្រៃឈើក្នុងនៃល្អ ពួកគាំទ្ររដ្ឋាភិបាលថាគេមកបំបែកបំបាក់ខ្មែរ មកកេងចំណេញ តើលោកអាឡិច កេងចំណេញបានផ្ទះប៉ុន្មានល្វែង ឡានទំនើបម៉ាកអ្វី?បើពេលគេចាប់គាត់ អាឡិចជិះកង់សោះនឹង‌!អ្នកដឹកនាំធ្វើខុសចេះតែគាំទ្រ អញ្ចឹងអ្នកដែលគាំទ្រចំាទៅចុះនរកជាមួយគ្នាទៅ។អោយគេចេញមួយរយៈ ដើម្បីកាប់ព្រៃអោយហិនហោចអស់ គេការពារអោយឯងសោះ បែរជាមិនហ៊ានបន្តការស្នាក់នៅអោយវីរបុរសអាឡិច ឬយកលុយចិនមុនបានខ្លាចគេម្ល៉េះ ឈប់ប្រើអំណាចទៅ អាយុប៉ុណេ្ណះហើយ រស់មិនបាន ១០០ ឆ្នាំឯណាល្មមទុកធនធានធម្មជាតិស្រុកយើងខ្លះទៅ លោកខ្មែរដែលតើ!ទ្រព្យសម្បត្តិរបស់អស់លោកចាយលែងអស់ហើយ កុំប្រើអំណាចពេកប្រយត្ន័ចុះនរកកាន់តែជ្រៅ ។អរគុណវិទ្យុអាស៊ីសេរី

Feb 23, 2015 10:27 AM

មើល​មតិ​ទាំង​អស់.

គេហទំព័រ​ទាំងមូល