ផ្ទះ១០ម៉ឺនខ្នង ស្រូវជាង ២ម៉ឺនហិកតារ និងដំណាំជាច្រើនរងផលប៉ះពាល់ដោយសារទឹកជំនន់
2019.09.20
ស្ថានភាពទឹកជំនន់ខេត្តរតនគិរី កាលពីថ្ងៃទី៩ ខែសីហា ឆ្នាំ២០១៩។
រូបហ្វេសប៊ុករដ្ឋបាលខេត្តរតនគិរី
អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ លោក គន់ គឹម ប្រាប់ទីភ្នាក់ងារព័ត៌មានរ័យទ័រ (Reuters) កាលពីថ្ងៃទី១៨ ខែកញ្ញា ថា អាជ្ញាធរបានជម្លៀសពលរដ្ឋ ជាងមួយម៉ឺនគ្រួសារ (១០.០០០) ចេញពីលំនៅឋាន តាំងពីសប្ដាហ៍មុនរហូតមកដល់ពេលនេះ ដោយសារទឹកជំនន់ធ្ងន់ធ្ងរនៅខេត្តចំនួន១៤។ លោកបន្តថា ទឹកជំនន់នេះ បណ្ដាលឱ្យផ្ទះរបស់ពលរដ្ឋចំនួន ១០ម៉ឺនខ្នង ស្រូវចំនួន ២ម៉ឺន ៥ពាន់ហិកតារ (២៥.០០០) និងផលដំណាំផ្សេងទៀត ប្រមាណ៥ពាន់ហិកតារ កំពុងរងផលប៉ះពាល់ខ្លាំង ដោយសារជន់លិច។
ប្រភពដដែលបន្តថា ក្នុងភូមិមួយចំនួនក្នុងខេត្តព្រៃវែង ត្រូវបានជនលិចទាំងស្រុង ហើយក្រុមជួយសង្គ្រោះ បានប្រើប្រាស់ទូកដើម្បីដឹកជម្លៀសពលរដ្ឋចេញពីផ្ទះ។ ខេត្តដែលកំពុងទទួលរងគ្រោះដោយសារទឹកជំនន់រួមមានខេត្តព្រះវិហារ ខេត្តក្រចេះ ស្ទឹងត្រែង ខេត្តកំពង់ចាម កំពង់ធំ ព្រៃវែង និងខេត្តត្បូងឃ្មុំ។ ក្រសួងឧតុនិយម បានប្រកាសថា កម្ពស់ទឹកជំនន់នេះ នឹងអាចបន្តឡើងកាន់តែខ្ពស់ នៅប៉ុន្មានថ្ងៃខាងមុខនេះទៀត ក្នុងនោះក៏មានខេត្តព្រៃវែងផងដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- សភាកម្ពុជាប្រតិកម្មទៅនឹងការសម្រេចរបស់សភាអឺរ៉ុបរឿងដកប្រព័ន្ធអនុគ្រោះពន្ធEBA បន្ថែម
- មន្ត្រីជាន់ខ្ពស់ និងឧកញ៉ា សុំលោក ហ៊ុន សែន ឱ្យជួយរកយុត្តិធម៌ដោយមិនពឹងតុលាការ
- កម្ពុជារកចំណូលបាន ១.៤ពាន់លានដុល្លារ ពីកំណើនភ្ញៀវទេសចរបរទេសក្នុងឆ្នាំ២០២២
- លោក ហ៊ុន សែន មិនគាំទ្រដីកាតុលាការ ICC ដើម្បីចាប់ខ្លួនមេដឹកនាំរុស្ស៊ី
- ពិធីមង្គលការរបស់ពលករខ្មែរនៅប្រទេសថៃ