អ្នកជំងឺកូវីដ ១២នាក់ទៀតបានស្លាប់ និងឆ្លងថ្មីជាង ៦រយនាក់
បច្ចុប្បន្នភាពជំងឺកូវីដ១៩។
RFA
អ្នកជំងឺកូវីដ-១៩ ចំនួន ១២នាក់ទៀតបានស្លាប់ដែលធ្វើឱ្យករណីស្លាប់ដោយសារជំងឺនេះកើនឡើងដល់ជាង ២ពាន់ សែសិបនាក់ហើយ (២.០៤០)។ ចំពោះករណីឆ្លងថ្មីវិញ មានជាង៦រយនាក់ (៦៦២) នៅថ្ងៃដដែលនេះ ក្នុងនោះជិត២រយនាក់ (១៨០) ជាករណីនាំចូលពីក្រៅប្រទេស។
គិតត្រឹមព្រឹកថ្ងៃទី ១២កញ្ញា កម្ពុជា មានអ្នកកើតជំងឺកូវីដ-១៩ ជិត១០ម៉ឺននាក់ (៩៩.៥០៤) ក្នុងនោះអ្នកជាសះស្បើយមានជាង ៩ម៉ឺន ៣ពាន់នាក់ (៩៣.៩០៤)។
ក្រសួងសុខាភិបាលប្រកាសថា គិតត្រឹមថ្ងៃទី១១ កញ្ញា រដ្ឋាភិបាលចាក់វ៉ាក់សាំងជូនពលរដ្ឋបានជាង ៩លាន ៧សែននាក់ ក្នុងចំណោមអ្នកដែលត្រូវចាក់សរុប ១០លាននាក់។ ចំណែកកុមារ និងយុវជនដែលមានអាយុពី ១២ឆ្នាំ ដល់ ១៧ឆ្នាំវិញ ក្រសួងប្រកាសថា ចាក់វ៉ាក់សាំងបានជាង ១លាន ៧សែននាក់ ក្នុងចំណោមអ្នកដែលត្រូវចាក់សរុបជិត ២លាននាក់។
ទោះបីជារដ្ឋាភិបាល លោក ហ៊ុន សែន ជិតសម្រេចតាមផែនការចាក់វ៉ាក់សាំងជូនពលរដ្ឋក្តី ក៏ចំនួនអ្នកស្លាប់ដោយសារជំងឺកូវីដ-១៩ និងករណីឆ្លងថ្មី នៅមិនទាន់ថយចុះច្រើននៅឡើយ។ ក្នុងរយៈពេលចុងក្រោយនេះអ្នកឆ្លងថ្មីមានចន្លោះពីជាង៥ទៅជាង៦រយនាក់ ខណៈអ្នកស្លាប់វិញ មានជាង១០នាក់ក្នុងមួយថ្ងៃ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
- ស្ដាប់ផ្ទាល់ (ព្រឹក ៥:៣០-៦:៣០ ល្ងាច ៧:៣០-៨:៣០)
- សំឡេង
- អ្នកវិភាគថា សេចក្តីព្រាងច្បាប់កំណត់សញ្ជាតិតែមួយមើលងាយដល់អង្គព្រះមហាក្សត្រខ្មែរដែលមានសញ្ជាតិលើសពីមួយ
- សហជីពសង្ស័យកាស៊ីណូចិនចង់ដោះដៃពីការទទួលខុសត្រូវ ទើបតម្រូវឲ្យបុគ្គលិកលាឈប់ពីការងារ
- ខ្មែរអាមេរិកកាំង សោកស្តាយការបាត់បង់អ្នកលើកស្ទួយព្រះពុទ្ធសាសនា និងវប្បធម៌ខ្មែរនៅលើទឹកដីសហរដ្ឋអាមេរិក
- ពលរដ្ឋរិះគន់ការបោះក្រដាសប្រាក់ ៣ម៉ឺនដាក់រូបលោក ហ៊ុន សែន ថា ជាការមិនឱ្យតម្លៃព្រះមហាក្សត្រ
- «ចិនបន្តសង់សំណង់នៅមូលដ្ឋានទ័ពជើងទឹករាម»
