អ្នកជំងឺកូវីដចំនួន២៤នាក់ទៀត បានស្លាប់

ដោយ សុជីវី
2021-10-10

ក្រុមគ្រូពេទ្យកំពុងយកវត្ថុសំណាកពីអ្នកជំងឺកូវីដ១៩ម្នាក់នៅក្នុងខេត្តសៀមរាប កាលពីខែមេសា ឆ្នាំ២០២១។

រូប៖ រដ្ឋបាលខេត្តសៀមរាប។

ស្ដាប់ ឬទាញយកសំឡេង

អ្នកជំងឺកូវីដ-១៩ ចំនួន ២៤នាក់ទៀតបានស្លាប់ដែលធ្វើឱ្យករណីស្លាប់កើនឡើងដល់ជាង ២ពាន់ ៥រយ (២.៥០៦)នាក់ គិតត្រឹមថ្ងៃទី១០ ខែតុលា។ ចំពោះករណីឆ្លងថ្មីមានជាង ២រយ (២៣៩)នាក់ ក្នុងនោះមាន ២៥នាក់ ជាករណីនាំចូលពីក្រៅប្រទេស។ នេះជាលទ្ធផលដែលបញ្ជាក់ដោយម៉ាស៊ីនពិសោធន៍ភីស៊ីអា (PCR)។

គិតត្រឹមព្រឹកថ្ងៃទី១០ ខែតុលា កម្ពុជាមានអ្នកកើតជំងឺកូវីដ-១៩ ជាង ១១ម៉ឺននាក់ (១១៤.៨១០) ក្នុងនោះអ្នកជាសះស្បើយមានប្រមាណ១សែននាក់ (១០៧.៨៥៧)។

ក្រសួងសុខាភិបាល ប្រកាសថា គិតត្រឹមថ្ងៃទី៩ ខែតុលាម្សិលមិញ រដ្ឋាភិបាលចាក់វ៉ាក់សាំងជូនពលរដ្ឋគ្រប់អាយុបានជិត ១០លាននាក់ហើយ។ ចំណែកកុមារ និងយុវជនដែលមានអាយុពី ៦ឆ្នាំ ដល់ ១៧ឆ្នាំវិញ ក្រសួងបញ្ជាក់ថា ចាក់វ៉ាក់សាំងបានជាង ៣លាន ៥សែននាក់ ក្នុងចំណោមអ្នកដែលត្រូវចាក់សរុបជិត ៤លាននាក់៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

ព័ត៌មាន (0)